VOV4.K’ho - Rlau 15 nam lơh broa\ pơs khòm sìô sia\, ồng Nguyễn Văn Tuyên kis tàm ntum Cuôr Dăng, kơnhoàl Cư\ Mgar, càr Daklak neh pơ gồp  ngan tàm broa\ lơh kloh tiah kis tàm [òn lơgar. Ờ ngòt bòl glar mờ broa\ kơnjơ\ mờ bơ\ bơl,  khi aniai, ồng  gam ai pơ ùr,  kòn klau tus bal broa\ lơh pơs khòm sìô sa\ nền nòn ngan tài tiah kis kloh niam tàm rài kis.

            Trồ rhiơm mho mang,  mìu sơr, mơya ồng Nguyễn Văn Tuyên kis tàm ntum Cuôr Dăng, kơnhoàl Cư\ Mgar gam lơh ngan ai jơh pràn nàng chồl rơndeh pơndiang sìô sia\ sù  kơnjơ\ dà bơh hờ drà cèng tus anih tus sang. Ồng Tuyên pà git,  do la broa\ lơh pa ngai, ờ kờp tơngai hala mìu,  tu\ ala\ cau ka\ bro til jơh mpồng hìu tac, rê hờ hìu nàng sào sa mho den ồng geh chồl  rơndeh, tui pơr nơs tus hờ drà, mut lơh broa\ lơh pơs, khòm sìô sa\.

            Tơnơ\ dùl ngai ka\ bro, ala\ bơta sìô sia\ sang bềng làm drà, dùl na\ ồng Tuyên lơh ngan pơs wàs tơl làm tàm jơh mờ drà tus tơl jơh anih  mut lik, ai trơ gùm tus dùl anih. Àng drim gờ`, tu\ tơl cau gam bic lơ ha\, ồng Tuyên geh tus hờ drà mờ rơndeh  honda hoài  rmòk, geh pơ du\ bềng sìô sia\ tàm thùng hơ\ sồng pơndiang tus hờ blàng sang sìô sia\, pơgap mờ hơ\ di 4 kơi sồ. Ngai bè ờs, tơngai ra`, mìng 2, 3 dar pơndiang la jơh, mơya tàm ala\ ngai chờ, sa tềp hala ngai mìu càl,  pal pơndiang ua\ dơ\ rlau. Tàm drà den neh  jơh pơs, ồng geh lòt trơ gùm sìô sa\ tàm [òn làng bol ơm kis mờ jat rèng gùng 14 (gùng Hồ Chí Minh) lòt gan [òn lơgar. Ồng Nguyễn Văn Tuyên ai git:“Lơh broa\ tàm drà neh 15 nam. Geh 2 na\ cau tai  lơh bal, mơya khi go\ bơ\ bơl ir den tàng khi ờ lơh tai. A` lơh tàm drà, go\  bơdĩh gùng cau sang sìô sia\ bu ba ir den tàng a` tus hờ gùng nàng pơs was khòm sìô sia\ kờ` gơ kloh. Mang den pơs tàm drà, ngai den pơs tềng gùng. Lơh dùl na\ mơya tu\ kòp jê den geh kòn klau put geh lơh bèp in. Nhai mìu den sù,  kơnjơ\,  gùng ntiar, pal soh ào mìu den tàng bòl ngan, mơya he pal kong, ờ gơtùi pleh gơ”.

            Drà Cuôr Dăng, kơnhoàl Cư\ Mgar rềp mờ gùng Hồ Chí Minh, gùng 14 la anih ka\ bro bơh ua\ ntum rềp bal. Drà geh rlau 100 hìu ka\ bro, ka\ bro bơh àng drim gờ` tus mang, mờ ala\ khà sìô sia\ dờng ngan. Mơya  mờ ala\ bơta lơh nga trơ gùm bơh ồng Tuyên,  drà Cuôr Dăng sùm kloh, gàr niam ờ do ờ da\ bơrtoh ồs sa, geh Gah phan geh is mờ tiah kis kuang àng càr Daklak đơs niam. Ồng Nguyễn Ngọc Anh atbồ drà Cuôr Dăng ai git:“Ồng Tuyên  ờ mìng pơs wàs khòm sìô sia\ tàm drà mờ gam  tus pơs wàs khòm sìô sa\ tàm [òn Ko Neh mờ tềng gùng 14, ntum Cuôr Dăng, ồng mut lơh niam ngan,  lơh broa\ jơh nus. Bulah trồ tơngai hala mìu,  sồ sìô sia\ tàm drà geh pơs kloh mờ khòm cèng chu. Drà  geh kloh niam neh geh càr Daklak jàu sra\  jờng mờ broa\ lơh rcang sơndra\ ồs sa den geh kuang àng gah  rcang sơndra\ ồs sa jờng”.

            Khòm sìô sia\ ndang tàm drà,   tàm [òn ơm kis,  jat gah gùng Hồ Chí Minh lòt gan [òn lơgar, ồng Nguyễn Văn Tuyên gam lơh broa\ atbồ anih  sang sìô sia\ bơh ntum dê. Gơ ơm tam gùl, gùng lòt  buơn boài, den tàng blàng ơn sìô sia\ ntum Cuôr Dăng la anih  geh ala\ cau ờ niam tus tuh ờm ala\ bơta sìô sia\. Tàm hơ\,  ngòt rngơt ngan la sìô sia\ sang  bơh lơh sơnơm,  iar ơda chơt bơh kòp pluh. Den tàng, broa\ sền gàr kloh niam mờ ờ do ờ da\ tiah  blàng sang sìô sia\ la dùl bơta lòng mờ ồng pal kong tàm ua\ ngan do. Ồng Tuyên đơs tai:“Lòt tus tàm blàng sìô sia\ den he pal khin rlau. Khi tuh  sìô sia\ bu ba ngan, he pal lah wơl khi. Cau dê cau khòm ù lu\ sang bơh hìu đam, pơndiang dùl rơndeh den tuh mo tơn tềng gah gùng, he pal  khòm jơh dùl bùi. Pa do geh hìu  ròng sur tuh ờm,  dùl rơndeh tuh tềng gùng,  a` kup geh yal  tus ntum lơh glài, tu\ do neh jơh tuh bloh”.

            Ồng Y Na Niê kuang jat jơng atbồ anih duh broa\ làng bol ntum Cuôr Dăng, kơnhoàl Cư\ Mgar ai git,  lài do,  tàm drà, jat gah gùng Hồ Chí Minh tus hìu lơh broa\ anih duh broa\ làng bol ntum, sìô sia\  bu ba ngan,   mơya tu\ do neh geh pơs wàs kloh ngan, tiah kis neh geh lơh niam. Geh bơta do la kơnờm ồng Nguyễn Văn Tuyên nhap nhar trơ gùm khòm mờ mblàng pơlam làng bol in ndang git wa\ sang  sồ sia\ jat di bơta geh cih. Tàm tu\ pria\ jền  [òn lơgar gam ờ hềt geh pria\ nàng jàu tus lơh kloh khòm pơs wàs sìô sia\. Ồng Nguyễn Văn Tuyên gam  sùm lơh ngan mờ broa\  khòm trơ gùm sìô sia\, bơt do la broa\ geh ai go\ jờng ngan:“Tus mờ ntum den tu\ do gam ờ hềt crơng gơs geh mpồl trơ gùm sìô sia\, kung ờ hềt geh thùng ơn sìô sia\. Ồng Tuyên la  cau nhap nhar ngan tàm broa\ khòm sìô sia\. A` sùm tìp ồng lòt pơs wàs khòm sìô sia\, khòm mờ rơndeh honda hơ\ sồng hoài rmòk, jơh khòm den geh cèng tus blàng  tuh nàng bơsong sìô sia\”.

            Nam do neh rlau 60  sơnam, ồng Tuyên gam  pràn sa\ ja`,  pràn nàng lơh niam broa\ lơh ồng dê, ờ go\ hih hah lơh broa\ kơnjơ\ bơ\ bơl do. Ala\ tu\ ờ  ru broa\ nisơna hala tàm ala\ tu\ ngai chờ, sa tềp den  sìô sia\ ua\ ngan. Ồng Tuyên geh  ai jơh bau, kòn  klau tus bal broa\ lơh khòm trơ gùm sìô sia\ nền nòn ngan, tài tiah kis kloh niam.

                   Cau cih mờ yal tơnggit K’ Brọp