VOV4.K’ho - Ờ suk ngan jòi gùng nàng bơtàu tơngguh lơh sa, hìu nha\ lo\ H’Lê Êban kis tàm [òn Tuôr, ntum Dray Sap,  kơnhoàl Krông Ana, càr Daklak  neh chồl guh bơta pràn geh is tàm [òn lơgar, mut lơh geh cồng nha broa\ ròng kơnrồ me deh kòn neh ai cồng nha lơh sa jơnhua. Kơnờm bơh hơ\ mờ hìu nha\ lo\ neh sơrlèt jơgloh rbah, pah nam geh rlau rhiang tơlik pria\.

            Sa\ ja`  dềt, sa\ den gơbàn tơngai sa jù, boh bơr den đơs ua\,  go\ ngan bơh lo\ H’Lê Êban geh ai go\  bơta nhap nhar tơryang tơrỳông bơh dùl  na\ cau ùr khin sơnơng, khin lơh.  Tềng đap hìu sơmang  dờng pah lơh mờ tơl ala\ phan ngui tàm hìu nha\, lo\ H’Lê nho\ chờ hờp ngan: jơh ala\ jơtai do drờm   kơnờm bơh ròng kơnrồ deh kòn. Nàng lơh geh bè tu\ do, hìu nha\ lo\ neh pal sơrlèt gan kal ke, tài ù lơh sa den ờ ua\,  mờ ờ tơl pria\ lơh sa. Lo\ H’ Lê ai git:“Lài do, rài kis lơh broa\ sa hìu nha\ a` dê gơbàn ua\ ngan kal ke,  ờ tơl srap bơta, a` neh lơh ngan tam phan, tam ala\ phan bơna nàng tac geh pria\, mơya  bơta  tam phan he dê kung ờ tơnhàu geh nđờ. Mờ sơnơng la ròng phan rah rài, êt, rhời a` neh khin mut lơh broa\ lơh ròng kơnrồ. Bơh broa\ ròng kơnrồ do, a` go\ lơh sa phan bơna hìu nha\ a` dê neh gơguh ua\ dơ\ ngan pơndrờm mờ lài”.

            Bơh sơnrờp, hìu nha\ lo\ H’ Lê càn  pria\ mờ anih pria\ jền dong kờl  cau rbah tus 20 tơlak pria\, bal mờ pria\ hìu nha\ pềr geh, neh  blơi 2  nơm kơnrồ me deh kòn. Lơh ngan  sền gàr,  mờ bơsram geh ngui ala\ broa\ lơh  ròng  kơnrồ bơh ala\ ơdu\ bơto tàm ntum dê, den tàng kơnrồ hìu nha\ lo\ sùm pràn. Mìng tơnơ\ 2 nam,   kơnrồ hìu nha\ lo\ neh deh kòn geh tus 6 nơm. Lo\ khin cha bơcri lơh wàng, tam nhơt nàng geh nhơt siam kơnrồ. Go\ ùr bơklau kờ` ngan lơh sa, cau bi ùr bơklau bơh kơnhoàl Cư\ Jut, càr Daknông neh blơi tai 9 nơm kơnrồ me deh kòn ai hìu nha\ lo\ H’Lê in ròng, mờ broa\ lơh pah nam geh tam pà mơ gùl khà kòn kơnrồ pa deh. Broa\ ròng kơnrồ  slơ ngai  slơ rề ơnàng, kơnrồ sùm bè hơ\ rơ\ rài tai. Bi Phạm Viết Thắng bơklau lo\ H’Lê boh bơr:“Tu\ mut tàm do, jơh  ùr bơklau  ờ geh phan bơna  lơi, mìng 2 mpàng tê soh, lơh sa bơtàu tơngguh. Bi ùr a` bơh Cư\ Jut dong kờl 9 nơm kơnrồ ròng,  1 nam kơnrồ deh bơh 8 tus 9 nơm,  lời kơnrồ kòn bè hơ\ hơ\ sồng tam pà mơ gùl, sùm bè hơ\ kơnrồ den  slơ ngai slơ gal. Tơnơ\ hơ\ a` geh tac di 2, 3 nơm nàng blơi sur ròng di 20 nơm, mơya gơbàn kòp tơlir tồr sur. Bơh hơ\ hìu nha\  ờ  bài ròng sur tai, mìng ròng kơnrồ lơm rlau  jơt nơm”.

            Nàng geh lài phan  siam  kơnrồ in,  hìu nha\ lo\ H’ Lê neh ơpah ù tam nhơt mờ blơi  rhe jơm nàng geh  phan siam kơnrồ rhời. Lo\ geh tus ala\ anih ma\y kòi, blơi lơ\ phe rê geh bơrlu\ bal mờ nhơt nàng geh bơsir tai  bòk siam kơnrồ pràn kơldang. Kơnờm bơh kơnrồ geh gal, mờ hìu nha\ lo\ neh geh pria\ geh blơi tai ù tam di 500 jrong tiêu, bơcri sơng ka sền gàr 8 sào kơphe tam bal mờ điều. Mìng is è kơnrồ, bal mờ broa\ ngui nàng tuh chi tam in hìu nha\ dê, gam wơl lo\ tac tus ala\ anih tac phơng pah nam kung  geh pria\ geh tus rlau 40 tơlak pria\.

            Geh phan sa, phan jơng kah, ùr bơklau lo\ H’ Lê neh lơh geh dùl nơm hìu sơmang dờng,  tàm hìu geh blơi jơh ala\ phan ngui geh kuơ ngan  tàm rài kis mờ drơng oh kòn in geh lòt bơsram. Lo\ kung geh yal bơta mờng tàm lơh sa làng bol tàm [òn, dong kờl ala\ hìu nha\ rbah pria\ càn ờ sa cng mờ kơp kờ` tơl cau kung geh lik klàs rbah  drờm bè lo\ dê sơl. Ồng Điểu Y Kơ, atbồ [òn Tuôr A, ntum Dray A Sáp, kơnhoàl Krông Ana geh đơs bè broa\ lơh pas bơh hìu nha\ lo\ H’ Lê:“A` go\ broa\ lơh ròng kơnrồ mờ tam nhơt bơh hìu nha\ sau dê geh cồng nha ngan. Kơnờm geh trơ yang, lơh jat ngan bơta chài pơlam den tàng lơh sa hìu nha\ sau dê geh ai go\ gơguh ngan. Do la dùl  tàm ala\ cau lam lài pơnrơ lơh sa jak kờ` làng bol tàm [òn lơh jat. Bè broa\ lơh mpồl bơtìan, hìu nha\ sau sùm geh tus bal tơl làm, lơh jơh nus ngan tàm broa\ ta\ pơ gồp pria\ jền pah nam ntum dê mờ sùm la  cau lam lài tàm [òn”.

            Broa\ lơh ròng kơnrồ deh kòn bơh hìu nha\ lo\ H’Lê bulah ờ di la pa mơya kơnờm bơh tơryang tơryồng lơh ngan, git ngui bơta jak chài pa tàm broa\ lơh sa den tàng cồng nha lơh sa niam ngan. Kơp kờ` la, làng bol tàm ala\ [òn lơgar kung git broa\ ngui ala\ bơta pràn geh lài tàm [òn lơgar nàng bơtàu tơngguh lơh sa hìu nha\, lik klàs rbah mờ brồ guh lơh pas drờm bè lo\ H’ Lê Êban dê.

                             Cau cih mờ yal tơnggit K’ Brọp