VOV4.K’ho - Tàm broa\ lơh geh lơh bal  bơtàu tơngguh lơh broa\ sa bơh 2 lơgar Việt Nam-Nhờk, Anih lơh broa\ bal tam klac dunia lơgar Nhờk (JICA) gam lơh niam ngan dong kờl càr Lâm Đồng mut lơh broa\ lơh bơtàu tơngguh lơh broa\ sa jat gùng geh ngui  ua\ gah broa\ mờ geh lơh niam  gah bơcri tàm broa\ lơh sa. Bulah broa\ lơh pa rơp lơh mơya neh pờ geh ala\ bơta kơp kờ` pa tàm bơtàu tơngguh lơh sa-mpồl bơtìan bal  càr dê.

            Tàm tơngai lài do,  càr Lâm Đồng neh bal mờ ala\  cau jak, ala\ cau dong mblàng bơh Anih lơh  broa\ tam klac dunia lơgar Nhờk (JICA), neh bal mờ ala\ cau bơcri mờ ala\ mpồl lơh sa ka\ bro tus bơh lơgar Nhờk bơyai lơh  cri tơr`a ua\ bùi, geh trơ gùm ua\ jơnau đơs mờ geh lòt tus ring bal mut lơh broa\ lơh lơh geh broa\ lơh bơtàu tơngguh lơh broa\ sa jat  gùng ua\ gah, ua\ broa\ mờ geh lơh niam  gah bơcri tàm lơh broa\ lơh sa tàm Lâm Đồng jat broa\ lơh lơh broa\ bal tam klac dà lơgar- lơh is.

            Đah lơgar Nhờk neh ai ala\ cau jak tus bal dong broa\ mờ dong kờl càr Lâm Đồng geh ngui công nghệ pa tàm lơh sa mờ tơnơ\ jơh tơnhàu, lơh geh ròt bal lơh sa, ka\ bro mờ tơlik  tac mờ lơgar ndai, broa\ lơh la kờ` ai Dà Làc-Lâm Đồng gơs la anih tờm lơh broa\ sa suơn sre kas pria\ bơh Đông Nam Á, geh mat sơnđan lơh broa\ sa suơn sre sồ  dùl bơh Việt Nam, la anih  geh tus nhơl chờ broa\ lơh  broa\ sa lam bồ lài tàm Đông Nam Á mờ la tiah tờm ngan bơto bơtê cau lơh broa\ suơn sre khà niam tus jơh mờ ala\ lơgar rềp bal.

            Tus tu\ do,  bulah broa\ lơh mìng rơp mut lơh mơya neh geh ai go\ bơta niam,  pờ geh dùl bơta kơp kờ` pa tàm chul chồl bơtàu tơngguh lơh sa-mpồl bơtìan bơh [òn lơgar. Tàm hơ\,  broa\ lơh nhơl chờ lơh broa\ lơh sa suơn sre geh sền la broa\ lơh bơtàu tơngguh bềng bơta pràn mờ bơta kơp kờ`, bơh sơnrờp neh gơ hòi geh rlau 30 mpồl. mpồl lơh sa ka\ bro tàm Dà Làc-Lâm Đồng bơcri, ngui lơh. Ồng Nguyễn Văn Dương at bồ Kong ti TNHH Dà Làc tam biap mờ dà, mpồl tus bal broa\ lơh nhơl chờ lơh sa suơn sre tàm [òn tam bơkàu Vạn Thành, sơnah [òn 5, [òn dờng Dà Làc, đơs:“Tàm Dà Làc tu\ do,  bơtàu tơngguh  broa\ lơh broa\ sa suơn sre công  ngh cao la dùl geh gùng mờ gơ gam lơh geh pràn ngan. Do la dùl broa\ lơh tam biap mờ dà  pa jak ngan, jơh ala\ phan bơna ma\y mok lơh sa drờm geh tơmut blơi bơh lơgar cau. Ngan la ala\ công nghệ pa tàm broa\ tam biap ngui dà sùm geh ai git yal mờ mut lơh tàm  ù tiah Dà Làc. Gơ lơh geh dùl phan bơna nhơl chờ bè Dà Làc mờ cau nac tus tàm do geh wa\ geh mbè lơi la broa\ lơh sa suơn sre công nghê cao”.

            Jat ồng Nguyễn Văn Sơn atbồ Gah nông nghiệp mờ phát triển  nông thôn càr Lâm Đồng, bơdĩh mờ nhơl chờ lơh broa\ sa suơn sre neh geh bơta  mòn gơs mờ gam rhời  bơtàu tơngguh,  bơta kuơ mờ khà niam bơh ala\ phan bơna broa\ lơh sa suơn sre cồng nghệ cao Lâm Đồng  dê kung sùm geh bơtàu tơngguh ua\ ngan:“Tu\ do, bol a` mut lơh niam ngan broa\ bơtàu tơngguh broa\ lơh sa suơn sre công nghệ cao, cồng nha geh mờ bơta kuơ geh. Bulah bè hơ\, gam ờ ua\ bơta gam gơbàn, gơ kòl, hơ\ la bơt  lơh sa,  bơyai lơh sa mờ  lơh geh mat sơnđan phan lơh geh,  bơtàu tơngguh mat phan lơh geh la tờm ngan bơh Lâm Đồng, ngan la biap, bơkàu mìng Dà Làc lơm geh gam geh ờ ua\ bơta ờ niam... den  broa\ lơh  do geh bơsong geh ua\ bơta mờ a` pa đơs. Hơ\ la lơh geh bơta bơr koat bal bơh cau lơh sa mờ cau lơh sa, bơh cau lơh sa mờ mpồl lơh sa ka\ bro nàng lơh geh khà niam phan dờng, ring bal  bè khà mờ tơl khà nàng tơlik  tac mờ lơgar cau”.

            Ai bơh broa\ lơh bal bơh Lâm Đồng mờ Anih lơh broa\ bal dunia lơgar Nhờk (JICA), slơ ngai slơ geh ua\ ngan ala\ mpồl lơh sa ka\ bro bơh lơgar Nhờk tus Lâm Đồng nàng jòi geh  bơcri lơh sa. Kờp tus tu\ do,  neh geh 11 broa\ lơh bơh ala\ cau bơcri lơh sa bơh lơgar Nhờk bơcri tàm Lâm Đồng, mờ kờp jơh pria\ dan cih mat lơh sa tus rlau 32 tơlak dollar Mỹ.

            Tu\ lơi mờ Lâm Đồng lơh gơs khu công nghiệp lơh sa suơn sre geh ba\ ù ơnàng rlau 300 lồ nàng pơnjat tai geh lơh di bơta kờ` ơpah ù, pờ ơnàng bơtàu tơngguh lơh broa\ sa suơn sre công nghệ cao, la ngan geh gơ hòi geh tai ua\ ngan mpồl lơh sa ka\ bro lơgar Nhờk tus bơcri tàm ù tiah bềng bơta pràn lơh sa suơn sre do.

                             Cau cih mờ yal tơnggit K’ Brọp