VOV4.K’ho- Lâm Đồng tŭ do geh 5 phan bơna ròng phan geh lơh bal jat ală anih lơh sa geh kuơ, tàm hơ̆ geh: anih lơh bal tăc phan bơna dà toh lơh gơlik phan, anih lơh bal ròng sur, anih lơh bal ròng iar, anih lơh bal ròng kơnrồ poăc mờ anih lơh bal lơh sa tăc rơsòn tu.

Nàng bơtàu tơnguh broă lơh ală anih lơh bal tàm broă ròng phan, lơh gơlik phan mờ tàm tơrƀŏ drà kă bro, càr Lâm Đồng neh ai tơl bơta ƀuơn nàng ală mpồl cau, cau dùl nă să is, ală mpồl lơh sa kă bro lơh gơlik phan tăc phan lơh geh bơh phan poan jơng, iar, ơda geh kĭ tơn gàr niam broă tăc mờ ală suơn ròng dờng, hìu bơnhă ròng phan bè: broă lơh lơh broă bal ròng kơnrồ poăc cao sản pơgồp bal mờ tăc phan bơna bơh Hợp tác xã Võ Thị Xoan lơh bal mờ 60 hìu bơnhă, geh 600 nơm, khà 200 tấn ờ hềt lơh poăc dùl nam. Công ty TNHH Ba Minh lơh bal tam tờm zơu pơgồp bal mờ tăc phan lơh geh bơh rơsòn tu dê bal mờ 50 hìu bơnhă (tàm kơnhoàl Lâm Hà, Đức Trọng, Dam Rông), bă ù 23 lồ tờm zơu ròng 1 rơbô hộp tăp tu sơn tìl, khà tơnhào 40 tấn rơsòn tu dùl nam, 100% phan lơh bơh bơh rơsòn tu bơh ală hìu bơnhă tus bal lơh bal dê geh tăc bè ờs, kơ̆ kơl jap bơh sră pơgon blơi phan dê.

Cau mblàng K’Hạnh