VOV4.K’ho- Jat Chi cục ròng phan mờ lơh sơnơm phan ròng càr Gia Lai yal, tơnơ̆ 5 nhai lam lơh ală broă lơh jơh nùs, kràñ cê rơcang sơndră kòp as sồt kơltau gơlik pơ nời tàm mpồl kơnrồ bơh càr dê, kòp do neh kơryan gơtùi.

Gah lơh sơnơm phan ròng càr Gia Lai ƀồm sơnơm kơryan kòp tàm wàng kơnrồ

Kòp as sồt kơltau gơlik pơ nời gơlik geh tàm mpồl kơnrồ tàm càr Gia Lai bơh lồi nhai 5 nam 2021 tus tŭ do, mờ rlau 20 rbô nơm kơnrồ gơbàn kòp. Mờ uă broă lơh ngan rơcang sơndră mờ sơm kòp, gah lơh sơnơm phan ròng càr Gia Lai neh sơm bời ai 18 rbô nơm kơnrồ in, tơp pơrguc rlau 2 rbô nơm kơnrồ mờ mìng gam 20 nơm kơnrồ gam geh sơm kòp. 98 xã bơh 13 kơnhoàl, thị xã, ƀòn dờng tàm càr neh ai tơlik kơrnuat yal jơh kòp.

Cau mblàng K’Duẩn