VOV4.K’ho - Jơh bơsram đại học, jơnau di ngan la jòi broa\ lơh nàng  ba` lơh broa\ jơng tê, Y Linh Niê deh nam 1988 cau Rơđê kis tàm [òn 4, thị trấn Ea Pôch, kơnhoàl Cư\ Mgar, Daklak geh rwah broa\ ơm wơl mờ [òn lơgar  nàng tam bơkàu, tam kơphe nàng bơtàu tơngguh lơh sa hìu nha\. Tơnơ\ ua\ dơ\ tam bơkàu ờ geh cồng nha, mờ ơnà sa\ la lơh kràn ngan, jak ngan bơsram, bi neh lơh geh cồng nha mờ broa\ tam bơkàu cúc cèng wơl cồng nha lơh sa jơnhua.  Y Linh Niê la dùl tàm ala\ cau lam lài  ơruh pơnu pơnrơ ngan bơh càr Daklak pơnỳơ sa\ ngan geh tus bal pơrjum ơruh pơnu gơguh jak lơh jat jơnau Bác Hồ bơto gùt lơgar dơ\ IV pa geh bơyai lơh tàm Hà Nội.

            Đơs bè bơta bơh tài geh tam bơkàu, Y Linh boh bơr, nam 2011, tơnơ\ jơh bơsram gah Giáo dục-Chính trị, Hìu bơsram dờng Tây Nguyên, tàm tu\ tơngai kơp den geh broa\, bi neh ngui ba\ ù hìu nha\ nàng tam bơkàu cúc tác tàm tu\ sa tềp. Bơh ờ hềt  mờng sơng ka sền gàr, den tàng bơkàu bi tam gơbàn kòp, tu sa,   tờm bơkàu gơs niam mờ gơ ờ lì bơkàu.

            Ờ sang broa\, bi geh bơcri tam tai bơkàu cúc, mờ sùm 3 kàl pơnjat tai ờ geh cồng nha, jơh pria\ jền. Ờ kong mờ bơta ờ geh cồng, bi neh lòt tus [òn dờng Dà Làc, càr Lâm Đồng nàng bơsram bơta chài, mờ càn pria\ lơh broa\ sa 20 tơlak pria\ bơh mpồl tam klac ơruh pơnu kơnhoàl Cư\ Mgar, gam pơnjat tai bơcri tam bơkàu cúc. Mìng tơnơ\ 2 kàl tam bơkàu geh cồng nha niam, bi neh gơ sal wơl pria\ neh tuh lơh. Mờ  bơta  kờ` ngan tam bơkàu neh gơ gơs la gùng bơtàu  tơnguh lơh sa hìu nha\. Bi Y Linh ai git:“A` lơh ngan geh tam tai dơ\ 4 mờ neh  tam  geh tơnhàu niam mờ geh cồng jơnhua, den tàng a` geh tam  rề ơnàng ua\ rlau tai. Broa\ tam bơkàu cúc, kal ke ngan  la bè trồ tiah  nisơna, ngan la tàm nhai mìu, kan bè sơntìl,  tài ù tàm Daklak ờ di bè Dà Làc. Kờ` tam geh bơkàu do den pal jòi ba\ ù di pal, geh bè hơ\ hơ\ sồng gơtùi tam geh. Tus nam, a` geh lơh ngan lơh hìu krơh geh ngui tam bơkàu jat công nghệ  cao nàng tơmù bơta gơbàn aniai kơp kờ` geh cèng geh ua\ cồng nha jơnhua rlau”.

            Tu\ do,  tàm ba\ ù di 3 sào,  Y Linh tam bơkàu cúc jat broa\ lơh bè pồt bềl, gơ lơh bè nhai lơi bi kung geh bơkàu tac. Mờ pria\ di 1.500 đong dùl  ntê bơkàu mờ 15 rbô dùl cap, bơkàu cúc neh cèng geh hìu nha\ in sùm geh pria\ mờ drờm geh pria\ hìu nha\ dê. Bi neh ờng is bơkàu cúc nàng tơmù bà pria\ geh blơi sơntìl bơh Dà Làc. bal mờ broa\ tam bơkàu cúc, bi ròng 3 nơm kơnrồ deh kòn, geh ngui ala\ ngòng  bơkàu cúc, rơhe tàm [òn lơgar nàng jơm glòm lơh phơng hữu cơ vi sinh geh ngui nàng sơng ka bơkàu mờ  rlau 2  sào kơphe. Broa\ lơh do geh trơ gùm bal mờ tam chi  ròng phan pah nam geh lơh bi in pria\ geh mờr 400 tơlak pria\  tơnơ\ kờp jơh ala\ pria\ tuh lơh. Broa\ lơh do kung neh dong broa\ lơh sùm ai tus 2 na\  cau tàm [òn  pria\ geh dùl nhai la 3 tơlak pria\ dùl na\ cau.

            La cau sơnrờp tàm [òn tam bơkàu cúc geh ua\ pria\,  Y Linh gam lơh ngan geh pơlam bơta chài dong ơruh pơnu lơh ua\ broa\ lơh do, pơ gồp bal bơtàu tơngguh lơh sa mpồl bơtìan tàm kơnhoàl. Lo\ H’ Băn Êban, Pho\ bi\ thư mpồl ơruh pơnu thị trâ\n Ea Pôch, kơnhoàl Cư\ M’gar, đơs:“Y Linh  tam geh bơkàu cúc, kơnờm mờ ơnà tơryang tơrỳông lơh ngan bơsram, bi neh lơh geh cồng nha mờ bơtàu tơngguh lơh sa niam. Dơ\ do bi  gam  jòi  git bơh tàm internet mờ lòt  jòi wa\ bơh ala\ tiah ndai  kờ` tam bơkàu jat broa\ lơh công nghệ cao. Geh kơnhoàl đơs niam  bè broa\ lơh do, Y Linh la cau lam lài nàng ơruh pơnu tàm [òn lơgar lơh jat mờ dong tơl bơta kờ` ờ ua\ ơruh pơnu lơh sa gàr niam  rài kis”.

            Y Linh Niê la dùl tàm 36 na\ ơruh pơnu pơnrơ ngan geh mpồl ơruh pơnu Cộng sản Hồ Chí Minh càr Daklak jờng tàm nam 2016. Bi kung  geh chờ ngan geh  rwah la cau lòt pơrjum ơruh pơnu gơguh jak lơh jat jơnau Bác Hồ bơto sồr gùt lơgar dơ\ IV geh bơyai lơh tàm Hà Nội tu\ gùl nam do. Y Linh boh bơr, broa\ lơh bi dê mìng lơh geh ala\ cồng nha bơh sơnrờp. Drà ka\ bro bơkàu tàm kơnhoàl mờ [òn dờng Buôn Ma Thuột gam ua\ ngan.  Y Linh kơp kờ` bơtàu tơngguh broa\ tam bơkàu ơnàng rlau, tam bơkàu tàm hìu  krơh, lơh pas tus hìu nha\ mờ dong kờl tai ua\ ơruh pơnu kung lơh jat bal.

                             Cau  cih mờ yal tơnggit K’ Brọp