VOV4.K’ho - Ờ duh ta\ pria\, tơmù  pria\ ta\ bơh bồm dà bơtơt la  gùng dà broa\ lơh bơh Đảng, Dà lơgar nàng tam  pà ala\ kal ke mờ làng bol cau lơh broa\ sa, dong làng bol geh đềt mềr mờ broa\ lơh broa\ sa. Bulah bè hơ\,  broa\ lơyaì ai bơsir pria\ bồm dà gam lơh kal ke tus broa\ lơh bơh mpồl lơh sa bal broa\ lơh sa suơn sre kơnhoàl Krông Ana, càr Daklak.

            Nam 2006,  Mpồl lơh sa bal broa\ lơh sa suơn sre Quyết Tiến, [òn drà Buôn Trăp, kơnhoàl Krông Ana geh crơng gơs tàm bơta ai bơh trơ gùm bal 3 hìu bồm dà mờ đèng neh geh lài tàm [òn lơgar, drơng tus geh dà tuh rlau 1 rbô lồ kòi sre bơh 1.480 hìu nha\  làng bol cau lơh sa tàm blàng sre nhai 10, blàng sre A, B tàm [òn drà Buôn Trăp mờ ntum Bình Hoà. 3 hìu bồm dà geh lơh broa\ geh cồng nha ngan, bơta pràn tuh dà sơrlèt rlau neh dong cau lơh broa\ sa buon boài ngan rlau tàm broa\ lơh sa, blàng sre sùm tơnhàu geh ua\ kòi den tàng làng bol pin dờ` ngan tàm broa\ lơh mpồl dê. Ồng Hồ Hoàng atbồ mpồl [òn làng bol 6, [òn drà Buôn Trăp, ai git:“Tus tơngai bồm dà nàng lề ù, den bol a` geh lơh broa\ bal mờ mpồl lơh sa bal geh bồm dà bol a` in tơl dà, tềng lơi jơnhua den mpồl lơh sa bal  kung git, tềng lơi dà gơbàn tih lìu den mpồl lơh  sa bal kung git, mpồl lơh sa bal tam pà dà ring ngan. Ngai do lo\ do,  ngai hìng lo\ ndai geh tơl jơh dà”.

            Mơya, ồng Trần Hữu Tiến kuang atbồ mpồl lơh sa bal Quyết Tiến ai git, kàl tus, mpồl lơh sa bal geh ờ pơnjat tai geh bồm dà làng bol in tài bơh ờ geh pria\. Ala\ nam lài,  mpồl lơh sa bal geh pơrgon lơh broa\ bal mờ tơl hìu nha\ làng bol tàm bơta atbồ,  tơnhàu, sền gàr lơh niam mờ tam pà dà tus tàm ala\ lo\ sre. Mơya bơh nam 2008, dà lơgar mut lơh broa\ ờ  duh pria\, tơmù pria\ bồm dà làng bol in den bơta ngui dơ\ pria\ gơlơh kal ke  ngan. Jat kơrnuat sồ 67 bè khà pria\ ai bơsir, làng bol mìng ta\ geh dùl bơnah pria\ tơnơ\  rbòng bồ dà la 750 rbô tàm dùl lồ, gam geh dà lơgar ai bơsir 1 tơlak 629 rbô dùl lồ nàng dong kờl. Bulah bè hơ\,  pria\ geh ai bơsir sùm gơbàn lơ yài. Nam 2014,  mpồl lơh sa bal Quyết Tiến geh dà lơgar dong kờl khà pria\ ai bơsir rlau 1 tơmàn 700 tơlak pria\, mơya tus tu\ do,  mìng geh ai càn di 870 tơlak pria\. Ồng Trần Hữu Tiến atbồ mpồl lơh sa bal broa\ lơh sa suơn sre Quyết Tiến, đơs:“Jat kơrnuat sồ 67 bơh Kuang gơs gơnap gơnoar atbồ hờđang rlau jơh dà lơgar bè ai bơsir pria\ bồm dà den nam 2014, bol a` mìng rơp dờp geh 47%. Nam 2015, mpồl lơh sa bal gam ờ hềt dờp geh khà pria\ gam wơl  jat pria\ jàu pria\ jền bơh càr dê, tàm tu\ hơ\,  mpồl lơh sa bal gam dồs tus 700 tơlak pria\ ồs đèng, gam pria\ nhai bơh  cau lơh broa\, dôs 4 nhai kờp bal jơh mpồl cau atbồ”.

            Drờm bè hơ\,  Mpồl lơh sa bal broa\ lơh broa\ sa- broa\ ơla Thanh Bình tàm [òn Buôn Triêt, ntum Dur Kmar, kơnhoàl Krông Ana atbồ dùl ròt broa\ lơh bồm dà, tơl pràn bồm dà geh  tus 2.200 lồ kòi sre tàm 2 kơnhoàl Krông Ana mờ kơnhoàl Lak. Nam 2014, mpồl lơh  sa bal neh geh ky\ sra\ ai bơsir pria\ bồm dà rlau 3 tơmàn 650 tơlak pria\. Mơya, tus tu\ do,  mpồl lơh sa bal mìng rơp dờp geh rlau  1 tơmàn 700 tơlak pria\. Tàm tu\ hơ\, mpồl lơh sa bal gam dồs rlau 600 pria\ ngui đèng. Nàng gàr geh broa\ lơh,  atbồ mpồl lơh sa  bal neh pal tơmut phan bơna sa\ tờm nàng càn pria\ anih pria\ jền tus mờ càn pria\ hờ bơdĩh hơ\ sồng  gơtùi jàu dùl bơnah pria\ đèng,  jàu pria\ nhai cau lơh broa\ in, pria\ geh lơh niam wơl ma\y mok lơh broa\...Ồng Nguyễn Văn Sanh atbồ mpồl lơh sa bal Thanh Bình, đơs:“Pria\ ngui nàng bồm dà tàm nam 2014 ai jơh ala\ mpồl lơh sa bal tàm kơnhoàl Krông Ana mờ kơnhoàl Lak den dà lơgar gam dồs 53% tai,  lơh jat bal tai pria\ ngui nàng bồm dà nam 2015 ala\ mpồl lơh sa bal gam ờ hềt dờp geh pria\ bồm dà lơi. Pria\ đèng, ua\ ngan ala\ mpồl lơh sa bal neh pal ai is phan bơna bơh hìu nha\  hala  bơh ala\ cau lơh broa\ bal nàng lòt tơmut nàng geh càn pria\ nàng jàu pria\ đèng drơng broa\ lơh sa bơh làng bol taà neh ky\ mờ làng bol den pal lơh broa\ tơl sir”.

            Mpồl lơh sa bal Quyết Tiến mờ mpồl lơh sa bal Thanh Bình mìng la 2 tàm 7 mpồl lơh  sa bal broa\ lơh sa suơn sre bơh kơnhoàl Krông Ana gam gơbàn dồs pria\ nàng bồm dà nam 2014 mờ kờp jơh pria\ geh rlau 6 tơmàn 800 tơlak pria\. Ala\ mpồl lơh sa bal ai git,  dilah tu\ tơngai tus broa\ lơh ai pria\ bơsir pria\ ta\ bồm dà ờ geh mut lơh den pơhìn ơm lơh broa\ bơh mpồl lơh sa bal la ua\ ngan. Bơta do geh gơbàn aniai tus broa\ lơh sa bơh làng bol tiah do, ngan  la tu\ kàl lơh sa nhai hàm-kàl mriềt gam tus rềp ngan mờ bơta gơbàn prang  gam gơbàn kràn ngan. Tềng đap jơnau kờ` đơs bơh mpồl lơh sa bal, ồng Nguyễn Thiên Văn kuang atbồ mpồl tam klac mpồl lơh sa bal càr Daklak, ai git:“Ơm tềng bơta bè hơ\,  mpồl tam klac mpồl lơh sa bal càr geh jơnau đơs mờ anih duh broa\ làng bol càr mờ ala\ gah, sơnah lơh broa\ sền gròi, dong kờl, dong tơl bơta nàng ai bơh khà pria\ bơh dà lơgar geh dong kờl den geh tam pà  di pal mờ dong geh bơta tus broa\ lơh gàr niam tàm broa\ lơh sa”.

                             Cau cih mờ yal tơnggit K’ Brọp.