VOV4.K’ho - Tây Nguyên  geh gùng nhàr lơgar bal mờ 2 lơgar  Lào, Campuchia jòng  rlau 680 kơi sồ di 4 càr la Daknông, Daklak, Gialai, Kontum mờ 11 kơnhoàl, tàm hơ\ geh 370 kơi sồ lòt gan 7 kơnhoàl di 2 càr Gialai mờ Kontum. Tàm tiah nhàr lơgar do, mờ bơta ta\ pơ gồp bal ngan bơh gơnoar atbồ lơgar tàm [òn lơgar, ala\ mpồl lơh sa ka\ bro, làng bol neh lơh gơs ala\ tềl kuơ màng ngan  bè lơh sa mờ gàr tơl niam rài kis mpồl bơtìan. Bol he geh jòi git bal bè ala\ tam gơl tàm ntum Ia Dom, kơnhoàl Đức Cơ, càr Gialai la ntum tiah nhàr lơgar sơnrờp ngan tàm Tây Nguyên geh tơl khà [òn lơgar pa.

            Tây Nguyên pa tơnjơh trồ prang khot khòng ngan. Ala\ dơ\ mìu rah bồ sơnam gam cèng tus rài kis pa tus jơh tiah nhar lơgar.Ala\ suơn cao su gam cat nha pa, tơlir crư ngan mờ bềng bơta rài kis pa. Kong nhơn cao su tàm ala\ mpồl lơh sa, làng bol tàm ala\ [òn tàm ntum Ia Dom kung neh mut tàm dùl  kàl còr bơsơt cao su pa. Tàm blàng  hìu den geh ua\  ngan ala\ cùan đơ bơsơt cao su neh geh lơh kloh, ala\ pes cor sồt ngan neh geh ai tơmut tàm rơndeh, ồng Siu Thêm kis tàm [òn Mok Đen, ntum Ia Dom ai git, Binh đoàn 15 mờ tờm cao su neh cèng tus tiah do ala\ tam gơl pràn ngan [òn in:“Mpồl geh ala\ đội C3, C2 dờp oh mi mờ [òn, dong [òn tam bùm, tam bùm blàng niam ngan kung bè tam biap sa, tam blơn, mre\ den geh mpồl tam pà mờ làng bol tàm [òn geh dờp oh mi bơto pơlam ala\ bơta chài lơh broa\ sa. Làng bol neh ưn ngài ngan mpồl,  neh dờp oh mi den mpồl tàm do geh yal ala\ bơta jak chài pa làng bol in den  bơta hơ\ geh kuơ ngan, niam ngan”.

            Gùt ntum Ia Dom tu\ do geh 6 đội lơh sa bơh mpồl lơh sa 72, Binh đoàn 15, đềt mềr  bal mờ jơh geh 6 [òn làng bol  tus bal lơh kong nhơn cao su. Kơnờm  bơh geh kuơ bơh cao su cèng wơl,  ala\ [òn geh pria\ nàng bơcri tam tai tiêu, kơphe, geh lơh tiah nhàr lơgar Ia Dom slơ pas niam rlau. Ala\ gùng  tơi neh geh lơh  tàm làm ala\ [òn, ala\ hìu sơmang dờng   neh geh lơh. Ồng Kpuih Phương kis tàm [òn Mok Trang, ntum Ia Dom, đơs:“Bơh  dề ngai  mpồl geh dờp oh mi mờ  làng bol [òn lơgar,  mpồl neh dong ua\ ngan  oh kòn làng bol tàm broa\ lơh sa,  làng bol geh lơh jat ngan jơnau hòi jà bơh mpồl dê mờ neh  ai geh broa\ lơh  oh kòn tàm [òn in. Làng bol geh ưn ngài ngan Dà lơgar, mpồl mờ làng bol geh bơta tam pà bal, tơl broa\  lơh geh lơh bè ờs ờ geh jơnau do jơnau da\”.

            Lồi nam 2015, ntum Ia Dom neh geh anih duh broa\ làng bol càr Gialai dờp la tơl khà [òn lơgar pa. Do la ntum tiah nhàr lơgar sơnrờp bơh càr Gialai mờ bơh Tây Nguyên geh dờp la tơl khà. Geh kờp bal tơl na\ cau bơh ntum neh gơguh di 7 tơlak pria\ nam 2011 tus rlau 23 tơlak pria\ tàm nam 2015, kung tàm 5 nam do, khà hìu nha\ rbah pah nam neh gơmù ua\, bơh rlau 18% gam gơmù 6%. Ồng Nguyễn Hữu Thiện kuang atbồ anih duh broa\ làng bol ntum Ia Dom, kơnhoàl Đức Cơ, càr Gialai, ai git, do mìng rơp la cồng nha bơh sơnrờp, ntum kờ` brồ guh tus broa\ lơh dờng rlau tai:“Gơnoar atbồ [òn lơgar geh ai git pơnjat tai geh lam sồr làng bol geh tam gơl  pa broa\ sơnơng, broa\ lơh, broa\ lơh bơtàu tơngguh  lơh sa pràn rlau nàng  geh lơh tam gơl rài kis làng bol tiah nhàr lơgar, do la  dùl bơta mờ bol a` go\ gơlơh kuơ màng ngan tàm tơngai tus”.

                        Cau cih mờ yal tơnggit K’ Brọp