VOV4.K’ho - Kơnhoàl Kbang, càr Gia Lai geh bă ù mờr 1 rơbô lồ tam tờm mắc ca (uă ngan tàm càr Gia Lai) dê, tàm hơ̆, geh 250 lồ gam tàm tơngai tơnhào, kờp dŭ khà geh mờr 180 tấn tàm nam 2021 do.

Bă ù tam tờm mắc ca do tŭ do gam geh tam bơrlŭ bal, ai cồng nha ngui bă ù lơh sa suơn sre ring niam rơlao pơn drờm mờ lài. Do kung là gùng dà tơnguh bơtàu broă lơh sa ai làng bol kis tàm kơnhoàl Kbang in sơl, tàm hơ̆ uă ngan là làng bol kòn cau Bahnar. Ồng Mã Xuân Tình, kuang atbồ phòng Nông nghiệp mờ Phát triển Nông thôn kơnhoàl Kbang pà gĭt, tàm ală nam tus, khà gar mắc ca tàm kơnhoàl Kbang geh gơguh mhar tài geh uă bă ù tam tờm mắc ca geh tơnhào, gơguh bè cồng nha broă lơh.

Cau mblàng Ndong Brawl