VOV4.K’ho - Tus tu\ do,  bơta trồ prang dờng neh lơh rlau 11 rbô hìu nha\  làng bol tàm càr Kontum ờ tơl dà ngui sa. Tàm ua\ tiah làng bol ơm kis,  dà sàng kloh drơng rài kis pah ngai bơh làng bol slơ ngai slơ gơbàn ờ hoan geh ngan. Tàm tu\ gơbàn bè hơ\,  làng bol neh slơ tam klac, tam pà bơta mờng dong bal tơl thùng dà, đùh dà nàng sơrlèt kal ke kòl yan bơh trồ tiah.

            Bal mờ bơta ờ suk ngan bơh trồ prang tơngai duh jo\ jòng geh lơh chi che tàm suơn gơtìp ro jơh, mò Nguyễn Thị Thảo kis tàm [òn 1, ntum Sa Sơn,  kơnhoàl Sa Thầy gam bơta ờ suk ndai tai ua\ rlau, la dà tơrlung neh gơbàn  soat dà, 3 thùng dà gơbàn sơ kal tềng gah blàng hìu gơs la phan  bơna kuơ màng, mơya kung mìng ngui geh di 2, 3 ngai. Sền tus hìu rềp bal, rlau 10 hìu nha\ rềp bal tơrlung dà drờm jơh soat. Bơta  ờ suk ờ geh dà ngui bơh mò Thảo kung bè ala\ hìu nha\ ndai tàm [òn geh bơsong jơh tu\ hìu nha\ mò Nguyễn Thị Thu geh bồm is dà tơrlung bơh hìu nha\ ai tam pà mờ làng bol.  Geh dà ngui, mò Nguyễn Thị Thảo,  ai git:“Tàm do, dà geh tam pà jơh tàm [òn 1 do. Cau lơi kung geh lơm. Tus trồ mho mang den geh bồm dà. Ờ geh dà do den làng bol tàm do ờ geh dà hùc. Gơ lơh sơrmah sơrmài ngan, nùs nhơm den geh niam rlau”.

Hìu mò Nguyễn Thị Thu tu\ do gơ gơs la anih pà dà sàng kloh.

            Git broa\ lơh niam bơh mò Nguyễn Thị Thu, gơnoar atbồ ntum Sa Sơn geh ta\ pria\ blơi thùng ơn dà, mờ dong kờl hìu nha\ pria\ đèng bồm dà. Pah ngai, drờm bè hơ\ lơm, mò Thu bồm bơh 2 rbô tus 3 rbô lik dà tus tàm thùng ơn dà nàng làng bol tus ai dà rê ngui. Geh tai broa\, den  bòl glar rlau mờ ngan ngồn  la tus tu\ tơrlung dà hìu nha\ kung  gơ soat sơl, gơya mò Thu gam chờ hờp bồm dà mờ tam pà dà mờ làng bol:“Bòl ngan, rê lơh broa\ mho mang,  làng bol pal ơnòng thùng,  hala đù lòt ai dà. Àng drim gờ` pal lòt ai dà. Hìu a` den gam dà neh tàng kung kờ` tam pa mờ làng bol tàm tu\  tơngai prang duh bè do”.

            Tus tu\ do,  tàm kơnhoàl Sa Thầy neh geh rlau 660 nơm tơrlung dà soat dà,  ua\ broa\ lơh dà ngui bal kung  ờ gơtùi lơh broa\ tai. Bulah bè hơ\,  slơ pal kong mờ trồ prang ua\,  làng bol geh slơ tam klac dong kờl bal. Ồng Trần Đình Huân kuang atbồ cơldu\ lơh broa\ mpồl duh broa\ ala mat làng bol-anih duh broa\ làng bol kơnhoàl sa Thầy ai git:“Làng bol den jơh nùs tam pà bal ngan. Tơrlung gam geh ua\ dà geh  tam pà dà ala\ hìu gùt dar. Mờ đah gơnoar atbồ [òn lơgar kung cih dờp broa\ lơh do mờ dong kờl dùl bơnah lơi pria\ jền nàng khi bồm dà hala geh ala\  jơnau đơs, pơnjờng”.

Gơnoar atbồ ntum Sa Sơn tờ tơrlung dà, lơh sơntèk ơn dà sàng kloh  làng bol in.

            Bal mờ bơta tam pà khà dà ngui sa tàm làng bol, anih duh broa\ làng bol kơnhoàl sa Thầy neh ngui 1 tơmàn 500 tơlak pria\ bơh khà pria\ rcang lài nàng geh tờ, khoàng git nđờ jơt tơrlung dà, lơh sơntèk ơn dà, crap tus 80 thùng dà đù tàm ala\ [òn, ai cau ling mờ ala\ mpồl lơh sa ka\ bro pơndiang dà  kloh  tus ai gời làng bol in. Rùp sa\ bơh cau kuang ntum tơnơ\ jơh lơh broa\ kung  geh tus  tùng dà dong ala\ hìu nha\ ờ geh cau, hala cau pơgru ala\ hìu bơsram pah tu\ lòt bơto pơndiang bal đù dà dong jơh tơ hìr tus hìu nha\ kơnòm bơsram nàng geh pơnjat tai bơta pin dờ` mờ bơta pràn nàng làng bol  sơrlèt kal ke bơh trồ  tiah prang. 

                   Cau cih mờ yal tơnggit K’ Brọp