VOV4.K’ho - Lo\ Ma En kòn cau Chru, kis tàm xã Tu Tra, kơnhòal Đơn Dương, càr Lâm Đồng la dùl  na\ cau kuang cau ùr lơh broa\ jơh nùs ngan, geh ua\ ta\ pơ gồp ngan tàm ua\ ta\ pơ gồp tus ala\  broa\ lơh srơh broa\ lơh cau ùr  tàm [òn lơgar. Lo\ la dùl tàm 14 na\ cau kuang ala mat geh pơn ỳơ sa\ ngan geh ala mat  cau ùr Lâm Đồng tus bal pơrjum cau ùr gùt lơgar gùt lơgar dơ\ 12, geh lơh tàm Hà Nội nhai 3 pa do.

Tu\ bol a` geh lùp bè jơnau lòt pơrjum tàm Hà Nội, Ma En mìng nho\ mồ` lơm: ‘’Jat a` sơnơng cồng nha ala\ broa\ lơh a` dê kung bè ờs lơm, ờ go\ di dờng nàng nàng geh yal!’’. Do la  tơngai  lơh broa\ dơ\ 2 bơh lo\ Ma En geh pồ  lơh broa\ Phó chủ tịch mpồl cau ùr xã Tu Tra mờ 5 nam do la dùl broa\ lơh bơsram ndang, lơh broa\ nang tàm broa\ lơh mpồl dê.

‘’Jơh bơsram ơdu\ 12 ơm tàm hìu, geh bau, deh kòn, kung kis drờm bè ua\ ngan cau ùr kòn cau tàm [òn. Mơya nam 2010, a` mut lơh broa\ dân quân, hơ\ sồng geh lam sồr lơh broa\ tàm mpồl cau ùr, la lơh kuang Phó chủ tịch mpồl cau ùr xã Tu Tra tus tu\ do’’-lo\ Ma En yal wơl bè hơ\.

Lo\ Ma En  ai git tai,  tàm ala\ ngai bơh sơnrờp lơh broa\ mpồl cau ùr la ala\ ngai ờ go\ tu\ lơi lo\ hiu\. Jơh ala\  bơta drờm pal geh bơsram jơh bơh sơnrờp, bơh broa\ mblàng, lam sồr oh mi cau ùr mbè lơi nàng khi pin dờ`, hơ\ sồng  tus mờ broa\ bơsram boh bơr tềng gal cau, tài sa\ tờm la dùl na\ cau ờ hoan khin, hơ\ sồng tus mờ broa\ bơsram lơh sra\ nggal, jơnau yal tơnggit...Sùm bè hơ\, lo\ sùm bơsram rhời, tơl broa\ dùl. Bơta lơi ờ git, ờ wa\ den lùp, ờ pồn tơba.

‘’Ma En la cau nền nòn, song dơpa\, jơnau lơi ờ git den lùp, ờ pơ hề pơ hà broa\  lơi. Bơh dùl na\ ùr ờ hoan khin ngan, ờ pin dờn sa\ tờm, jơnau lơi kung ngòt, tơnơ\ dùl tu\ tơngai tus bal tàm broa\ lơh, kơnờm  geh  tus bal tàm broa\ lơh mùl màl, Ma En neh dờng kràn  ua\ ngan’’-Lo\ Hoàng Thị Xoan-Chủ tịch mpồl  cau ùr xã Tu Tra đơs bè lo\ Ma En.

Lo\ Ma En ai git, tàm Tu Tra, cau ùr kòn cau geh tus rlau 60%, den tàng, broa\ lơh mblàng pơlam, lam sồr oh mi cau ùr gam gơtìp ua\ ngan kal ke. Bulah bè hơ\,  mờ broa\ lơh jơh nus, ờ ngòt bòl glar bơh cau tàm mpồl cau ur, tàm ala\ nam do,  xã neh mut lơh ua\ ngan broa\ lơh ngan ngồn, bè: Srơh broa\ lơh ‘’5 ờ, 3 kloh’’, crơng gơs mpồl cau ùr dong bal, sùm gàr geh câu lạc bộ rcang sơndra\ gơbàn ờ sô rgai sa\.

Ua\ ngan broa\ lơh geh  bơyai tơr`a lơh, li la broa\ lơh neh geh  mut ngui, bè: Lam sôr oh mi cau ùr ba` deh kòn dơ\ 3, hala hìu nha\ ờ gơbàn ala\ bơta ờ niam tàm mpồl bơtìan...den bơh mờ ala\ jơnau ngan ngồn nàng oh mi cau ùr bươn git, buơn wa\. Hơ\ sồng ala\ ngai chờ dờng den geh bơyai lơh đơs crih tam ya...

Ngan ngồn,  làng bol tàm xã ua\ ngan la  cau jat yàng Tin Lành mờ Yàng Bàp. Den tàng, kơnờm bơh tu\ oh mi  jơh lòt pơrjum, cau kuang cau ùr tàm [òn, xã geh bơyai lơh mblàng pơlam tơn, mut lơh  mo tơn ala\ broa\ lơh mpồl dê...

Đơs tai bè broa\ lơh lơh broa\ he dê, lo\ Ma En ai git, dùl bơta buơn bòai rlau tai bơh lo\ la bơta mờng lơh broa\ bal tàm gah broa\ khà kờp làng bol, lơh sơnơm [òn dê bơh nam 2006 tus tu\ do neh dong lo\ geh tai bơta git wa\, git wa\ nàng geh ngui tu\ boh bơr mờ oh mi cau tàm mpồl.

Mờ ala\ lơh ngan sùm ờ ơm tàm broa\ lơh, tàm ala\ nam do,  lo\ neh ua\ dơ\  dờp geh sra\ jờng bơh xã, bơh kơnhòal mờ sra\ jờng bơh Mpồl tam klac cau ùr càr. ‘’Jat a`, a` gam ờ hềt lơh geh ua\,  gam pal lòt bơsram ua\, nàng  pơ gồp bal ua\ rlau tai, di pal mờ bơta pin dờ` bơh oh mi cau ùr mờ kơna\ hờ đang’’-Lo\ Ma En  boh bơr bè hơ\.

                                               Cau cih mờ yal tơnggit K’ Brọp