VOV4.K’ho - Tàm càr Kon Tum, bal mờ 20 mpồl cau tờm brê la ala\ mpồl gam atbồ mờr 290 rbô lồ brê gah jàu pria\ sền gàr brê, 78 mpồl ờ di la cau tờm brê mơya geh dà lơgar jàu kơnòl atbồ sền gàr brê la anih duh broa\ làng bol ntum, [òn drà kung gam lơh broa\ atbồ sền gàr brê rlau 26 rbô lồ bơh broa\ lơh jàu pria\ sền gàr brê. Broa\ atbồ brê do geh  gơnoar atbồ  [òn lơgar ala\ ntum, [òn drà mut lơh mbè lơi? Kung bè ala\ kal ke gơtìp geh tàm broa\ mut lơh broa\ lơh jàu pria\ sền gàr brê la mbè lơi?

            Ntum Đắc Rơ Ông, kơnhoàl Tu Mơ Rông geh rlau 6 rbô lồ brê geh is. Bơdĩh mờ 5.700 lồ brê bơh 2 mpồl la cau tờm atbồ sền gàr la Gah atbồ sền gàr brê bồ tô Tu Mơ Rông mờ mpồl lơh broa\ sa dùl sa\  chi brê Đắc Tô atbồ, 300 lồ brê gam wơl geh jàu anih duh broa\ làng bol ntum Đắc Rơ Ông. Nàng atbồ brê do, gơnoar atbồ ntum neh jàu tus ala\ hìu làng bol tàm 4 [òn: Kon Hia 1, Kon Hia 2, Kon Hia 3 mờ La Dông atbồ sền gàr. Mùl màl geh ai go\ kơnờm geh dờp kuơ bơh khà pria\ jàu sền gàr brê, bal mờ bơta kuơ mờ kơnòl, rlau 300 lồ brê do geh sền gàr niam rlau pơndrờm mờ ala\ nam lài do. Ồng A Vôn kuang jat jơng atbồ anih duh broa\ làng bol ntum Đắc Rơ ông, ai git:“Go\ broa\ sền gàr làng bol dê la niam ngan. Khi git wa\ ngan sền gàr brê, ngan la tàm kàl prang bơh nhai 1 tus nhai 5,  làng bol sền gàr niam ngan. Tài neh geh jàu sền gàr tàm hơ\ geh bal pria\ dong kờl bơh gah jàu pria\ sền gàr brê”.

            Kung geh jàu kơnòl atbồ sền gàr brê rlau 300 lồ brê geh is bè anih duh broa\ làng bol ntum Đắc Rơ Ông, bulah anih duh broa\ làng bol ntum Đắc Tờ Kan den geh broa\ lơh atbồ sền gàr  krơi. Jơh ala\ ba\ brê do, gơnoar atbồ ntum geh jàu tus mpồl cau ling, nền nòn la ling grap [òn mờ kuang àng  ntum atbồ sền gàr. Khà pria\ jàu sền gàr brê dờp geh pah nam ntum mìng ngui tus broa\ lơh bơh mpồl do mờ lời tus ala\ broa\ lơh geh gơ rềng tus atbồ sền gàr  brê. Ồng Nhóc kuang atbồ đơng lam Đảng  ntum Đắc Tờ Kan ai git, bơh tu\ rlau 300 lồ brê geh jàu tus gơnoar atbồ ntum,  broa atbồ sền gàr  brê neh lơh geh niam rlau:“Đắc Tờ Kan  tàm ala\ nam 2007,2008 cau lơi kung git la kal ke ngan tàm broa\ blơi tac, tơnhàu, pồ dơm chi. Tu\ mờ geh broa\ lơh jàu den gơ geh gơmù ngan jơh tàm bơta làng bol geh tus tơnhàu dơm chi hala bol blơ\ kơnhau chi bơh hờ bơdĩh krơi is ngan pơndrờm mờ lài do”.

            Mùl màl geh ai go\,  ua\ ngan ala\ ba\ brê geh jàu pria\ sền gàr brê neh geh atbồ sền gàr niam rlau tu\ geh jàu tus anih duh broa\ làng bol ntum,  [òn drà. Bulah bè hơ\,  tàm tơngai bơh sơnrờp mut lơh broa\ lơh jàu pria\ sền gàr brê, mờ bơnga\ la cau tờm brê, ua\ ngan ala\ ntum gam kup kuơ. Broa\ ờ tơl cau kuang chài broa\ lơh git wa\ ngan bè gùng dà broa\ lơh mut lơh ờ hềt  lơh geh cồng nha bè bơta kơp kờ`. Ồng Nguyễn Thuận Hoá kuang atbồ anih duh broa\ làng bol ntum Đắc Tờ Kan, kơnhoàl Tu Mơ Rông ai git:“Mo tơn bơh  tu\ mut lơh broa\ lơh jàu pria\ sền gàr brê kung gơtìp ua\ ngan kal ke. Tu\ mut lơh den ua\ ngan. Pah nam, pal lơh sra\ nggal brê geh ngan, lơh geh rùp ù tiah chi brê”.

            Jat jơnau sền wơl bơh Kes  pria\ sền gàr mờ bơtàu tơngguh brê càr Kontum,  bơta gam ờ niam tu\ do bơh ala\ anih duh broa\ làng bol ntum, [òn drà  tàm broa\ mut lơh broa\ lơh jàu pria\ sền gàr brê la broa\ lơh jàu, ngui dơ\ pria\ jền pah nam lơ yài, broa\ tus sền, ai lòt sền, lơh sra\ nggal bơta  geh ngan mùl bơh brê mờ geh ai tơmut tai ala\ dữ liệu ờ hềt di pal mo, ờ hềt di ngan. Bal mờ  hơ\, broa\ atbồ,  ngui pria\ jàu pria\ sền gàr brê gam kui kuơ.

                             Cau cih mờ yal tơnggit K’ Brọp