VOV4.K’ho - Nàng tơngguh bơta chài lơh broa\ tus ala\ ơruh pơnu, cau tàm mpồl ơruh pơnu, mpồl ơruh pơnu càr Daklak neh geh ua\ ngan broa\ lơh bơto pơlam, pơlam chài lơh broa\ gơ hòi gal ngan ơruh pơnu tus bal. Bơh hơ\ lơh geh bơta geh tam tìp, bơsram bơh ala\ cau kuang atbồ mpồl ơruh pơnu, dong khi geh tơngguh bơta chài tàm broa\ lơh lơh broa\ slơ ngai slơ dờng kràn, bơtàu tơngguh mpồl ơruh pơnu  hờ đơm tàm rài kis pa.

            Mờ la càr tiah kơh bơnơm, ơnàng tai,  mờ geh ua\ ngan jơi bơtìan kòn cau, den tàng Daklak broa\ trơgùm ơruh pơnu tàm ala\ srơh broa\ lơh bơh mpồl ơruh pơnu gơtìp ua\ ngan kal ke. Ơruh pơnu  tàm [òn lơgar la cau tờm ngan lơh broa\ lơh sa tàm hìu nha\ den tàng broa\ rơndap tu\ tơngai nàng tus bal tàm mpồl ơruh pơnu kung ờ hoan gơtùi ngan. Mùl màl broa\ lơh ơruh pơnu tàm [òn lơgar ai go\,  ala\ bùi cri bơyai mìng gơ ơm tàm ala\ ala\ bơta  nhơl bal gal cau mờ ala\ broa\ lơh sùm den tàng buơn ngan  gơbàn dil, ờ gơhòi geh ơruh pơnu tus  bal. Lo\ Ma Thị Hoàn atbồ mpồl  ơruh pơnu Cộng sản Hồ Chí Minh ntum Ea Đah, kơnhoàl Krông Năng ai git:“Bè ờs den bol a` mìng bơyai lơh nhơl ala\ bơhìan nhơl hala tam ya, ai ala\ broa\ lơh yal jơnau tơnggit, mật thư, semaphore den gơ lơh krơi is ngan tus mờ ơruh pơnu pa tu\ do. Mìng ala\ cau lòt bơsram sra\ den hơ\ sồng git lơm, ai bol a` kung ờ hềt git tus jơnau yal tơnggit”.

            Bi Trần Văn Thắng kuang jat jơng atbồ mpồl ơruh pơnu ntum Ea Đar, kơnhoàl Ea Kar kung ai git,  bulah kờ` ngan geh bơyai lơh ala\ broa\ lơh pa,  cèng  geh tơnggu me li la rlau, mơya bơta chài bơh cau atbồ mpồl gam ờ hềt  chài  ngan. Bi Trần Văn Thắng đơs:“Nàng geh bơto pơlam ala\ bơta chài bè morse, semaphore, lơh tềl lòt gùng hala bơyai lơh dùl phan nhơl  cau dờng in tàm   mpồl hơđơm den gơ gam gơtìp ua\ ngan kal ke. Lài jơh la cau tàm mpồl cau kuang nàng bơto bơtê ala\ ơdu\ hơ\ den gam êt,  hơ\ sồng cau tàm mpồl ơruh pơnu dờp git wa\ ala\ bơta hơ\ kung  kal ke den gơtìp ua\ ngan kal ke”.

            Bơh ala\ kal ke pa yal, geh lơh ala\ cau atbồ mpồl ơruh pơnu kờ` pal geh ala\ bơta chài broa\ lơh, geh ngui di pal mờ mùl màl tàm tiah he dê. Tơngai lài,  mpồl ơruh pơnu càr mờ mpồl tam klac ơruh pơnu Việt Nam càr Daklak neh bơyai lơh ua\ ngan ơdu\ pơlam bè bơta chài, bè : bơto pơlam bơta chài atbồ ơruh pơnu, pơlam bơta chài, broa\ lơh mpồl ơruh pơnu-mpồl [òn,  [òn  gùng drà,  broa\ lơh  dùl ngai geh tus ngan lơh bal.

            Mìng is tàm nhai 4 pa do,  mpồl ơruh pơnu neh pờ geh 2  dơ\  bơto pơlam  lời ai tus cau atbồ  ơruh pơnu tàm 2 kơnhoàl Buôn Đôn mờ Cư\ Mgar, gơ hòi geh rlau 350  na\ ơruh pơnu tàm càr geh tus bal. Bơh hơ\, , ala\ ơruh pơnu geh  tus bal git ua\ ngan bơta chài, bè bơta chài mblàng, mut  lơh ngan tàm mpồl  bơtìan,  bơta chài trơ gùm tam klac ơruh pơnu… dong khi geh git tai jơnau git wa\, bơtàu tơngguh broa\ lơh tàm mpồl ơruh pơnu-Mpồl. Bal mờ hơ\,  mpồl ơruh  càr gam geh lơh bal mờ mpồl ơruh pơnu kơnhoàl Lak mut lơh  broa\ lơh mblàng pơlam adat boh lam,  tus bal cri bơyai ơruh pơnu tàm ala\  ntum tiah sar lơgar ngài nàng lơh geh bơta  pa, dong  ala\ ơruh pơnu geh dờp  geh ua\ ngan broa\ lơh mpồl ơruh pơnu. Bi Võ Văn Dũng  kuang jat jơng atbồ mpồl  ơruh pơnu càr, kuang atbồ mpồl tam klac ơruh pơnu Việt Nam, càr Daklak ai git:“Mpồl bơyai lơh mờ mpồl bơto bơsram  geh lơh ngan  tàm ala\ bơta pràn la ala\ bơta chài, tơmù bà jơnau tàm sra\ nàng mpồl cau lơh kuang lơh broa\ mpồl gơtùi geh yal tơnggit tàm mpồl ơruh pơnu hờ đơm mờ geh ngui tàm bơta mùl màl  nàng  pơnjat tai geh tam klac trơ gùm ơruh  pơnu tàm mpồl. Bơh ala\ tơnggu me den ua\ ngan ala\ bơta drờm geh ngui, geh lơh bal tàm ala\ tơngguh me bơh Tây Nguyên, bè bơhìan chài rgơi bơh Tây Nguyên, ala\ bơta chài tàm tiah sar lơgar ngài kung geh ngui nàng mờ tu\ bơsram tàp  gơs den rê hờ đơm den geh gơtùi ngui mo mùl màl”.

            Bơh ala\ broa\ lơh bơto pơlam do, ua\ cau kuang mpồl ơruh pơnu geh tu\ geh mut lơh tàm broa\ lơh cri bơyai  mờng chài,  geh git tai bơta mùl màl, bơh hơ\ geh tai ala\ bơta mờng nàng geh ngui tàm mùl màl lơh broa\ he dê,  dong tus mpồl ơruh pơnu tàm  kơna\ hờ đơm  slơ ngai slơ bơtàu tơngguh rlau.

                   Cau cih mờ yal tơnggit K’ Brọp