VOV4.K’ho- Drim òr (28/06), Phó Chủ tịch UBND càr ồng Nguyễn Hữu Tháp neh lòt sền mùl màl bơta kòp croañ nha bùm blàng tàm xã Đăk Năng, ƀòn dờng Kon Tum.

 Phó Chủ tịch UBND càr Kon Tum lòt sền mùl màl kòp croañ nha bùm blàng gơtìp tàm càr do

Tàm ƀòn dờng Kon Tum gơtìp kòp croañ nha bùm blàng, mờ bă ù ơnàng di pơgăp 187 lồ, tàm 7 xã, sơnah ƀòn. Xã Đăk Năng là tiah geh bă ù gơtìp kòp uă ngan mờ 140 lồ, tàm hơ̆ 3 lồ gơtìp jroă ngan mờ khà kòp rơlao 70%. Geh gĭt, do là kòp geh sền tài virus lơh gơtìp, gơtờp mhar.

Bơh broă sền gròi mùl màl, Phó Chủ tịch UBND càr Kon Tum ồng Nguyễn Hữu Tháp sồr Sở NN mờ PTNT bal mờ ală anih lơh broă tờm dong kờl làng bol bơsong, kơrian kòp croañ nha bùm blàng. Gơwèt mờ bă ù gơtìp uă pal rồ tơ̆p pơrgŭc di jăt mờ broă lơh, gơwèt mờ bă ù gơtìp di mơ, bơyai lơh dus ală tờm gơtìp kòp, tơ̆p pơrgŭc nàng tơmù gơtòp kòp.

Cau mblàng Ndong Brawl