VOV4.K’ho – Kơnờm brồ guh bơta pràn mpồl tam klac dờng jơi bơtiàn, mut lơh geh cồng nha srơh sơmbat tê bal bơt bơtàu [òn lơgar pa, rài kis lơh sa bơh làng bol xã Ka Đô, kơnhoàl Đơn Dương, càr Lâm Đồng neh bơtàu tơnguh pràn ngan. Ka Đô tu\ do là xã  geh khà hìu nhă r[ah lơyah ngan rlau jơh mờ geh khà priă lơh geh kờp bal tàm dùl nă cau uă ngan rlau jơh bơh kơnhoàl Đơn Dương dê, là kơnhoàl sơn rờp tàm Tây Nguyên geh khà tơl [òn lơgar pa. Sơnam pa do, làng bol kòn cau K’ho bal mờ làng bol tàm gùt xã Ka Đô gam wă rò dùl sa tềp hờm ram, wil tơl mờ gơboh gơbài, chờ hờp:

Bi Ha Ki, kòn cau K’ho ơm tàm [òn Ta Luy 2, xã Ka Đô, kơnhoàl Đơn Dương, càr Lâm Đồng chờ hờp yal: Nam do, hìu nhă bi sa tềp chờ hờp ngan, tài lơh sa bơtàu tơnguh đau, ờ mìng tơm jơh priă dồs càn anih priă jền dê, mờ gam prap tềm pềr nàng pơnjat tai bơcri priă, rề ơnàng lơh sa. Bi pà git, gơtùi geh cồng nha do là kơnờm hìu hă neh khin cha sang broă lơh sa ờs mờng nàng mut lơh sa suơn sre jat công nghệ cao. Mìng mờ 5 sàu biap, tam tàm pơdar, mut ngui bơta chài lơh broă pa, nam pa do, kờp jơh priă bơcri lơh broă sa den hìu nhă bi geh cồng rlau 100 tơlak priă. Bi Ha Ki yal, ờ mìng is hìu nhă bi, mờ jơh ală làng bol tàm do neh git lơh sa suơn sre ai cồng nha lơh sa uă. Bi đơs: “Lài do, hìu nhă mìng git lơh kòi, tam tơ ngời den tàng rài kis lơh sa gơtìp uă ngan kal ke. Bơh ngai tam gơl nàng tam biap, mut ngui ală bơta gơguh jak tàm chài lơh broă tam pơdar den rài kis hơ\ sồng hời rơ hời tơl niam. Ngan là bơh tu\ dà lơgar sền gròi mut lơh broă lơh bơt bơtàu [òn lơgar pa, gùng lòt geh bơcri lơh niam, lòt rê [uơn [ùai, broă lơh sa làng bol dê [uơn ngan, priă lơh geh gơguh uă rlau mờ lài do.”

Jat ồng Ya Min, Bí thư chi bộ [òn Ta Luy 1, xã Ka Đô, kơnhoàl Đơn Dương, bơh tu\ srơh sơmbat tê bal bơt bơtàu [òn lơgar pa geh lam lơh, git wă tàm bơta sơnơng, broă lơh bơh làng bol dê neh tam gơl loh làng ngan. Bơdìh mờ broă bơtàu tơnguh lơh sa, lơh ngan mut ngui gơguh jak khoa học kỹ thuật tàm broă lơh sa nàng brồ guh lik klàs r[ah, tam gơl rài kis, den ală tìs tàm mpồl bơtiàn, bơhìan bơrngơl gơla kung hời rơ hời geh sang sơbì, nùs nhơm tam klac bal tàm [òn lơgar ngai sơlơ bơtàu tơnguh, mpồl tam klac dờng jơi bơtìan ngai sơlơ rềp mềl. Ồng Ya Min pà git: “Bơh ngai mut ngui gơguh jak khoa học kỹ thuật tàm broă lơh sa, tam gơl chi tam, rài kis làng bol dê neh bơtàu tơnguh rlau mờ lài do uă ngan. Lài do, gùt [òn geh rlau 40 hìu nhă r[ah den tu\ do mìng gam 8 hìu nhă r[ah. Broă bơt bơtàu [òn lơgar pa kung [uơn [ùai ngan, bơh lam sồr den tơl nă làng bol ndrờm lơh jat jơh nùs ngan, tus bal tă pơgồp bơta pràn nàng bal mờ gơp sơmbat tê bal mut lơh ală srơh geh cồng nha jơnhua rlau.”

Ka Đô là dùl tàm ală xã lam lài geh càr Lâm Đồng rơwah nàng lam lơh broă lơh bơt bơtàu [òn lơgar pa tàm nam 2010. Kơnờm sơmbat tê bal, dùl nùs bal bơh làng bol dê, mờ bơta pràn is he dê, tus lồi nam 2014, Ka Đô neh brồ guh lơh jơh 19 broă lơh bơt bơtàu [òn lơgar pa. Tus tu\ do, phan bơna xã dê neh geh lơh sir, drơng niam jơnau kờ` bơtàu tơnguh lơh sa - mpồl bơtiàn bơh [òn lơgar dê.

Tu\ do, 85% bă ù lơh sa suơn sre Ka Đô dê neh geh bơcri mut lơh jat rơndap broă lơh sa suơn sre công nghệ cao, geh ngui hìu krơh, hìu jàl, jơm bàk mờ geh ròt mai\ [ồm dà is. Cồng nha lơh sa tàm dùl bă ù kờp bal geh bơh 150 tơlak tus 200 tơlak tàm dùl nam, mìng is geh ală broă lơh geh rlau 500 tơlak priă. Kơ nờm bơh hơ\, nam do, xã Ka Đô neh tơnguh priă lơh geh tàm dùl nă cau tus 58 tơlak priă, khà hìu nhă r[ah mìng gam 1,33%.

Mò Lê Thị Bích Thuỷ, Phó chủ tịch Ủy ban nhân dân xã Ka Đô, kơnhoàl Đơn Dương đơs là, lơh geh cồng nha do là dùl bơta lơh ngan tơl làm bơh mpồl Đảng, gơ noar atbồ mờ làng bol ală kòn cau tàm xã. Tàm hơ\, broă ai làng bol lơh tờm geh sền gròi mờ bơtàu tơnguh. Mò pà git: “Bơta bơh sơn rờp là bol a` jat nghị quyết mờ kơnờm tàm pràn jak nàng bol a` mut lơh. Lơh bè lơi ală nghị quyết pal ngan ngồn, di mờ bơta geh ngan bơh làng bol dê. Bal mờ hơ\, bol a` sùm git bơta kơp kờ` dipal bơh làng bol dê hơ\ sồng ai di tu\. Tài broă mờ bol he lơh jơh niam làh ờ den ndrờm ai làng bol lơh tờm, mờ tu\ làng bol neh pin dờn tàm Đảng, tàm dà lơgar den tơl broă ndrờm geh cồng nha.”

Đơn Dương là bùng bi lam lài tàm drơh bơt bơtàu [òn lơgar pa tàm 5 càr Tây Nguyên, kơnhoàl [òn lơgar pa sơn rờp bơh Tây Nguyên dê. Tàm hơ\ Ka Đô là xã lam lài bơh kơnhoàl dê tàm srơh do. Mờ ală cồng nha neh lơh geh, bal mờ bơta dùl nùs bal brồ guh, mut tàm sơnam pa, ngan là rài kis làng bol ală kòn cau tàm Ka Đô ngai sơlơ hờm ram, gơboh gơbài mờ chờ hờp.

            Cau cih mờ yal tơnggit K’Duẩn