VOV4.K’ho - Mờ ua\ cau Sơdàng tàm kơnhoàl Tu Mrông, càr Kon Tum bơh lài geh tơl sa la neh chờ ngan, mơya mò Y Bắp kis tàm ntum Tê Xăng gam lơh pas bơh ala\ chi tam bơh ù tiah [òn he.

            Pơgap mờ do nđờ nam,  tu\ kơnhoàl Tu Mrông mut lơh broa\ tam sơnơm kơnuh (Dà Yuan la hồng sâm đẳng) geh tam ua\  tus ua\ ntum den mò Y Bắp neh git tam mờ tac geh nđờ jơt tơlak pria\ pah nam bơh tờm sơnơm kơnuh do. Mò yal,  bơta kờ` tam sơnơm kơnuh geh tam tu\ mò càn pria\ mờ  tềm pềr geh dùl êt pria\ kơnờm bơh blơi phan tac wơl bơh phan lơh broa\ sa lơh geh bơh làng bol kòn cau Sơdàng tàm ntum do.

            Tu\ hơ\,  blơi tac,  lơh mìr jơh pràn ngan mơya kung mìng tơl sa, ờ geh pria\ tềm pềr nđờ. Tàm tu\ hơ\,  làng bol mut tàm brê jòi tờm sơnơm kơnuh nđờ geh tac jơh tus cau Yuan in, ai tàm brê den  slơ ngai slơ ờ hoan geh tai chi sơnơm do. Ala\ dơ\ mut tàm brê, Y Bắp go\ sơnơm kơnuh do  bươn ngan hòn, mìng gơ geh gơ ơm tàm ù ìo la gơ cat rơyas hòn mo. Tus kàl den gơ jrùh nha, tơnơ\ hơ\ den gơ chat wơl nha pa. Sùm bè hơ\,  kơnuh sơnơm gơ dờng bơh  tơnơ\ gơ jrùh nha-cat nha pa. Broa\ sơnơng kờ` tam sơnơm kơnuh geh gơlik tàm bồ mờ Y Bắp geh mut lơh mo. Tu\ blơi sơnơm kơnuh bơh làng bol, Y Bắp geh lời wơl ala\ kơnuh dềt, rwah ù  mìr pa den geh tam bơrlu\ bal mờ phan  tam ndai, tài lời jo\ den rơyas sơnơm kơnuh ro, ờ gơtùi tam  geh”.

            Tơnơ\ dùl tu\ tơngai tam ndang ai geh bơta mờng ndang, tu\ sơnơm tam geh gơ hòn niam, Y Bắp bơh tam tàm mìr di 1 sào tus 2 sào tam bal mờ lơm bo, tơngời,  bùm blàng, kòi mìr…neh lơh rề ơnàng ua\ tàm tiah chi tam jo\ sơnam bè kơphe, bời lời. Y Bắp yal ngan, tu\ do mò geh nđờ ba\ ù tam sơnơm kơnuh, mơya 50 lồ ù tam chi tam jo\ sơnam den chi sơnơm kơnuh do  drờm geh tam bơrlu\ bal.

            Tu\ mut tàm brê jòi  sơnơm kơnuh cèng  tac, làng bol kòn cau mìng jòi rwah ala\ kơnuh dờng di mờ nao tê me tài  sơnơm kơnuh neh jơh, ờ hềt thàn dờng den neh gơbàn tờ. Y Bắp tam sơmơm kơnuh, kơp nđờ nam hơ\ sồng geh tờ den tàng kơnuh dờng rlau tus 2 dơ\, 3 dơ\. Jat Y Bắp, kơnuh  sơnơm slơ lời jo\ nam den slơ dờng, tac  den kas pria\ rlau, kơnuh dờng  ìs ra` pria\ tac bơh 500 rbô tus 600 rbô dùl kg bơta bơh 7 tus 10 kơnuh ris hơ\ sồng tus 1 kg ra`, cau ka\ bro lòt blơi tus hờ hìu. Dilah tac jơh sơnơm kơnuh tu\ do,  ngan la geh pria\ tơmàn”. Y Bắp kờp du\ bè hơ\.

            Tàm kơnhoàl Tu Mrông, geh 2 na\ cau ùr tam sơnơm kơnuh pơnrơ ngan, mơya bè tam ua\ mờ pria\ geh den mò Y Bắp la lin rlau jơh, den tàng cau sơnđan mò la  “Ùr bơtau sơnơm kơnuh”.  Bal mờ pria\ geh bơh sơnơm kơnuh, Y Bắp tu\ do gam geh 15 lồ tờm bời lời. Go\ ngan la, hìu nha\ mò gam at tàm tê git nđờ jơt lồ ù tam sơnơm kơnuh Ngọc Linh neh tus tơngai tơnhàu. Bal mờ hơ\, kơphe bơh hìu nha\ mò Y Bắp neh tơnhàu tus nam dơ\ 2, gam tơnhàu. Mò gam ròng sur, rpu, kơnrồ mờ pria\ geh bơh ròng phan kung nđờ rhiang tơlak pria\ pah nam.

            “Mờ cau ùr tàm do, ai lơi kờ` tam sơnơm kơnuh do, Y Bắp tu\ lơi kung rcang  tam pà jơh bơh  bơta chài tam tus sơng ka, tac lơh bè lơi geh cồng” mò đơs bè hơ\. Jat mpồl cau lơh sa càr Kon Tum, Y Bắp la cau niam, rcang dong làng bol tàm tiah do bè sơntìl. Pa do, Y Bắp geh càr ai tus lòt pơrjum cau pơnrơ gơguh jak la cau lơh broa\ sa ka\ bro jak khà dà lơgar tàm Hà Nội.

                             Cau cih mờ yal tơnggit K’ Brọp