VOV4.K’ho- Tŭ do, kờp jơh mpồl rơpu, kơnrồ bơh càr Kon Tum dê rlau 100 rơbô nơm, pơgap 50% tàm khà hơ̆ geh làng bol jơi bơtiàn kòn cau ròng jat broă lơh ròng lềng lơh broă sền gròi kòp mờ lam lơh broă cĭt sơnơm vaccine gơtìp kal ke.

Tềng đap bơta bàr pe tiah neh geh kòp pa ală tiah kòp sồt bùng gơtă nđias, kòp as sồt kơltau mờ gơñồm mhàm tàm mpồl rơpu, kơnrồ, UBND càr sồr gah lơh sa suơn sre mờ bơtàu tơnguh ƀòn lơgar bal mờ ală tiah tơnguh broă lơh kơryan kòp ai mpồl phan poan jơng in. Bal mờ broă lơh pràn mblàng yal, tơnguh uă bơta gĭt wă bơh làng bol dê bè ròng phan gàr niam bơta ờdo ơdă sinh học, UBND càr sồr ală tiah pơn jat tai kờp sền, tơrgùm kờp mpồl rơpu, kơnrồ, lơh broă bơsong, căng tiah gơwèt mờ ală tiah kòp pa geh, mơkung rcang lài ală gùng dà cĭt sơnơm vaccine kơryan kòp ai mpồl rơpu, kơnrồ in.

Cau mblàng K’Hạnh