VOV4.K’ho - Ơ làng bol mờ gơ\p bơyô! Mờ bơta lơh ngan bơtàu tơnguh lơh sa hìu bơnhă, 2 nam sùm,  K’ Văn Viễn ơm tàm [òn 1, ntum Đông Giang, kơnhoàl Hàm Thuận Bắc, càr Bình Thuận dê lơh geh sră jờng rơ “Cau lơh broă sa lơh sa kă bro jak” tàm kơnă kơnhoàl mờ 1 nam tàm kơnă càr…Jà làng bol mờ gơ\p bơyô iat bal:

            Kis tàm ù tiah bềng bơhiàn kờn gơboh mờ dà lơgar, mơya gam uă ngan kal ke, bi K’ Văn Viễn ơm tàm [òn 1, ntum Đông Giang, kơnhoàl Hàm Thuận Bắc, càr Bình Thuận sùm kơlôi sơnơng lơh bè lơi nàng ai hìu bơnhă mờ [òn lơgar in sơlơ ngai sơlơ bơtàu tơnguh mờ pas sơm. Geh 4 lồ ù lơh broă sa sươn sre, K’Văn Viễn lòt tus mờ ală hìu lơh sa jak nàng lùp bơsram bơta mờng chài. Mờ bi neh gi\t dùl bơta là, kờn lơh geh uă tai priă jền, bơtàu tơnguh mờ tam gơl pa rài kis hìu bơnhă den pal đòm jat mờ ngui bơta jak chài pa tàm broă lơh sa, sùm tam gơl tờm chi tam nàng gơ in dipal mờ ù tiah trồ tiah tàm [òn lơgar mờ lơh geh jơnau kờn ngui sa tàm drà.

            Nam 2010, bi khin cha càn 70 tơlak priă bơh Anih priă jền lơh broă sa mờ bơtàu tơnguh [òn lơgar kơnhoàl Hàm Thuận Bắc dê nàng tam 1000 tờm kau su. Bơnah ù gam wơl, bi tam tàm bơrlu\ bal tơngời, khoah mờ rơnga 2 kàl dùl nam. Kơnờm jơh nùs lơh broă mờ bơcri priă mờ đòm jat ngui bơta jak chài pa tàm ală tu\ lơh, den tàng cồng nha lơh geh là uă ngan tàm tơl kàl lơh sa. Pah nam, priă lơh geh bơh ală chi tam là mờr 200 tơlak, tơm jơh ală priă bơcri lơh, hìu bơnhă bi gam geh priă cồng rlau 80 tơlak. Bi K’ Văn Viễn, pà gi\t: “Lơh sươn mìr, sơngka sền gàr tờm tơngời, khuah rbài, sơngka sền gàr niam den gơ ai geh priă jền sùm ai hìu bơnhă in. Lài do, bòl glar kal ke ngan, sùm mu\t tàm brê lơm jòi phan sa, tu\ do rài kis neh tơl ngui tơl sa. Bơdìh mờ tờm tơngời, tờm khuah den kung gam tam tai tờm kau su, mơya tu\ do ờ hềt tus sơnam ai tơnhàu. Gam mờr 2 nam tai hơ\ sồng tus ngai tơnhàu geh tờm kau su. Tu\ hơ\, den ngan ngồn là lơh sa hìu bơnhă dê geh tơl ngui tơl sa mờ kơ\ kơl jăp rlau”.

            Kơnờm lơh geh priă jền sùm, den tàng rài kis bơh hìu bơnhă bi dê ngai sơlơ geh tam gơl pa. Bi geh priă blơi ală phan bơna, bè rơndeh nàng lòt rê, rơdio, ti vi ai hìu bơnhă in; oh kòn geh lòt bơsram niam. Đơs bè broă lơh ngan lơh pas bơh bi dê, ồng Nguyễn Như Diễn kuang atbồ Anih duh broă làng bol ntum Đông Giang, kơnhoàl Hàm Thuận Bắc, càr Bình Thuận, đơs: “K’Văn Viễn là dùl nă klau pơnu neh bau mờ geh 2 nă kòn. Geh bơta dong kờl bơcri priă tam kau su, hơ\ sồng jat Kơrnoat sồ 41 bè dong kờl sơntìl, phơng sih nàng tam tờm tơngời sơntìl pa, hơ\ sồng bơh bơsram ơdu\ bơto pơlam bơta jak chài pa tàm broă lơh sa, den hìu bơnhă do gi\t wa\ jak chài ngan. Den tàng cồng nha lơh geh bơh tam tơngời sơntìl pa tu\ lơi kung geh uă ngan. Kờp bal cau dê lơh geh bơh 04 tus 05 tấn tàm dùl lồ, den hìu bơnhă bi Viễn là lơh geh bơh 06 tus 06 tấn mờ nggùl tàm dùl lồ. Den tàng lơh geh priă jền uă rlau pơndrờm mờ ală hìu cau ndai tàm ntum”.

            Mờ broă lơh ngan bơtàu tơnguh lơh sa hìu bơnhă, 2 nam sùm bi lơh geh sră jờng rơ “Cau lơh broă sa lơh sa kă bro jak” tàm kơnă kơnhoàl mờ 1 nam kơnă càr. Lơh sa bơtàu tơnguh, bi sền gròi uă rlau tus làng bol [òn lơgar, bơto yal wơl bơta mờng chài tam mờ bơta chài lơh sa ai làng bol tàm tiah in nàng sơrlèt gan kal ke lơh pas bal. Bal mờ bơta ngai sơlơ bơtàu tơnguh bơh Dà lơgar dê, bi K’ Văn Viễn bal mờ làng bol kòn cau tàm tiah kơh bơnơm do sùm pơnìơ să bè kơnhoàl ù tiah “Nam Sơn khin cha jak chài”, bal mờ “Tiah Lê ờ bài kờn ko\ng mờ bơta kal ke”, “Pe mum ờ tu\ lơi kờn kong mờ bơta kal ke” sùm lơh jat bơhiàn kờn gơboh mờ dà lơgar, jơh nùs ai pràn tàm pơrlòng lơh pas ai hìu bơnhă in, pơgồp bơnah lơh pas sơm bơtàu tơnguh [òn lơgar dà lơgar in.

          Cau cih mờ yal tơngi\t- Lơ Mu K’ Yến