VOV4.K’ho - Jăt jơnau đơs bơh anih lơh broă tờm, tàm tơngai tus, kòp as sồt tềng kơl tao gơlời pơnời tàm rơpu, kơnrồ tàm càr Gia Lai geh pơn jăt tai gơtờp tài ờ hềt geh sền gròi ală phan lơh gơtờp kòp.

Kòp as sồt tềng kơl tao gơlời pơnời tàm rơpu, kơrnồ geh sền gơtờp bơh phan dềt kăp den tàng broă sền gròi gơtìp kal ke ngan. Càr Gia Lai là tiah geh khà rơpu, kơnrồ uă ơm lài ngan tàm Tây Nguyên mờ ơm dơ̆ 2 tàm tàm gùt lơgar mờ khà rơlao 431 rơbô nơm. Bŭ lah là càr geh khà rơpu, kơnrồ uă, mơya mìng ròng jăt broă lơh ờ uă, ròng ê is mờ tiah ê ờ geh tơl bè bơta kloh niam, tàm tŭ hơ̆ kòp as sồt tềng kơl tao gơtờp bơh ală phan kăp. Do là dùl tàm ală kal ke tus mờ broă sơndră mờ kòp gơtờp tàm càr do dê. Den tàng, broă lam sồr, yal nàng làng bol in wă loh bè kòp as sồt tềng kơl tao nàng rơcang lơh jăt ală broă sơndră mờ kòp là kuơ màng mờ pal geh chồl pràn ngan.

Cau mblàng Ndong Brawl