VOV4.K’ho - Tơnơ\ 5 nam mut lơh broa\ lơh bơt bơtàu [òn lơgar pa, kơnờm broa\ lơh lam sôr di mờ di pal, làng bol kơnhoàl Dam Rông, càr Lâm Đồng neh tam gơl git wa\, geh lơh lài tus bal ta\ pơ gồp bơh tàm bơt bơtàu [òn lơgar pa, geh lơh muh mat [òn lơgar tàm kơnhoàl Dam Rông neh geh ala\ tam gơl niam,  rài kis phan bơna,  nùs nhơm bơh làng bol [òn lơgar rhời neh geh lơh niam.

            Kơnhoàl Dam Rông, càr Lâm Đồng geh 8 ntum, drờm la tiah sar lơgar ngài, mờ di 73% la  làng bol kòn cau, rài kis lơh broa\ sa mpồl bơtìan, git sra\ bơh làng bol sền bal gam lơyah pơndrờm mờ  drờm bal  bơh càr Lâm Đồng, kung bè gùt lơgar. Den tàng ngan, trơgùm bơta pràn ta\  pơ gồp bơt bơtàu [òn lơgar pa la dùl bơta kal ke ngan tus mờ kơnhoàl. Wa\ geh bơta do,  gah lam sồr kơnhoàl Đam Rông,  geh dong broa\ bơh mpồl lơh broa\ sùm đơng lam đảng kơnhoàl, anih duh broa\ rơndap broa\ lơh mut lơh mờ crơng gơs mpồl lơh broa\  chài lam sồr srơh bơt bơtàu [òn lơgar pa. Pơnjat hơ\,  gah lam sồr  ala\ kơna\ neh  bal mờ Gah tề lam gùng dra\ bal, ala\ mpồl  bơtìan, ala\ gah sơnah, ala\ gah lơh ngan mblàng pơlam tơnggu me, broa\ lơh, pơrya broa\ lơh bơh broa\ bơt bơtàu [òn lơgar pa, bơh ala\ broa\ lơh pơrjum geh lơh bal cri bơyai tàm ala\ [òn, ala\ mpồl bơtìan, ala\ broa\  lơh pờ tơlik jơnau đơs tàm [òn lơgar, lơh geh ala\ panô, áp phich, ala\ băng rôn, jơnau sơnđan mblàng, jơnau yal tơnggit trờn…Tàm hơ\,  geh sền kuơ mblàng pơlam dờng ơnàng ala\ tơnggu me ngan ngồn bè tam gơl chi tam phan ròng, geh ngui bơta jak chài pa tàm broa\ lơh sa, lơh geh rài kis pa chài rgơi,  gàr niam bơhìan chài rgơi, bơhìan niam bơne\ tàm làng bol kòn cau,  ala\ broa\ lơh niam, ala\ broa\ lơh pa tàm bơt bơtàu [òn lơgar pa, nàng geh lơh geh bơta gơ rềng tàm  làng bol mpồl bơtìan. Bơh hơ\,  geh lơh gơ guh srơh pơr lòng “At tê bal bơt bơtàu [òn lơgar pa” tàm ala\  kơna\, ala\ gah sơnah lơh broa\ kơnhoàl dê.

            Bơh ala\ srơh pơr lòng “Chài lam sồr” tàm bơt bơtàu [òn lơgar pa, neh gơlik geh slơ ngai slơ ua\ ngan  broa\ lơh  chài,  broa\ lơh niam. Tus tu\ do,  tàm gùt kơnhoàl neh lơh geh 358 broa\ lơh tàm   ala\ gah lơh sa, tàm hơ\ geh 240 broa\ lơh la lơh sa, 53 broa\ lơh la gah chài rgơi mpồl bơtìan…Bơh geh lòt sền, sền wơl.  Gah lam sồr kơnhoàl neh dong broa\ tus gah đơng lam Đảng kơnhoàl,  dờp 17 broa\ lơh cèng geh cồng nha dờng màng tàm rài kis lơh sa, mpồl bơtìan, nàng geh tơlik  bơta mờng,  lơh broa\ ua\, lơh geh gơ rề ơnàng tus jơh tàm mpồl bơtìan.

            Bơta pal đơs ngan la, mờ broa\ lơh gơ rềng ơnàng broa\ lơh niam, broa\ lơh pa tàm srơh pơr lòng “Chài lam sồr” tàm bơt bơtàu [òn lơgar pa. neh gơ dờp niam ngan tus làng bol, den tàng neh gơ hòi ngan làng bol tus bal bơt bơtàu [òn lơgar pa, mờ broa\  lơh ngan ngồn, geh cồng nha. Bè, mìng tàm 2 nam (bơh 2012-2013) neh geh rlau 12 rbô na\  hìu nha\ làng bol ta\ pơ gồp rlau 445 tơlak pria\, mờr 5.500 ngai lơh broa\ mờ geh ai rlau 300 rbô thơt kơnre ù nàng lơh gùng lòt tàm [òn, lơh geh rbòng dà, ala\ broa\ lơh kuơ mpồl bơtìan. Kơnờm bơh hơ\, kơnhoàl Dam Rông   ờ mìng la kơnhoàl geh broa\ lơh lik klàs rbah  mhar,  kơljap ngan rlau jơh  tàm 62 kơnhoàl 30a bơh gùt lơgar, mờ gam lơh geh cồng nha niam tàm bơt bơtàu [òn lơgar pa. Nền nòn, tus tu\ do,  bal mờ ntum Dà R’Sal neh bơh sơnrờp lơh geh 19 tàm 19 broa\ lơh bơt bơtàu [òn lơgar pa, gam geh 2 ntum la Dà Tông, Romen, neh lơh geh 13 tàm 19 broa\ jàu lơh, 1 ntum Phi Liêng  lơh geh 10 tàm 19 broa\ lơh, 3 ntum la Dà Mrông, Liêng Srônh, Dà K’ Nàng lơh geh 8 tus 9 tàm 19 broa\ jàu, 1 ntum Dà Long lơh geh 6  tàm 19 broa\ lơh bè bơt bơtàu [òn lơgar pa. Do la cồng nha geh cih ai go\ ngan bơh srơh pơr lòng “Chài lam sồr” tàm bơt bơtàu [òn lơgar pa tàm kơnhoàl Dam Rông.

                   Cau cih mờ yal tơnggit K’ Brọp