VOV4.K’ho- Ngai 19/12, tàm ƀòn dờng Pleiku, càr Gia Lai, Ƀộ Nông nghiệp mờ Phát triển Nông thôn bal mờ ală càr Tây Nguyên bơyai lơh “Cribơyai dong kờl lam lơh gơlik tiah tam phan nàng tơnguh uă mờ bơtàu tơnguh kơ̆ kơl jăp gah phan kơphê Tây Nguyên”. Lơgar he tŭ do geh 700 rbô lồ kơphê, kơphê lơh geh rlau 1 tơlak 760 rbô tấn pah nam, là dà lơgar tăc kơphê mờ lơgar ndai ơm dơ̆ 2 dunia.

Ƀộ trưởng Ƀộ Nông nghiệp mờ Phát triển Nông thôn ồng Lê Minh Hoan đơs tàm dơ̆ cribơyai

Tàm hơ̆, 92% bă kơphê mờ 95% kơphê geh tam tàm ală càr Tây Nguyên. Tàm dơ̆ cribơyai, ală kwang bàng dan mờ dà lơgar mờ ƀộ gah lơh broă dà lơgar pal geh gùng dà dong kờl mpồl lơh sa kă bro bơ̆t bơtàu măt phan kă bro mờ ală sră cơng tàng bơta niam kơphê dunia, ngan là tàm ală drà kal ke ngan, bè EU, Mỹ, Nhờk.

Ƀộ trưởng Ƀộ Nông nghiệp mờ Phát triển Nông thôn ồng Lê Minh Hoan pà gĭt, tơngai mờr tus, Ƀộ geh lơh dùl rơndăp broă lơh is bè tăc phan lơh geh bơh sươn sre tus drà câu Âu, nàng kờñ gĭt nền broă lơh ai kơphê mờ ală bơta phan lơh geh bơh sươn sre bơh Việt Nam dê tăc tàm ală drà kă bro dờng. Ală mpồl lơh sa kă bro kờñ pal crơng gơs mpồl tam klăc bal ală cau lơh gơlik kơphê nàng gĭt jơnau kờñ ngui, jơnau kờñ tàm drà mờ jơnau cih bơh kơrnoăt boh lam dê, ală bơta kal ke bơta chài bơh ală drà kă bro dê.

Cau mblàng Lơ Mu K’Yến