VOV4.K’ho - Kờ` dong oh mi cau ùr kòn cau lik klàs rbah, brồ guh lơh pas, tàm ala\ nam do, mpồl tam klac cau ùr ntum Tân Cảnh, kơnhoàl Đak Tô, càr Kon Tum geh lam lơh ua\ ngan broa\ lơh pơr lòng lơh sa, bơtàu tơngguh lơh sa hìu nha\. Bơh broa\ lơh do, ua\ hìu nha\ ờ mìng lik klàs rbah, mờ gam  gơ gơs ala\ cau geh pria\ tơlik, tơmàn pa tàm [òn lơgar mờ pria\ geh pah nam tus rlau rhiang tơlak pria\. Lo\ Y Xiâ atbồ mpồl cau ùr [òn  Đak Ri Yôp la dùl cau pơnrơ bè hơ\.  Ờ mìng lơh pas is tus sa\ tờm mờ lo\ gam lơh niam broa\ lơh lam sồr  làng bol tàm [òn geh lơh ngan  bal pơr lòng lơh broa\ sa, rài kis slơ ngai slơ bơtàu tơngguh jơnhua  rlau. Tơnơ\ do, bol a` geh jơnau lìp tus mờ lo\ Y Xiâ, bè bơta lơh pas lo\ dê.

            -Niam sa\ lo\ Y Xiâ ! Geh git, hìu nha\ lo\ la dùl tàm ala\ hìu nha\ bơh [òn neh lơh geh cồng nha mờ ala\ broa\ lơh  tam ua\ chi tam jo\ sơnam, geh lơh bal mờ ròng phan, gơ geh ai geh  rhiang tơlak pria\ dùl nam. Bơh la dùl hìu nha\ kal ke, rbah, lo\ neh lơh broa\ lơi nàng sơrlèt kal ke brồ guh lơh pas ai tus hìu nha\?

            Lo\ Y Xiâ: Lài do,  rài kis hìu nha\ a` rbah  ngan,  piang ờ geh sào, ào ờ  tơl soh. A` sùm sơnơng, sơnơng  ngan tàm ua\ nam lơh bè lơi càn geh pria\ nàng hìu nha\ a` geh tơl bơta blơi sơntìl chi tam, phan ròng kờ` bơtàu tơngguh lơh sa. Bơh Mpồl tam klac cau ùr ntum lơh sra\, a` geh càn pria\ blơi sơntìl cao su nàng tam. Mờ, pah nhai a` geh lòt bơsram dùl dơ\, cau kuang bơto pơlam broa\ lơh sa càr geh tus pờ ơdu\ pơlam bơta chài tam cao su,  tam kòi sre mờ ròng phan. Bơh dơ\ bơto pơlam, sa\ tờm a` neh git geh mờ lơh jat geh cồng nha ngan tàm lơh sa. Tu\ do, hìu nha\ a` geh 3 lồ cao su,  1 lồ bời lời, 5 sào sre lơh kòi mờ 3 lồ ù tam bùm blàng. Bal mờ hơ\,  a` gam ròng 9 nơm kơnrồ, 20 nơm iar…Pah nam kờp bal hìu nha\ a` geh rlau 100 tơlak pria\.

            -Lo\ gơtùi tam pà bơta mờng he dê nàng lơh sa geh cồng nha hơ\?

            Lo\ Y Xiâ: A` sùm geh sền jat oh mi ndai lơh broa\, go\ khi lơh sa gơtùi den a` bơsram, lơh jat di bơta di,  bơta niam khi dê.  Sa\ tờm a` lài do kung ờ hềt git broa\ lơh sa  gơguh ờ. Tơnơ\ tu\ go\ oh mi cau Yuan tam cao su, tam kơphe, bời lời…a` bơsram jat mờ đòm lơh jat bal. Mờ cao su, pah nam a` tuh  phơng 2 dơ\ nàng geh gơ dờng tờm cao su gơ ai tơnhàu ua\ bơsơt cao su.

            -{òn he ua\ nam do neh lam lơh srơh broa\  lơh tam pơr lòng bơtàu tơngguh lơh broa\ sa hìu nha\,  geh ua\ ngan hìu nha\ geh lơh jat bal. La cau atbồ mpồl  cau ùr [òn Đak Ri Yôp, lo\ neh mut lơh ala\ broa\ lơh tam pơr lòng bè lơi nàng gơ geh cồng nha ua\?

            Lo\ Y Xiâ: 3 nhai dùl  dơ\, a` geh pơrjum nàng geh yal ai tus ala\ oh mi cau ùr tàm [òn geh wa\ git bè bơta lơh broa\ sa, broa\ tam chi, broa\ lơh ròng phan  geh cồng nha. Geh yal tus oh mi cau ùr tàm [òn pơs wàs hìu đam kloh niam. Lơh nhơt,  pơs wàs sìô sia\ gùt dar, sền gàr tiah kis, sền gàr kloh niam bal tàm [òn, geh đơs mờ ala\ hìu nha\ mut lơh broa\ lơh ờ deh kòn dơ\ 3, bơto pơlam oh mi cau ùr ba` jat yàng ờ niam Hà Mòn, ala\ ngai chờ bè 8/3, bol a`  kung sùm lơh srơh broa\ lơh pơr lòng nàng gờm chờ ngai dunia cau ùr, Srơh sơndra\ jơgloh rbah mờ cau gơbàn rbah wơl kung sùm geh lơh. Dong ala\ oh mi cau ùr git broa\ lơh sa, sơrlèt gan kal ke, lơh pas, ala\ kòn sau tàm [òn drờm geh lòt bơsram,  gơ lòng sồr. Ngan ngồn geh ờ ua\ sau neh mut lòt bơsram tàm hìu bơsram  dờng…

            -Mờ ala\ hìu nha\  gam kal ke, rbah, lo\ geh dong hìu nha\ khi mờ broa\ lơh lơi mờ pal lơh bè lơi?

            Lo\ Y Xiâ: Tơngai lài,  tàm [òn geh ờ ua\ oh mi cau ùr rbah,  gam kal ke, a` ai khi in càn 1 hala 2 tơlak pria\, ai càn ờ sa cồng. A` gam ai khi in càn phe, kòi sơntìl,  sơntìl chi tam ndai. Nền nòn a` geh dong ala\ bi Y Nhát, Y Khum, Y Bít, Y Mrek, Y Đăm… Tu\ do ala\ oh mi geh a` dong drờm lơh sa  gơguh jơh. Geh kờp bal khi dê tu\ do la di tam 100 tơlak pria\.

            -Nam pa tus,  lo\ geh broa\ lơh kờp du\ lơi ai tus hìu nha\ he mờ làng bol tàm [òn ?

            Lo\ Y Xiâ: Tàm nam pa do,  a` geh tờ 2 tơnàu  ròng ka. Pơnjat tai geh bơsram  bơh ala\ oh mi ndai bè bơta chài ròng ka nàng lơh sa geh cồng nha ua\. Bal mờ hơ\,  a` geh broa\ lơh ròng ơda siam,  ròng ơda tàm  tơnau, jat a` sơnơng, hìu nha\ a` geh lơh sa gơguh rlau mờ  nam lài. Tàm nam pa do,  a` dan nting sap jơh làng bol tàm [òn đơs is, làng bol ala\ kòn cau gùt lơgar đơs bal pràn  kơldang, slơ ngai slơ git  ua\ gùng lơh sa pa, lơh sa hìu nha\ slơ ngai slơ bơtàu tơngguh. Pơnjat tai bơsram,  đòm sền broa\ lơh sa pa nàng lơh geh ua\ ngan phan bơna, ua\ rlau mờ nam lài.

            -Ưn ngài lo\ ua\ ngan.

                   Cau cih mờ yal tơnggit K’ Brọp