VOV4.K’ho - Sở Nông nghiệp mờ Phát triển Nông thôn càr Lâm Đồng pa tơlĭk kơrnoăt dong kờl rơlao 1 tơmàn 300 tơlăk đong ai 64 anih lơh sa hìu nhă, cau dùl nă să, mpồl lơh sa, lơh broă ală bơta phan geh lơh bơh broă lơh sa suơn sre, phan tàm dà jăt kơrnoăt lơh jăt broă lơh sa suơn sre niam bơh Bộ Nông nghiệp mờ Phát triển Nông thôn ai tơlĭk (VietGAP).

Tàm hơ̆, geh bal ală khà priă tă sền gròi, sền nàng gĭt, ai sră dờp VietGAP dơ̆ sơnrờp; mblàng ù, dà, phan geh lơh; ơpah mpồl pơlam kỹ thuật bơto, bơsram tàp kuang bàng atbồ, cau lơh broă tàm anih lơh broă jăt broă lơh VietGAP. Bơdìh hơ̆ tai, Sở Nông nghiệp mờ Phát triển Nông thôn càr Lâm Đồng gam tă rơlao 20 tơlăk đong priă sền gròi, sền nàng gĭt broă lơh jăt kơrnoăt VietGAP dê.

Cau mblàng Ndong Brawl