VOV4.K’ho - Bal mờ gùt lơgar, càr Daklak gam mut tàm  tơngai dơ\ 2,  mut lơh broa\ lơh dà lơgar bơt bơtàu [òn lơgar pa.  Ai bơh bơta mờng bơh 5 nam sơnrờp mut lơh bơt bơtàu [òn lơgar pa, làng bol geh kơp kờ` ngan, tàm tơngai pa, [òn lơgar pa geh lơh geh ala\ cồng nha niam rlau. Ồng Vũ Văn Đông Phó kuang atbồ Gah Nông nghiệp  mờ Phát triển Nông thôn càr Daklak geh jơnau yal loh rlau bè broa\ lơh [òn lơgar  pa tàm  càr do:

            -Ơ ồng,  tus tu\ do,  càr Daklak neh geh 7  xã tơl khà [òn lơgar pa, 3  xã gam  lơh sra\ nggal dờp tơl khà,  40 xã neh lơh geh bơh 13  tus 18 broa\  jàu. Bơdĩh mờ ala\ khà sồ niam do,  cồng nha  5 nam bơt bơtàu [òn lơgar pa tàm daklak, geh bơta lơi mpờl go\ niam?

            Ồng Vũ Văn Đông: A` go\  bơta  sền go\  dờng ngan la broa\ lơh bơt bơtàu [òn lơgar pa geh làng bol mut lơh  nhap nhar ngan mờ jơh nùs ngan, den tàng neh cèng geh cồng nha niam ngan,  dong lơh geh phan bơna tàm  [òn lơgar pa niam,  dờng mờ bơtàu tơngguh rài kis bơh làng bol bè lơh sa phan bơna kung bè chài rgơi mpồl bơtìan. Mờ  a` go\ jơh bơta kờ` ngan bơh làng bol tu\ mut lơh broa\ lơh  [òn lơgar  pa.

            -Tu\ mut lơh broa\ lơh, mờ tàm tu\ mut lơh bơh tơngai dơ\ dùl, geh ua\ ngan bơta ờ suk bè broa\ lơh do, broa\ lơh  ne gam ờ  di pal, mờ Daklak lơh mbè lơi nàng geh lơh tus mờ ù tiah kơh bơnơm. Den tus tu\ do,  ala\ bơta gam ờ suk hơ\ geh bơsong mbè lơi, ơ ồng?

            Ồng Nguyễn Văn Đông: Tu\ mut lơh broa\ lơh bơt bơtàu [òn lơgar pa. den càr  Daklak mìng rơp lơh geh ¾  broa\ lơh tàm 19 broa\ lơh, den do la bơta geh lơh  dờng ngan bơh ala\ kơna\ Đảng,  gơnoar atbồ mờ gùt  làngbol. Ngan la  dùl mpồl ala\ broa\ lơh bè gùng lòt,  bơtơt rbòng dà, hìu chài rgơi [òn, hơ\ sồng hìu tàm [òn lơgar den do la bơta geh lơh ngan  dờng ngan. Tus tu\ do,  den bol a`  kung neh dan yal tơnggit la chờ hờp ngan tu\ lơh geh ala\ broa\ lơh  hơ\,  bè broa\ lơh  bè bơtơt rbòng dà den tu\ do geh 61 tàm 152 xã tơl khà, bè  hơ\ tàm mờr 5 nam neh gơguh 51 xã,  hơ\ sồng gùng lòt  mo tơn bơh sơnrờp ờ geh  xã lơi lơh geh den tu\ do neh geh 13 xã, broa\ lơh hìu ơm den neh geh 48 xã lơh geh.

            -Bè jơnau sền wơl bơh càr, nam do, geh kờp bal bơh tơl na\ cau  Daklak dê tơmù pơndrờm mờ nam lài. Do  ngan la dùl bơta lòng mờ broa\ bơt bơtàu [òn lơgar pa bơh [òn lơgar hala ờ ơ ồng?

            Ồng Vũ Văn Đông: Ngan la bè hơ\,  tài geh 2 bơta, lài jơh la kal ke bè gơ tam gơl trồ tiah,  hơ\ sồng bè khà pria\ bơh ờ ua\ phan lơh geh gơmù. Dơ\ 2 la jat kơrnuat pa  ngan bơh  Chính phủ den broa\ lơh bè pria\ geh gơguh pơndrờm mờ tơngai dơ\ 1 mờ  broa\ lơh bè hìu  rbah  sền bơh ua\ bơta kung  gơguh. Do la dùl bơta lòng  dờng ngan tus broa\ lơh bơt bơtàu [òn lơgar pa tàm tơngai tus, mơya mờ  broa\ lơh ngan kung bè bơta lơh ngan bơh jơh bal ròt chính trị mờ tơl  làng bol tus bal den ngan ngồn  bol he geh sơrlèt kal ke nàng lơh geh broa\ neh tơlik lơh.

            -Tơngai dơ\ 2 do, Daklak lơh ngan tus nam 2020 geh rlau 40% sồ xã bơh sơnrờp tơl khà [òn lơgar pa, geh bơh 2-3  kơna\ kơnhoàl lơh gơs broa\ bơt bơtàu [òn lơgar pa, pria\ geh kờp bal  geh tus 46 tơlak pria\ dùl nam dùl na\ cau...Càr geh ala\ broa\ lơh  pa lơi nàng wèt tus broa\ lơh do?

            Ồng Vũ Văn Đông: Tơlik geh ala\ broa\ lơh do den  pal đơs tus ala\ lơh ngan, mùl màl lơh ngan jơh bal  ròt chính trị kung bè làng bol tàm bơta bơt bơtàu [òn lơgar pa, hơ\ sồng geh cồng nha. Tơnơ\ geh sền wơl broa\ tơnjơh 5 nam broa\ lơh bơt bơtàu [òn lơgar pa, den càr geh ai tơlik  ờ ua\ broa\ lơh bơh sơnrờp. Lài jơh la sền wơl jơh ala\ rơndap broa\, sền wơl jơh ala\ broa\ lơh bơt bơtàu [òn lơgar pa nàng geh broa\ lơh lơh ngan tai tus do. Broa\ dơ\ 2 la tơngguh  mblàng pơlam lam sồr làng bol  nàng geh lơh jat bal srơh broa\ lơh. Dơ\ 3 la trơ gùm  tơl jơh  bơh ala\ bơta pràn bơtàu tơngguh lơh sa, bơtàu tơngguh rài kis, tơngguh geh tai pria\ jền làng bol in. Dơ\ 4 la bơt bơtàu phan bơna kuơ màng ngan nàng gàr niam broa\  lơh [òn lơgar pa. Dơ\ 5 la lơh geh ròt chính trị mờ sền gàr ngap lơngai dà lơgar kơljap bơtàu tơngguh.

            -Ơi, ưn ngài ồng ua\ ngan!

                                                                        Cau cih mờ yal tơnggit K’ Brọp