VOV4.K’ho- Mờ kờp jơh bă kơphe neh tơnhàu rlau 23 rbô 200 lồ, kàl pic kơphe nam do, kờp jơh khà kơphe bơh càr Kon Tum dê kờp dŭ geh rlau 61 rbô 700 tấn kơphe gar, uă rlau mờ kàl lơh kơphe nam lài.

                                    Tam kơphe kloh niam tàm kơnhoàl Đăk Hà, càr Kon Tum

Tàm tŭ tơngai kòp Covid-19 gơlik geh kal ke, bulah khà priă kơphe ngai sơlơ gơguh jơnhua, mơya cau tam kơphe tàm Kon Tum kung gam ờ suk ai broă tac kơphe in, ngan là 2, 3 mpồl lơh sa kă bro blơi, lơh gơlik kơphe gam kơphe gam jơngkah tàm anih prap ơn bơh kàl lài. Tềng đap bơta do, Chi cục bơtàu tơnguh ƀòn lơgar càr Kon Tum neh crơng gơs Mpồl lơh broă đơng lam lơh gơlik mờ tơrbŏ bal tac phan lơh gơs bơh suơn sre. Mìng is gơ wèt mờ broă tac phan kơphe ai cau lơh broă sa in kàl tơnhàu kơphe mờr tus, mpồl neh rơcang lài bơt bơtàu broă rơndap lơh, jơh nùs cribơyai, tơrbŏ bal jòi anih tac phan lơh gơs in.

Cau mblàng K’Duẩn