VOV4.K’ho- Tơnơ̆ rlau 1 nhai gơlik geh, tus tŭ do kòp as sồt kơltau gơlik pơnời tàm rơpu, kơnrồ tàm càr Kon Tum neh bơtờp tus uă tiah. Gùt càr geh 308 hìu bơnhă ròng phan tàm 76 thôn, ƀòn bơh 31 xã, gơ wèt 7 tàm 10 kơnhoàl, ƀòn dờng geh rlau 400 nơm rơpu, kơnrồ gơbàn kòp. Tềng đap bơta bơtờp mhar bơh kòp dê; geh 2 kơnhoàl bơh càr dê là Ngọc Hồi mờ Đăk Hà neh yal geh kòp mờ kung lam lơh ală broă lơh rơcang sơndră kòp jat jơnau sồr.

Nàng tơrmù hoàc huơr bè lơh sa ai cau ròng phan geh rơpu, kơnrồ gơtìp kòp as sồt kơltau gơlik pơnời in, gah ròng phan mờ lơh sơnơm phan ròng càr Kon Tum neh tơrmù ƀà broă tơp pơrguc, tơrgùm tàm broă sơm kòp, cit sơnơm vaccine rơcang sơndră kòp. Tus tŭ do, gùt càr mìng rơp pa geh 10 nơm kơnrồ kòp pal tơp pơrguc, khà sền gròi sơm bời kòp là 48 nơm mờ rlau 370 nơm kơnrồ gam wơl gam pơn jat tai geh sền gròi.

Cau mblàng K’Duẩn