VOV4.K’ho - Gùt càr Kon Tum geh rlau 5 rbô na\ cau kuet kơlte, ua\ ngan la kis tàm [òn lơgar, hìu nha\, jơi nòi. Sơrlèt bơta bàs tài sa\ bồ  ờ di bè cau dê, ua\ cau kuet kơlte neh lơh ngan brồ guh, lơh geh rài kis hờm ram, ngap lơngai tus sa\ tờm mờ hìu nha\. Jơnau cih bơh Khoa Điềm.

Dùl jơng gơbàn kơlte bơh tu\ rờp 9 nhai tơnơ\ dơ\ gơbàn kòp duh sa\ aniai ngan, kah wơl tu\ gam dềt bơh Nguyễn Thị Thảo tàm thị trấn Đăk Rờve, kơnhòal Kon Braih geh êt ngan bơta chờ. Jơh bơsram ơdu\ 9,  Thảo neh lik bơsram, ơm tàm hìu tài hìu nha\  rbah kal ke,  dùl bơnah la bơh ờ jai kong mờ ala\ dơ\ gơp bơyô bơr sèl. Bơta geh ai go\ dờng ngan tus mờ Thảo tu\ geh dền go\ cau bal  mờ sơnơng mờ lơh ngan bơh bồ tơngoh gam lơh geh rài kis hờm ram, boh gơbài. Geh hìu nha\ kờ` bal, Thảo geh lòt bơsram may, mờ may phan ua\ nam ngan. Broa\ lơh tờm rài kis bal mờ bơta kơp kờ` geh tàm broa\ lơh geh lơh Thảo tam gơl ngan ngồn. Tàm thị trấn Đắk Rờve,  cau lơi kung mềr ùr may  niam phan  ngan,  chờ hờp sa\ ja`. bal mờ broa\ ma\y phan,  tu\ do Thảo gam nhap nhar tus bal ala\ broa\ lơh lời tus cau kuet kơlte tàm càr Kon Tum mờ la cau pơlam bal. Tam pà bè bơta bơh tài geh brồ guh mờ rài kis, Nguyễn Thị Thảo đơs:

Oh sùm bè hơ\,  bơsram jơh nùs,  lơh broa\ jơh nùs den tàng gơ geh gơ tus is bè hơ\. Ngan sa\ tờm cau kuet kơlte la pal lơh ngan lơh ai go\ geh sa\ tờm he den broa\ lơh geh niam, rài kis gam niam rlau.

Dong mblàng  broa\ lơh  ai tus cau kuet kơlte tàm Ngai chờ broa\ lơh lời tus cau kuet kơlte càr Kon Tum.

Geh dùl bơta mùl màl la tu\ geh lơh broa\ lời tus cau kuet kơlte tàm càr Kon Tum ờ ua\. Tài ala\ cau gơbàn  kơlte tàm sa\ den pal slơ lơh ngan tai, geh lơh  ngan  ua\ rlau tai. Dùl bơta pal dờp ngan la gal ngan cau kuet kơlte tàm kơnhòal geh broa\ lơh,  bơt  bơtàu is rài kis niam kơnờm lơh ngan bơh sa\ tờm. Bơh broa\ lơh bal hia\, bè tac vé số, dong tac phan tus mờ lơh sa suơn sre,  công nghệ thông tin, broa\ lơh niam chài drờm geh  bal  bơh  cau kuet kơlte. neh geh ua\ ngan  ala\ cau pơlam lài bơh cau kuet kơlte brồ guh lơh pas, bơt bơtàu rài kis hìu nha\ hờm ram, ngap lơngai. Hìu nha\ bi Thân Văn Luận kis tàm [òn gùng drà 6, thị trấn  Plei  Kần, kơnhòal Ngọc Hồi  la dùl pơnyơu. Bulah jơng đah kiau gơbàn  kơlte, lòt rê kal ke ngan mơya bơh trơ yang trơ yồng, khin sơnơng khin lơh neh brồ guh tàm rài kis, bi Luận neh geh bau mờ bal mờ pơ ùr ròng  2 na\ kòn dờng. ờ mìng drơng tus rài kis tu\ do,  tềng b;ta sa\ ja` slơ ngai slơ ờ sô,  bi Thân Văn Luận neh lơh geh dùl rơndap broa\ lơh àng gar niam  rnàng tơnơ\ do in:

Sơnam slơ dờng den  pràn sa\  slơ ờ pràn. pal tam gơl wơl broa\ lơh, dilah ờ den ờ gơtùi sùm bè do. Tơnơ\ do dùl, 2 nam a` geh tờ dùl tơnau,  nàng ròng ơda, ròng ka, tàm suơn den tam chi sa plai. Tu\ do,  chi sa plai a` dê neh geh plai mờ gam pơnjat tai tam. Mờ tơnau dà rơp  geh tơnau dềt nàng  geh dà tuh kơphe in, tuh biap in den ờ hềt gơs. Hơ\ sồng tơnơ\ do geh tam gơl wơl  ba` lời bè hơ\.

Cau kuet kơlte brồ guh mờ broa\ lơh rùp mờ phe.

Bal mờ bơta  lơh ngan sơrlèt mờ bơta bàs, ờ khin  ờ cha, sa\ tờm is lam lơh,  sa\ tờm brồ guh tàm rài kis,  tàm ala\ nam do cau kuet kơlte tàm càr Kon Tum dờp geh bơta sền gròi dờng ngan bơh mpồl bơtìan. Tàm ngai chờ broa\ lơh lời tus cau kuet kơlte  pa geh Sở Lao động, Thương binh  mờ xã hội  càr bơyai lơh, neh geh 10 mpồl  lơh sa ka\ bro, anih lơh sa tus bal ngai chờ mờ broa\ lơh dong mblàng,  yal tơnggit broa\ lơh mờ sa\ tờm tơn geh rwah git nđờ jơt na\ cau lơh broa\. La go\ ngan tàm broa\ bơto bơtê broa\ lơh, ai geh broa\ lơh tus cau lơh broa\ kuet kơlte, ồng Lê Sơn Hải cau tờm lơh phan mờ dơm chi  phan niam Nguồn Xanh sồ 37 gùng Thi Sách, [òn dờng Kon Tum đơs bè do:

Sa\ tờm a` rài yau kung kal ke ua\ ngan, he lòt bơsram broa\ den he git. den tàng  geh tu\ a` rcang ai tus ala\ oh in lơh. den tàng ngan ờ di cau lơi deh  kung  geh bơtuah geh rài kis niam. den tàng,  a` ờ  rwah cau mờ tơngai. Geh ua\ cau tu\  yau he bơto rơp 6, 7 nam. Tu\ do khi neh dờng, lơh sa geh cồng nha, cau pờ geh anih lơh  hơ\ la bơta chờ.

Bal mờ bơta lơh ngan bơh sa\ tờm,  broa\ geh mpồl bơtìan lời geh bơta sền gròi, dong kờl gam la bơta tờm  dờng ngan nàng dong cau kuet kơlte tàm càr Kon Tum khin  tai nàng kis gơ rờm bal mờ brồ guh tàm rài kis.

                                                           Cau cih mờ yal tơnggit K’ Brọp.