VOV4.K’ho- Tơnơ̆ 13 nam lơh jat Nghị quyết sồ 26 mờ Quyết định sồ 899 bơh Thủ tướng Chính phủ dê kĭ ring bal Rơndap broă lơh rơndap tap sèng wơl gah lơh sa suơn sre; gah lơh sa suơn sre càr Lâm Đồng neh geh bơta tam gơl loh làng ngan, lơh geh jơnau kờñ gơguh lơh sa jơnhoa rlau mờ bơta kờp bal gùt lơgar dê.

Gùt càr neh tam gơl pơgap 125 rơbô lồ phan tam ală bơta; uă broă lơh tam tàm pơdar, tam tàm bơrlŭ bal, geh cồng nha lơh sa uă. Tus tŭ do, geh rlau 60% bă ù kơphê geh ngui ală sơntìl bơkiar, halà sơntìl ờng mờ gar bơh tờm bơh sơnrờp geh bơta niam; geh pơgap 70% bă ù tam chi sa plai  geh cồng nha niam. Biăp, bơkào ngai sơlơ lila bè ală bơta mờ bơta niam uă, dipal mờ jơnau kờñ drà kă bro dê; lơh gơs ală tiah tam tơrgùm bal bè tờm chi tam jŏ nam, tờm chi sa plai, biăp, bơkào mờ lơh uă, di pal mờ phan lơh geh ai gah lơh sa mờ măy mok lơh gơlik phan mờ drà kă bro tăc phan in.

Cau mblàng K’Hạnh