VOV4.K’ho - Mùl màl geh ai go\ kờp bơh tu\ càr Kon Tum mut lơh broa\ lơh jàu pria\ jền gàr brê, ala\ mpồl tờm brê kung bè làng bol geh tai pria\ jền ua\ ngan, bơh hơ\ slơ geh đềt mềr ngan bal mờ brê. Jơnau cih tơnơ\ do geh đơs gơdờp niam bơh broa\ lơh jàu pria\ sền gàr brê tus mờ bơta  atbồ sền gàr brê tàm Kon Tum.

La càr geh ba\ brê mờ bơta gơ glòm bơh brê dờng ngan rlau jơh pơndrờm mờ ala\ càr tàm Tây Nguyên, bơta sền gàr  bơtàu tơnguh lơh sa bơh brê geh càr Kon Tum sền gròi ngan. Mùl màl ai go\,  broa\ lơh jàu pria\ sền gàr brê tu\ geh mut lơh tàm càr neh cèng geh cồng nha niam tàm broa\ at bồ, sền gàr  bơtàu tơngguh brê. Nền nòn,  bè neh lơh geh pria\ jền kơljap nàng bơcri tus broa\ atbồ, sền gàr mờ bơtàu tơngguh brê, rài kis bơh  cau lơh broa\ brê geh bơtàu tơngguh loh làng ngan  bơh tơl nam, ngan la làng bol kis tàm brê, rềp brê mờ tàm tiah sar lơgar ngài, tiah ua\ ngan kal ke. Ồng Võ Minh Văn atbồ Hạt kiểm lâm kơnhòal Kon Plông ai git:

Kờp bal dùl nam êt ngan kung tus 6, 7 tơlak pria\. Kờp bal 300 rbô tàm dùl lồ, 20 lồ la 6 tơlak pria\. Bè hơ\ dùl ba\ mir lơh dùl kàl bùm blàng 6 tơlak pria\ mờ pal mus chi lơh mìr, dà cò. Gàr geh brê nam lơi kung geh pria\. Làng bol tam phà ngan atbồ sền gàr brê. Xã Đak Nên, Đak Ring, Măng Bút làng bol gàr brê 100% ờ kơl mus.

Mùl màl jòi wa\ tàm ala\ mpồl cau tờm brê tàm càr Kon Tum ai go\,  geh 153 [òn,  160 mpồl hìu nha\ mờ rlau 1.500 hìu nha\, cau dùl na\ sa\ geh   dờp khòan sền gàr brê jo\ jòng mờ kờp jơh ba\ brê geh sền  gàr mờr 109.000 lồ. Geh kờp bal pah nam  bơh tơl hìu dờp sền gàr brê  di 5 tơlak pria\, [òn sền  gàr  brê geh di 88 tơlak pria\, mpồl hìu geh 37 tơlak pria\. Kơnờm geh pria\ niam, ala\ mpồl cau tờm brê neh geh   lài tàm broa\ atbồ sền gàr brê, mơ kung geh git di pal bơta dờng, tiah tờm nàng rwah ala\ broa\ lơh sền gàr brê di pal. Kung kơnờm bơh geh pria\ jàu sền gàr brê, broa\ lơh lòt sền rwàng, sền gàr brê geh mut lơh sùm,  geh sùm tơmù pơhìn brê gơbàn aniai. Bi A Ngoan atbồ ling  klàng xã Ngọc Réo, kơnhòal Đak Hà ai git:

Tơnơ\  tu\ Mpồl atbồ sền gàr brê bồ tô geh jàu khòan tus mpồl atbồ ling klàng xã  geh pria\ tus mờ broa\ lơh lòt sền gròi,  lòt sền tiah he mờ tu\ geh  ting kup geh jàu pria\ dong kờl tus oh mi dùl bơnah pria\ sa, pria\ xăng mờ geh pria\ ngai lơh broa\. Den  tàng tàm broa\ lơh atbồ sền gàr brê geh sùm sền gàr ting kup cau tìs geh cồng nha rlau. Bal mờ hơ\,  geh ai dùl bơnah pria\ tàm kes pria\ jàu tus broa\ lơh tàm mpồl.

Tus tu\ do,  tơnơ\ rlau 6 nam mut lơh broa\ lơh jàu pria\ sền gàr brê, càr Kon Tum geh rlau 360 rbô lồ brê di tàm broa\ jàu pria\ sền gàr brê. Tàm hơ\,  geh 23 mpồl cau tờm brê la mpồl atbồ rlau 289 rbô lồ brê, 75 UBND xã, thị trấn atbồ mờr 26 rbô lồ brê, rlau 3.600 hìu nha\ mờ 22 [òn geh dà lơgar jàu ù, jàu brê, atbồ mờr 45 rbô lồ brê. Ồng Nguyễn Xuân Linh atbồ mpồl atbồ sền gàr brê bồ tô Dak Hà ai git:

Lài do,  ờ geh pria\ jàu pria\ sền gàr brê, bulah  gam geh jàu khòan mơya khà khòan pah nam lơyah den tàng làng bol ờ kờ` ngan mờ broa\ sền gàr brê. Bơh tu\ geh broa\ lơh jàu pria\ sền gàr brê, slơ ngai pria\ jàu slơ jơnhua bè hơ\ la geh dong kờl dùl bơnah lơi tus rài kis làng bol. Tu\ mờ geh pria\ bloh,  bơsong geh rài kis  den git wa\ bơh làng bol slơ ngai slơ jơnhua go\ loh ngan. Tu\ geh pria\ jàu pria\ sền gàr brê mpồl  lơh geh nđờ broa\. Lài jơh la jàu khòan  atbồ brê rềp làng bol  kờ` làng bol khi dê sền gàr. Kơryan ngan  bơta kơl brê lơh mìr. Dơ\ 2 la  tơngguh rài kis làng bol tàm bơta dờp pria\ sền gàr brê. Dơ\ 3 la làng bol khi git wa\ loh broa\ pal sền gàr brê.

                                               Cau cih mờ yal tơnggit K’ Brọp