VOV4.K’ho- Tơnơ̆ dùl tŭ tơngai jŏ jòng gơmù khà priă, khà priă rơsòn tu ruồi brài tàm càr Lâm Đồng neh gơguh wơl, làng bol tam zơu ròng tu chờ hờp ngan, iang nùs bơcri priă lơh sa. Lồi nam 2020, khà priă rơsòn tu ruồi brài tàm càr Lâm Đồng tac mờ khà priă bơh 110 tus 120 rbô đong tàm 1 kĭ, mơya tus tŭ do, khà priă rơsòn tu ruồi brài gơguh tus 180 rbô đong tàm 1 kĭ.

Bơh jơnau yal bơh 2, 3 mpồl lơh sa kă bro ruồi brài, tac hờ lơgar ndai rơsòn tu tàm càr pà git, khà priă rơsòn tu ruồi brài gơguh wơl là tài drà kă bro tac hờ lơgar ndai che brài geh ală bơtàu tơnguh. Ờ uă lơgar neh geh tŭ pờ mpồng wơl drà kă bro tac hờ lơgar ndai, ală mpồl lơh sa kă bro tàm càr kung geh ală sră pơrgon tac hờ lơgar ndai uă ngan...

Broă khà priă rơsòn tu ruồi brài gơguh jơnhua, dong cau lơh broă sa iang nùs bơcri priă lơh sa, rề ơnàng bă ù tam zơu ròng tu, dong lơh sa hìu bơnhă bơtàu tơnguh. Tàm càr Lâm Đồng tŭ do geh mờr 15 rbô hìu bơnhă làng bol tam zơu ròng tu, tam geh rlau 8 rbô 700 lồ zơu ròng tu, geh 70% bă ù tam zơu ròng tu gùt lơgar.

Cau mblàng K’Duẩn