VOV4.K’ho- Lơh jat jơnau kờñ tam pa 15 rơbô lồ brê mờ Nghị quyết Pơrjum dờng Đảng bộ càr Kon Tum dơ̆ 16, tơngai lơh broă bơh nam 2020-2025 dê  geh ai, tus jơh nggùl nhai 9 pa do, gùt càr Kon Tum neh tam pa geh rlau 3 rơbô 600 lồ brê, sơr lèt rlau 600 lồ brê pơndrờm mờ broă rơndap lơh geh ai tàm nam do.

Kes priă sền gàr mờ bơtàu tơnguh brê càr Kon Tum dong kờl sơltìl nho ai làng bol xã Văn Lem, kơnhoàl Đăk Tô in

Tàm rlau 3 rơbô 600 lồ brê tam pa bơh càr Kon Tum dê, ƀòn dờng Kon Tum là tiah lam lài mờ bă brê geh tam rlau 900 lồ. Ală kơnhoàl gam wơl kung ndrờm lơh geh mờ tam sơr lèt bă brê geh jàu. Nàng tam brê, gơnoar atbồ ală kơnhoàl, ƀòn dờng bơh càr Kon Tum dê neh hòi jà làng bol tam wơl brê gơwèt mờ bă brê ờ geh tờm chi, bă brê tam bùm blàng, lơh kòi ờ geh cồng nha; bơyai lơh dong kờl sơntìl, ngai lơh broă, bơto pơlam bơta chài tam ai làng bol in; hòi jà mpồl phàu crong, kuang bàng, công nhân, viên chức... tus bal tam brê.

Cau mblàng K’Hạnh