VOV4.K’ho- Kuang atbồ Cục tam phan gơwèt Bộ Nông nghiệp mờ Phát triển Nông thông ồng Nguyễn Như Cường pà git, tŭ do, gùt lơgar geh mờr 695 rbô lồ kơphe, khà lơh geh rlau 1 tơlak 700 rbô tấn pah nam. Tàm hơ̆, tiah Tây Nguyên là 585 rbô lồ, khà lơh geh rlau 1 tơlak 600 rbô tấn. Tơngai lài, kòp Covid-19 gơlik geh kal ke, ờ uă tiah lơh jat broă ơm yah ngài mpồl bơtiàn neh gơ rềng tơn tus broă sơngka sền gàr, lơh sa ngui công nghệ pa gơwèt tus mờ ală suơn kơphe.

Tŭ do, khà priă kơphe gam ngai sơlơ gơguh jơnhua mơya tài gơ rềng bơh kòp bơtờp dê, ờ geh cau pic kơphe, priă tă lơh broă gơguh... lơh jơh bal cau tam mờ mpồl lơh sa kă bro ndrờm gơtìp kal ke tŭ mut tàm kàl pa. Dăk Lăk là càr geh bă kơphe uă ngan rlau jơh gùt lơgar. Nam do, tài gơ rềng bơh kòp Covid-19, broă lòt rê đah ală càr gơtìp uă kal ke den tàng càr ờ tơl cau pic kơphe uă ngan.

Cau mblàng K’Duẩn