VOV4.K’ho- Nàng chồl pràn bơtàu tơnguh lơh sa suơn sre hữu cơ, bơdìh mờ ală broă lơh dong kờl bè sơntìl, bơta chài, bơt bơtàu broă lơh lài, Lâm Đồng gam dong kờl ală mpồl lơh gơlik phan bơh suơn sre hữu cơ priă jền hòi jà kă bro.

Jat hơ̆, kes priă dà lơgar dong kờl 50% priă tă lơh bơt bơtàu mat kă bro, mat phan lơh gơs bơh broă lơh sa suơn sre hữu cơ mờ khà dong kờl uă ngan rlau jơh là ờ uă rlau 25 tơlak đông tàm 1 mpồl. Bơdìh hơ̆ tai, kung dong kờl 50% priă nàng ală mpồl lơh sa kă bro, cau dùl nă să tus bal drà ràng tơlik tàm lơgar, geh priă pơndiang phan bơna, priă ơpah anih ràng phan mờ khà dong kờl uă ngan rlau jơh ờ uă rlau 25 tơlak đông ai dơ̆ tus bal tàm 1 nam. Mờ bơta dong kờl do geh dong ală mpồl jơh nùs bơt bơtàu mat phan bơna, yal tơnggit phan lơh gơs, bơh hơ̆ lơh gơlik tŭ niam mut tàm drà kă bro tac phan, đơs nền mat kă bro mờ tơnguh bơta kuơ tàm pơrlòng ai phan lơh gơs bơh suơn sre hữu cơ càr Lâm Đồng in.

Cau mblàng K’Duẩn