VOV4.K’ho - Mờ sơnđan ‘’Kơnòm sa\ attê bal bơt bơtàu [òn lơgar pa mờ gơguh jak tiah drà’’, nhai ơruh pơnu nam do, ơruh pơnu càr Daklak gam chồl guh nùs nhơm lam lài,  lơh broa\ dong kờl is mut lơh ua\ bơnah broa\ ngan ngồn, geh pơrya. Di tơng kah 86 nam ngai crơng gơs mpồl ơruh pơnu Cộng Sản Hồ Chí Minh (26/3/1931-26/3/2017).

Sa\ bồ  dà kơlhề gơlik bè gơtuh ngan tàm muh mat jù, bi Đậu Khắc Trung, cau tàm mpồl ơruh pơnu [òn 1C, xã Cư\ Evi, kơnhòal Cư\ Kui`, càr Daklak, nho\ chờ ngan: Lơh gơs rbàng do la bơta bơta chờ ngan bal bơh jơh mờ [òn, ờ go\ di mìng is mpồl ơruh pơnu [òn lơgar ờ:

Tu\ rbàng do ờ hềt geh lơh, nhai mìu den lòt rê pal tia\ dà, kan ngan geh lòt tàm suơn tàm mìr, tu\ rbàng geh lơh gơs den làng bol chờ ngan. Bơh broa\ lơh rbàng do a` kung kơp kờ` pơgồp geh dùl bơnah pràn he dê kờ` lơh gơs rbàng mhar rlau, geh gùng lòt gờ` rlau.

Rbàng [òn lơgar tàm [òn 1C jòng 6 thơt, ơnàng 3  thơt mơ gùl, geh lơh mờ bê tông kơljap. Pria\ lơh rbàng mờr 500 tơlak pria\, bơh Mpồl ơruh pơnu dà lơgar dong kờl, ơruh pơnu tàm [òn  mut lơh. Nàng lơh rbàng  bươn bòai, lài hơ\, mpồl ơruh pơnu xã Cư\ Evi neh tus tơl hìu làng bol kờ` mblàng pơlam, lam sồr làng bol ai ù. Ồng Phạm Văn Chiến cau neh ai  gời ù tus 45 thơt kơre ù nàng  lơh rbàng, đơs:

Mpồl ơruh pơnu lơh do la rbàng geh lơh làng bol in lòt, hìu nha\ a` neh go\ bơta kuơ la làng bol tàm do geh dờp, den tàng hìu nha\ a` neh ai gời ù, ờ đơs do ne. Ờ hềt geh rbàng den làng bol lòt rê kal ke ngan, pơndiang phan bơna kan ngan, kơh ne rơndeh pal ngui tời hơ\ sồng gơtùi ta\ gan, tu\ do neh mut lơh rbàng, lơ ngai bloh.

Bal mờ broa\ mut lơh rbàng [òn lơgar tàm [òn 1C, tàm nhai ơruh pơnu do,  huyện đòan Cư\ Kui` neh mut lơh ua\ ngan broa\ lơh, bơnah broa\ geh pơrya ngan, bè: Lơh geh dùl broa\ lơh dà ngui sàng kloh kờp pria\ geh tus 100 tơlak pria\, lơh geh 2 nơm hìu pà làng bol, lơh 2 blàng nhơl bơ lai, dong kờl mut lơh broa\ sa ai tus 2 broa\ lơh ơruh pơnu bơtàu tơngguh lơh sa mờ kờp khà pria\ tus 40 tơlak pria\, jàu pà git nđờ jơt pò phan ai  ala\ hìu nha\ geh rài kis kal ke, mơ kung bơyai lơh dong mblàng,  pơlam broa\ lơh ai git nđờ rbô na\ kơnòm bơsram, mờ geh yal geh broa\ lơh tus 200 ơruh pơnu. Mpồl cau lơh sơnơm bác sỹ kơnòm sa\ kung mut lơh broa\ lơh, kham sơm kòp phàt sơnơm ờ sa pria\ ai tus rlau 300 na\ làng bol. Bi Y Siêr Mdray cau kuang  lơh  broa\ tàm mpồl ơruh pơnu kơnhòal Cư\ Kui` ai git  broa\ lơh bơh mpồl dê:

Tàm nhai ơruh pơnu do,  ala\ broa\ lơh sùm geh bơyai lơh jat sơnđan jat tờng lẽ. Tờng lẽ  sơnrờp bơyai lơh ala\ broa\ lơh [òn lơgar pa, tờng dơ\ 2 den bơyai lơh ala\ broa\ lơh dong pơlam broa\ lơh  tus kơnòm bơsram mờ  mpồl ơruh pơnu, tờng lẽ dơ\ 3 den bơyai lơh bơta kuơ mpồl bơtìan làng bol in, tờng lẽ dơ\ 4 bơyai lơh ala\ broa\ lơh tơng kah 26/3. Tàm srơh broa\ lơh [òn lơgar pa den mpồl ơruh pơnu geh lơh kloh tiah kis, dờp broa\ lơh tam chi mờ twah wàs rbòng dà, hơ\ sồng bơyai lơh ala\ broa\ lơh  la lơh gùng bê tông ờ ua\ gùng lòt.

Mờ sơnđan ‘’Kơnòm sa\ attê bal bơt bơtàu [òn lơgar pa mờ gơguh jak tiah drà’’, mo tơn bơh tu\ lam lơh nhai ơruh pơnu, Ban thường vụ Tỉnh đoàn Daklak neh sền kuơ tus broa\ trơ gùm ơruh pơnu pơ gồp bal bơt bơtàu [òn lơgar pa. Tus tu\ do,  cau kơnòm sa\ Daklak neh lơh gơs jàu 2  broa\ lơh dà ngui sa, jàu pà 9 nơm hìu, pơnjat tai geh lơh 2 rbàng [òn lơgar,  geh  tus twah was git nđờ rhiang kơi sồ rbòng dà mờ git nđờ jơt kơi sồ gùng lòt tàm [òn. Mpồl ơruh pơnu ala\ [òn lơgar neh tam mờr 2 rbô tờm chi,  jàu git nđờ rbô pò phan dong kờl ala\ hìu nha\ kal ke, lam sồr ala\ kơnòm bơsram rbah lơh ngan brồ guh bơsram jak. Bal mờ hơ\,  ala\ broa\ lơh ai mhàm is dong kờl kòn bơnus, kham sơm kòp pà sơnơm ờ sa pria\, ngai ‘’Dơ\ 7 lơh broa\ dong kờl is, ngai Nhờk tơlir’’, ala\ broa\ lơh đơs crih tam ya,  tàp pràn sa\ ja` kung geh ala\ kơna\ mpồl ơruh pơnu gùt càr lơh dơle\. Bi Y Nhuân Bya\, Bí thư tỉnh đoàn Daklak đơs:

Tàm nam do,  Ban thường vụ tỉnh đòan  lam sồr pràn ala\ mpồl pal geh broa\ lơh tus hờ [òn lơgar, ngan la ala\ [òn dờp oh mi bơh làng bol kòn cau nàng geh lơh tai broa\ lơh dong kờl is tàm tu\ tơngai nhai 3  do. Bè [òn lơgar pa, geh rwah ala\ broa\ lơh ơruh pơnu dê tus bal broa\ lơh bơt bơtàu [òn lơgar pa,dờp lơh ala\ gùng lòt ơruh pơnu atbồ is, lơh ala\ anih nhơl nho\ chờ hờp tus ơruh pơnu kơnòm pa tàu. Tàm broa\ lơh dong mblàng, geh yal broa\ lơh, den geh bơyai lơh ala\ ơdu\ bơto bơtê khoa  học kỹ thuật, bơyai lơh ala\ anih dong mblàng yalbroa\ lơh.Tàm nhai ơruh pơnu do kungtơngguh ai càn pria\  bơh ala\ khà pria\  bơh ngân hàng chính sách xã hội mờ ala\ khà pria\ ndai nàng dong kờl  ơruh pơnu.

Ala\ broa\ lơh geh pơnrơ ngan, ngan ngồn gam geh mut lơh làm neh đơs tờm geh bơnga\ lam lài, lơh broa\ jơh nùs bơh cau kơnòm sa\ Daklak. Bơh hơ\, neh lơh geh rùp sa\ niam bè dùl rnàng ơruh pơnu rài pa nhap nhar, bơceh pa, lam lài tơl broa\.

                       Cau cih mờ yal tơnggit K’ Brọp