VOV4.K’ho - Kơnhoàl Cư\ Jut, càr Dak Nông tơngai lài sùm geh sền  gròi dong tơl bơta dong kờl cau rbah, hìu nha\ geh rài kis kal ke, ala\  bơta buơn boài ngan nàng bơtàu tơngguh lơh sa brồ guh lik klàs rbah tàm hơ\ geh broa\ lơh trơ gùm bơh ala\ bơta geh nàng lơh hìu ơm cau rbah, hìu drờm bè cau rbah ờ geh hìu ơm.

            Broa\ lơh hìu tam klac  dờng pà hìu rbah gam geh mpồl đơng lam Đảng,  gơnoar atbồ mờ gah tề lam gùng dra\ bal dà lơgar Việt Nam ala\ gah tàm kơnhoàl Cư\ Jut mut lơh geh cồng nha niam. Pơnjat hơ\,  anih duh broa\ gah tề lam gùng dra\ bal dà lơgar Việt Nam kơnhoàl Cư\ Jut neh gơ gơs la anih tơrbo\ bơh ala\ mpồl lơh sa ka\ bro, ala\ cau git jơnau dong kờl tus mờ cau rbah. Mờ broa\ lơh di cau,  song dơpa\, loh làng, anih duh broa\ gah tề lam gùng dra\ bal dà lơgar Việt Nam  kơnhoàl Cư\ Jut neh lơh niam broa\ lam sồr lơh hìu tam klac nàng kờ` dong bal tàm kes pria\ tài cau rbah. Bơh bồ sơnam 2015 tus tu\ do, anih duh broa\ gah tề lam gùng dra\ bal dà lơgar kơnhoàl neh pơlam geh bơh ala\ cau dùl na\ sa\, mờ cau git jơnau  dong kờl geh lơh pa  5 nơm hìu tam klac dờng ai cau rbah in.

            Ồng Y Đêng Niê kuang jat jơng atbồ anih duh broa\ gah tề lam gùng dra\ bal kơnhoàl Cư\  Jut, càr Dak Nông ai git:“Tơngai lài bơh bơta đơng lam  bơh mpồl đơng lam atbồ Đảng kơnhoàl, anih duh broa\ gah  tề lam gùng dra\ bal  dà lơgar Việt Nam kơnhoàl Cư\ Jut neh  bơyai lơh mut lơh hìu tam klac dờng gờm chờ pơrjum Đảng kơnhoàl dơ\ VI, tu\ do bol a` neh mut lơh 5 nơm hìu, tơl nơm hìu lơh gơs mờ pria\ di 35 tơlak pria\ tàm ntum Nam Dong, [òn drà Tâm Thắng”.

            Lo\ Nông Thị Ương, dùl hìu ha\ rbah tàm [òn 9, ntum Nam Dong, kơnhoàl Cư\ Jut, càr Dak Nông, geh đơs: Bơklau chơt gờ`, sa\ tờm den gơbàn kòp,  ờ gam gơtùi lơh broa\, kòn den gam dềt, hìu mìng kơp tàm 7 sào ù tam phan den tàng pria\ geh pah nam ờ tơl nàng geh ngui tàm rài kis,  bơta kal ke, bòl glar sùm  gam mờ he. Pa do, lo\ Nông Thị Ương geh pà hìu tam klac dờng, lo\ chờ hờp ngan tài bơh tềng do geh hìu kơljap ơm, ờ gam gơbàn nhhat dà mìu tai:“Hìu nha\ a` kal ke  ngan, bơklau chơt gờ`, kòn den gam dềt,  pah nam tơnhàu geh êt, a` dan ưn ngài ngan kơnhoàl neh lơh pà a` in hìu do”.

            Jat ồng Y Đêng Niê kuang jat jơng atbồ anih duh broa\ tề lam gùng dra\ bal dà lơgar Việt Nam kơnhoàl Cư\ Jut, mpồl gam lơh ngan mut lơh bal mờ ala\ gah, sơnah lơh broa\, mpồl bơtìan, ala\ ntum, [òn drà tus tiah [òn làng bol lam sôr làng bol tàm bơta nùs nhơm git tam ròng, dong bal, geh dong bal cau rbah, tus bal ta\ pơ gồp kờ` bal tàm kes pria\ tài cau rbah mờ  lơh  hìu tam klac  dờng pà hìu nha\ rbah kal ke ờ geh hìu ơm.

            Nàng lơh geh bơta ring bal, anih duh broa\ gah tề lam gùng dra\ bal dà lơgar kơnhoàl Cư\ Jut neh lam sồr gah tề lam gùng dra\ bal ntum, [òn drà pal lơh broa\ song dơpa\, loh làng tàm broa\ ngui kes pria\, ngan la geh ngui kes pria\ di cau.

            Jat rơndap broa\ bơh tu\ do tus jơh nam 2015, anih duh broa\ gah tề lam gùng dra\ bal dà lơgar Việt Nam kơnhoàl geh pơnjat tai geh lơh bal mờ gơnoar atbồ bơh ala\ ntum,  [òn drà, lơh tai 8 nơm hìu tam klac dờng pà ala\ hìu nha\ rbah mờ khà pria\ bơh kes pria\ tài cau rbah.

            Ồng Y Đêng Niê  kuang jat jơng atbồ anih duh broa\ tề lam gùng dra\ bal dà lơgar Việt Nam kơnhoàl Cư\ Jut ai git tai:“Lơh ngan tus lồi nam 2015,  tơl ntum, [òn drà,  lơh geh êt ngan kung tus 8 nơm hìu neh  jàu tàm broa\  lơh”.

            Mờ bơta sền gròi bơh ala\ kơna\ Đảng, gơnoar at bồ ala\ kơna\ mờ bơta geh lơh bal ngan ngồn bơh ala\ gah, sơnah lơh broa\, tơngai tus geh ua\ tai hìu tam klac dờng nàng geh dong tus ala\ hìu nha\ rbah ua\ ngan kal ke geh anih ơm niam, lơh geh bơta niam dong khi geh brồ guh tàm rài kis.

          Ngui bơh Anih pờ tơlik jơnau đơs sơndio rùp Dak Nông.