VOV4.K’ho - Càr Kon Tum geh ba\ ù tiah geh is mờr 969 rbô lồ, tàm hơ\,  geh ba\  ù geh brê rlau 600 rbô lồ. Do la càr geh  brê gam dờng ngan rlau jơh dà lơgar pơndrờm tàm ala\ càr Tây Nguyên. Nàng gàr brê do mơ kung pơnjat tai geh tơngguh bơta gơ glòm bơh brê, gơnoar atbồ mờ gah lơh broa\ geh  gơnoar càr dê neh mut lơh ua\ ngan roa\ lơh niam, tàm  hơ\ geh broa\ lơh geh ngui khà pria\ jàu pria\ sền gàr brê kung bè tam brê  tàm  ơla.

Ngài mờ tam gùl kơnhoàl Tu Mơ Rông, càr Kon Tum rlau 50 kơi sồ, xã Đak Na geh ba\ brê dờng ngan gơ ơm tàm brê geh is rlau 8.400 lồ. Mut lơh broa\ lam sồr bơh gơnoar atbồ mờ gah lơh broa\ geh gơnoar hờđang, tàm ala\ nam  pa do broa\ lơh atbồ sền gàr brê geh  kơnhoàl lơh ngan nền nòn den tàng bơta kơl mus chi brê lơh mìr,  tơnhàu  dơm chi tìs neh gơmù ua\ ngan. Jat ồng A Dũng, Phó Chủ tịch UBND xã Đăk Na, bơta chờ hờp ngan rlau tai la rlau 600 hìu làng bol kòn cau Sêdang tàm 13 [òn tàm xã neh geh  git wa\ niam rlau bè bơta kuơ bơh brê cèng wơl rài kis làng bol in. Geh bơta do la kơnờm ngan bơh ala\ broa\ lơh atbồ sền gàr brê, tàm hơ\ geh broa\ lơh jàu pria\ sền gàr brê:

Tàm xã Đăk Na tu\ làng bol neh dờp geh brê nàng sền gàr atbồ den  làng bol kung neh tam gơl sơnơng git wa\ bè broa\ atbồ sền gàr brê gàr niam   jat di adat bph lam. Ala\ hìu nha\ neh dờp geh ba\ brê sền gàr mờ atbồ, pah dơ\ dờp pria\ geh hìu  geh bơh 3 tus 4 tơlak pria\ kung geh ua\ hìu nha\ ngan, geh hìu den dờp 1, 2 tơlak. Làng bol  geh ngui ala\  pria\ geh do  lài jơh la  blơi ala\  bơta sơntìl kòn chi jat tàm hìu nha\ geh kờ` bơcri bơtàu tơngguh lơh sa hìu nha\.

 Lài do neh la tiah ờ suk ngan  tàm broa\ tơnhàu brê tìs mờ kơl mus chi brê lơh mìr, tu\ do neh ờ gam tai, lơh ngềt ngơt tàm ala\ ba\ brê tàm kơnhoàl Kon Braih. La dùl tàm ala\ mpồl tờm brê tàm kơnhoàl geh jàu atbồ mờr15 rbô lồ brê bồ tô, tàm hơ\ geh mờr 13 rbô lồ brê geh dờp geh bơta jàu pria\ sền gàr  brê, ồng Đỗ Tiến Chinh, Phó kuang atbồ brê bồ tô Kon Braih ai git, broa\ lơh do neh cèng geh bơta pa tàm  broa\ lơh atb sền gàr brê mpồl dê:

Bơh nam 2011 tus tu\ do, chính sách neh gơ mut tàm rài kis mpồl neh neh mut lơh. Lài jơh la ba\ brê geh jàu atbồ sền gàr ai tus ala\ mpồl dờp sền gàr tàm kơnhoàl. Ala\ hìu dờp brê sền kung kung jơh nùs rlau tus bal mờ cau tờm brê la mpồl bol a` mut lơh broa\ atbồ sền gàr brê tàm ba\ brê neh jàu hìu nha\ in sền gàr. Tàm [òn geh pồ mpồl hìu nha\ geh lòt bal mờ mpồl mut lơh broa\ lơh do. Dơ\  bàr tai la bơh broa\ lơh bơh chính sách jàu pria\ sền gàr brê lơh geh mpồl in geh tai pria\ jền. Mpồl kung neh lơh geh ala\ broa\ lơh drơng tus bơta lơh rcang sơndra\ ồs sa brê. Pơnyơu bè lơh kù nàng gak ồs sa, ala\ phan bơna ma\y mok crùh ồs sa brê drơng tus broa\ lơh rcang sơndra\ ồs sa brê tàm nhai prang, bè lơh gùng kơryan ồs tàm ala\ ba\ brê tam  mờ neh jơh ala\ nam tam bơh sơnrờp.

Bal mờ broa\ brê geh sền gàr niam  rlau  kơnờm bơh broa\ lơh jàu pria\ sền gàr brê,  lơh broa\ geh cồng nha bơh kes pria\ sền gàr mờ bơtàu tơngguh brê bơh càr Kon Tum kung  gam pơ gồp bal lơh brê  slơ tơlir crư. Tàm ala\ nam  pa do bơh khà pria\ rlau 66 tơmàn pria\ tam brê ơla mờ ala\ cau tờm bơcri geh  ta\ tàm kes, bơh nam 2014 tus tu\ do càr Kon Tum neh tam pa  mờr tus 1.500 lồ brê, tàm hơ\ mờr 50 lồ brê la brê bồ tô, 100 lồ brê la brê kròng mờ rlau 1.300 lồ brê la brê lơh sa. Do la ala\ cồng nha geh ai go\ bơta chờ hờp ngan tàm broa\ lơh atbồ sền gàr brê mờ bơtàu tơngguh brê  bơh càr Kon Tum.

                                           Cau cih mờ yal tơnggit K’ Brọp