VOV4.K’ho - Kis đềt mềr mờ [òn lơgar, mìng lơh ngan drơng rài kis làng bol mờ broa\ lơh ròng be mờ sur, den tàng dơ\ sơnrờp lòt  ngài hìu,  tus càr lơgar Hà Nội tus bal pơrjum kuang bàng cau ùr gùt lơgar dơ\ XII, lo\ H’ Bóp Ayun kòn cau Rơđê tàm kơnhòal Cư\ Mgar, càr Daklak pa chờ hờp ngan mờ ờ suk ndang tài bè, sur tàm [òn ờ geh cau siam, cau sền. Gờm chờ pơrjum kuang bàng cau ùr gùt lơgar dơ\ XII, jơnau [òn lơgar pa ngai do geh yal bè lo\ H’Bóp Ayun.

Lài mờ tu\ geh lòt tus càr lơgar Hà Nội tus bal pơrjum kuang bàng cau ùr gùt lơgar dơ\ XII geh lơh  bơh ngai 7-9/3, lo\ H’ Bóp Ayun atbồ mpồl cau ùr [òn Húk A, xã Cư\ Mgar, kơnhòal Cư\ Mgar, càr Daklak neh tus tơl hìu,  lòt sền, nting tơng kah oh mi cau ùr sền gàr be, sur nền nòn ngan. Tus còp hìu nha\ mò H’ Blui Niê kis tàm [òn Húk B, go\ bè rlau 10 nơm geh ròng krơ\ niam,  tàm hơ\ be me pa deh 2 nơm kòn gơ rò ngan. Mò pà git,  be do geh  bơtờp gơs bơh tu\ lo\ H’ Bóp ai jồm 2 nơm be, poh lài hìu nha\ kung pa tac  geh 2 nơm be  kờ` geh pria\ blơi zờu bồm dà kơphe:

‘’Lài do, lo\ H’ Bóp ai hìu nha\ a` jồm 2 nơm be, tu\ do gơ neh rơ\ ngan bè do, a` neh tơm wơl pria\ càn be lài do mờ pa do kung neh tac geh 2 nơm be, tus 4 tơlak pria\. Tu\ do,  be me do kung neh deh tai. Jo\ jo\ làng bol tàm do cau lơi ờ tơl pria\ kung geh tus hìu  H’ Bóp càn, êt ngan kung dùl tơlak pria\, khai ờ sa cồng, càn gời, kơnờm bè hơ\ den kung ờ hoan kal ke rlau tàm rài kis’’.

Pah ngai, lo\ H’ Bóp Ayun tus tơl hìu kờ` pơlam sền gàr be.

Kis tàm tàm [òn, hìu nha\ lo\ H’ Rơm Niê lài do mìng lơh di 2, 3 sào ù lơh sra mờ suơn tam li la phan, den tàng pria\ ờ hoan geh ngan. 3 nam do,  geh lo\ H’ Bóp dong kờl sơntìl  mờ pơlam bơta chài, lo\ H’ Rơm neh khin cha bơcri ròng be mờ sur. Tus tu\ do,  sur me mờr tac, bè den neh rlau 10 nơm kung gam  gơ deh oh deh kòn  tai, kơmờm bè hơ\,  rài kis hìu nha\ neh geh bơtàu tơngguh. Lo\ H’ Rơm Niê pà git:

‘’Lài do,  a` kung ờ sơnơng geh tus broa\ ròng sur, be, tài ờ kùeng mờ ngòt ờ geh  phan siam sur mờ bè. Mơya,  tơnơ\ geh H’ Bóp ai jồm 2 nơm be mờ pơlam ròng,  broa\ siam mờ  sơndra\ kòp, tus tu\ do,  be neh deh kòn ua\, a` neh tơm wơl pria\ be  bi hơ\ ai jồm’’.

Mò H’ A\ Niê Mla, pho\ chủ tịch Mpồl  cau ùr xã Cư\ Mgar ai git,  srơh ròng phan bơh xã dê neh bơtàu tơnguh pràn tàm 4 nam do, tàm hơ\,  bơta tờm ngan la bơh broa\ lơh ròng be bơh lo\ H’ Bóp Ayun kis tàm [òn Húk A.

Mblàng pơlam cau ùr deh dùh di kơrhia tàm hìu nha\ mờ bơtàu tơngguh lơh sa.

Lài do, rài kis hìu nha\ lo\ H’ Bóp kung rbah ngan sơl. La cau ùr  rlùng sa\ ơm ròng mè kra sùm kòp jê, phan bơna tơnhàu kung mìng geh 3 sào bơh suơn rhàng tam ua\ bơta  chi, ờ gơs, den tàng rài kis sùm jơh gloh. geh mpồl cau ùr xã ai lòt bơsram ala\ ơdu\ bơto tam gơl chi tam phan ròng bơh Trạm  khuyến nông bơyai lơh mờ geh anih pria\ jền chính sách xã hội ai càn 5 tơlak pria\, bal mờ 2 tơlak pria\ bơh kes pria\ tềm pềr bơh Mpồl cau ùr, lo\ H’ Bóp la cau sơnrờp tàm [òn khin  ngan bơcri lơh broa\ lơh ròng be mờ sur me.

Kơnờm geh sền gàr mờ rcang kòp niam, bơh 2 nơm be sơnrờp, pah nam, be kòn geh deh sùm mờ geh drà ka\ bro niam, sur me pah nam kung geh tac  dùl dơ\. Go\ ròng bè ròng sur geh cồng nha mờ di pal mờ bơta geh tàm [òn, lo\ H’ Bóp neh  lơh ơnàng broa\ do ai cau ùr tàm ala\ [òn tàm xã mờ xã ndai tàm kơnhòal Cư\ Mgar.

Broa\ lơh bơhlo\ la rwah ala\ hìu nha\ rbah, dong kờl ai jồm be, ai càn pria\ lơh wàng, pơlam broa\ sền gàr mờ sơndra\ kòp be in. Tơnơ\ be deh dơ\ sơnrờp, lo\ ai 2 nơm be sơnrờp hơ\ hìu cau ndai in ròng. Mờ broa\ lơh do, 5 nam do, lo\ H’ Bóp Ayun neh dong kờl 20 hìu nha\ mờ kờp jơh tus 70 nơm be sơnrờp. Mờ ala\ hìu nha\ kờ` ròng sur, lo\ geh dong kờl pria\ càn  kờ1 blơi sur ròng mờ lơh wàng, tus tu\ do,  kờp jơh pria\ geh ai càn ờ sa cồng neh tus rlau 100 tơlak pria\ mờ 7 cỉ biàng..

Lo\ H’ Bóp Ayun tơngac sur me lài mờ tu\ lòt gùng tus Hà Nội  pơrjum cau ùr gùt lơgar dơ\ XII.

Ờ mìng bơcri ai sơntìl,  mờ pria\ lơh wàng, lo\ H’ Bóp Ayun gam sùm geh tus tơl hìu nàng geh pơlam sền gàr be mờ sur, broa\ lơh sơndra\ kòp mờ jòi drà ka\ bro niam rlau jơh. Mờ broa\ lơh jơh nùs he dê, tàm ala\ nam do,  lo\ neh dong geh ua\ ngan hìu nha\ lik klàs rbah. Mò H’Ă Niê Mla đơs:

‘’Cau kuang bơh mpồl cau ùr kòn cau kis bơh yau den bi H’ Bóp la cau pơnrơ tàm xã, bi ờ mìng dong cau ùr tàm [òn mờ gam dong  tàm ala\ xã ndai, tus tu\ do neh la 20 na\ oh mi ndai bloh. Be khi dê slơ ngai slơ rơ\ ngan  tus tu\ do neh la 67 nơm. Ua\ hìu geh H’ Bóp  dong tu\ do ờ gam jơgloh tai. Tàm 7 [òn bơh xã Cư\ Mgar den [òn do la lơh jak ngan, bơh ta\ pơ gồp tơl bơta tus broa\ lơh mpồl, [òn do la  niam rlau jơh’’.

   La cau atbồ mpồl cau ùr [òn Húk A, mơ kung la cau lơh broa\ bal khà kờp  làng bol deh dùh di kơrhia tàm hìu nha\, cau atbồ mpồl càn pria\, lo\ H’ Bóp Ayun sùm lơh broa\  tơm pria\ di ngai du\ mờ jàu wơl pria\ cồng di 1 tơmàn mơ gùl ai tus 55 hìu nha\ càn. Cih dờp ala\ ta\ pơ gồp tàm 5 nam do. Pa do,  mpồl tam klac cau ùr Việt Nam neh  jàu khà jờng lo\ H’ Bóp Ayun khà cau ùr jak pơnrơ ngan gùt lơgar. Mpồl cau ùr càr Daklak kung geh yal tơnggit lo\ la cau ala mat ngan ngồn tus bal dơ\ pơrjum  kuang bàng cau ùr gùt lơgar dơ\ XII.

                                                           Cau cih mờ yal tơnggit K’ Brọp