VOV4.K’ho - Geh làng bol pin dờ` mờ gơnoar atbồ [òn lơgar pin dờ`,  rlau 10 do,  ồng Y Siu Bya\ gam sơnđan la bèp Minh sùm  la cau lơh kuang atbồ [òn M’Duk mờ la  cau atbồ mpồl cau kra [òn sơnah [òn Ea Tam, [òn dờng Buôn Ma Thuột, car Daklak. Ồng la cau lam lài ngan bơh cau Rơđê dê tàm broa\ lơh jat mờ mblàng pơlam, lam sồr làng bol mut lơh ala\ gùng dà broa\ lơh  bơh Đảng,  adat boh lam  bơh Dà lơgar, pơ gồp bal dong làng bol lik klàs rbah, bơtàu tơngguh lơh sa.

            Nam 2005, bèp Minh tu\ hơ\  neh tus 47 nam geh pồ lơh kuang atbồ [òn [òn M’Duk mờ la cau atbồ mpồl cau kra [òn bơh sơnah [òn Ea Tam. nam do,  64 sơnam,  ồng neh  geh tus  rlau 17 nam lơh kuang atbồ [òn. Slơ dờng sơnam, ồng  sơlơ  dơne\ dơ nài tàm muh mat, tàm  sap nho\. Geh làng bol pin dờ`, ồng sùm geh  lơh geh   bơta  tam klac, đềt mềr tài bơta bơtàu tơngguh bal bơh [òn dê la dùl broa\ lơh kuơ màng ngan. Bèp Minh sùm đềt mềr mờ tơl hìu nha\, jòi git wa\ bơta kơp kờ` hala rài kis, lam sồr tam pà  kal ke kung bè chờ hờp bal mờ làng bol. Hìu nha\ ồng sùm lam lài,  pơnjờng làng bol geh ngui bơta jak chài pa tàm broa\ lơh sa, ngui ua\ sơntìl pa, sih tam di tu\ tơngai,  ròng phan ròng ua\ nàng  tac geh tai pria\ jền. Ala\  gùng dà broa\ lơh bơh Đảng, Dà lơgar kung geh ồng git mo di pal, geh lam lài tàm broa\ mut lơh mờ mblàng pơlam, yal tơnggit làng bol in git loh, lơh di.  Pah tu\ tàm [òn gơlik geh tam lah tam ring,   pơnu `ô ơlak lơh tung  lơtang, kơnờm bơh bơh bơnga\ mờ bơr đơs ồng dê, ala\ broa\ drờm geh bơsong niam, mhar. Ồng bèp Minh  đơs:“Jơh ala\ broa\  a` lơh tài bơh  bơta kờ` gơboh [òn  làng, a` drơng jơh  tơl cau tàm [òn, ờ mìng cau kòn cau mờ jơh bal mờ cau  Yuan. Sùm jòi gùng kờ` [òn làng geh rài kis niam rlau tai. Rài kis bơh làng bol bơtàu tơngguh, git wa\ ua\ rlau  den geh pleh geh ala\ bơta ờ niam gơmut tàm [òn. Den tàng ngan, tàm [òn M’Duk kung ờ geh cau lơi iat jat jơnau pơn jồ, pơr lồm bơh cau ờ niam”.

            Mờ  bơta lơh broa\ jơh nùs,  lơh jơh kơnòl,  git wa\ bè  bơhìan [òn lơgar dê, bèp Minh la cau geh sơnđìng  nùs nhơm kơljap ngan ai tus ua\ làng bol tàm [òn M’Duk. Broa\ lơh nhap nhar ồng dê neh pơ gồp bal dong [òn M’Duk gàr  kơljap khà [òn chài rgơi tàm ua\ nam do. Tàm  ala\ nam rềp do,  ồng neh  lam sồr ala\ cau dong kờl, ala\ mpồl duh yàng sùm pà phan dong kờl ala\ hìu nha\ cau rbah, mờ dong kờl lơh geh 5 nơm hìu  ai ala\ hìu nha\ rbah. Tu\ do, [òn mìng gam 29 hìu  rbah (khà ờ hềt tus 3%) mờ pah nam sra\ mat hìu  rbah do geh rhời êt  te\. Đơs bè ồng bèp Minh, làng bol tàm [òn M’Duk, bulah la cau Yuan hala cau Rơđê, kung drờm ai go\ bơta pin dờ`, sền ngềr. Mò Nguyễn Thị Nguyệt, dùl na\ cau kis tàm [òn M’Duk, đơs:“Bèp Minh dong ua\ ngan làng bol kòn cau, dong kờl càn pria\ nàng dong cau rbah mờ  dong làng bol tàm [òn rbah lik klàs mờ rbah. Wa geh ta\ pơ gồp nàng lơh 5 nơm hìu nùs nhơm. Ala\ sau geh rài kis kal ke, ờ geh broa\ lơh wa geh dong tơl bơta nàng dong geh broa\ lơh. Hơ\ la dùl bơta chờ ngan,  chờ ngan geh  tìp dùl na\ cau chài atbồ bè wa”.

Ồng Y Siu Bya\  tus còp lăp làng bol

            Mè Bích, đơs bè ồng bèp Minh:“Bèp Minh dong kờl  [òn lơgar ua\ ngan, dong kờl cau rbah mờ  dong làng bol tàm [òn bơtàu tơnguh lơh  broa\ sa. Bơh  bơr đơs,  bơto bơtê làng bol tàm [òn drờm lơh jat, bè ồng bơto bơtê làng bol sang ala\ bơhìan ờ niam tàm  bau kòn, tàm rài kis pah ngai, kis di adat boh lam bơh dà lơgar”.

            Đơs bè bơnga\ bơh ồng Bèp Minh tus mờ [òn làng,  ồng Y Sêr Mlô kuang jat jơng atbồ anih duh broa\ làng bol sơnah [òn Ea Tam, [òn dờng Buôn Ma Thuột, càr Daklak, đơs:“Ồng Y Siu Bya\ la dùl cau atbồ [òn nhap nhar mờ lơh broa\ jơh nùs, mơ kung la cau geh bơnga\ pin dờ` neh geh làng bol pồ bơh ua\ nam do. Mờ bơnga\ la atbồ [òn, cau geh bơnga\ pin dờ` mờ la atbồ mpồl cau kra [òn, ồng neh nhap nhar ngan lam sồr làng bol lơh jat niam ala\ gùng dà broa\ lơh bơh Đảng mờ adat boh lam bơh dà lơgar”.

            Ala\ ta\ pơ gồp bơh bèp Minh neh pơ gồp lơh geh bơta tam klac dờng gùt jơi bơtìan, mut lơh ala\ srơh pơr lòng kờ` gơboh dà lơgar,  chồl geh  bơta bơtàu tơngguh tơl gah bơh [òn M’Duk. Gơtùi đơs ồng bèp Minh la dùl cau lam lài ngan bơh cau Rơđê, bơta pơnyờ sa\ bơh làng bol [òn M’Duk.

                             Cau cih mờ yal tơnggit K’ Brọp