VOV4.K’ho- Bơtàu tơnguh lơh bal đah ală mpồl lơh sa kă bro mờ hìu bơnhă cau lơh broă sa bơh broă lơh hợp tác xã nàng lam lơh sa, tăc bro phan lơh geh bơh sươn sre là gùng dà geh càr Kon Tum lam lơh bơh nam 2018. Tơngai lài, Sở Nông nghiệp mờ Phát triển Nông thôn càr Kon Tum pơgồp bal mờ Ủy ban Nhân dân ală kơnhoàl, [òn dờng bơyai lơh kơlôi sơnơng, lùp sền mờ sac rwah ală gah phan, phan bơna tờm, geh bơta pràn bơh tiah he dê nàng lơh jăt gùng dà do.

Tus tu\ do, tàm ù tiah càr Kon Tum neh lơh geh 23 anih lơh bal lơh gơlik mờ kă bro phan bơna tàm 2 gah broă lơh: tam phan mờ ròng phan. Broă lơh lơh bal là ală hợp tác xã, mpồl lơh broă bal lơh sa sươn sre geh lơh bal mờ ală mpồl cau, cau dùl nă să is tăc phơng sih, sơnơm tu, drơng boă bơcri tàm broă lơh sa, lam lơh sa, tơnhàu mờ lơh gơlik phan dùl êt halà lơh gơlik phan gơ jăt bal mờ tăc bro phan lơh geh bơh sươn sre. Jơh ală broă lơh bơh tam, sơngka sền gàr, tơnhàu, prăp gàr phan bơna ndrờm geh lơh mờ gròi sền niam ngan, lơh bè lơi nàng lơh gơlik geh phan bơna geh bơta niam, priă jền uă. Kơnờm bè hơ\, mpồl lơh sa kă bro bơtàu tơnguh, cau lơh broă sa iang nùs lơh sa; bơta lơh bal ngai sơlơ kơ\ kơl jăp.

Pơnrơ là ală anih lơh bal tam mờ kă bro phan bơna kơphê cê hữu cơ đah Mpồl lơh broă bal tam kơphê cê thôn Bê Rê, xã Đăk Choong, kơnhoàl Đăk Glei mờ Hợp tác xã Lơh broă sa sươn sre mờ Drơng broă kă bro lơh broă sa sươn sre công nghệ cao đah tô Tây Nguyên Farm tàm xã Đăk Hring, kơnhoàl Đăk Hà bal mờ bă ù ơnàng rlau 100 lồ. Hợp tác xã Đăk tô Tây Nguyên Farm bơto pơlam bơta chài pik plai dum mờ blơi plai kơphê dum geh khà 98%, giá blơi jơnhoa rlau pơndrờm mờ giá tàm drà kă bro là 500 đong dùl ki\; cau bơh Mpồl lơh broă bal dê geh kơnòl tam kơphê cê hữu cơ jăt jơnau sồr bơta chài nàng kờ` tăc tàm drà kơphê lơh geh jơnau sồr hữu cơ.

Nàng lơh mờ bơtàu tơnguh măt kă bro kơphê Đăk Hà, tơngai lài, kơnhoàl Đăk Hà, càr Kon Tum neh dong kờl crơng gơs ală anih lơh bal tam gơ jăt bal mờ kă bro phan bơna kơphê sồ 2 ờdo ờdă jăt tơl jơnau sồr 4C Utz. Tu\ do, jơh gùt kơnhoàl Đăk Hà geh 750 lồ kơphê tàm ù tiah ală xã: Đăk Mar, Hà Mòn, Đăk Ngọc, Đăk Hring, Đăk Long mờ thị trấn Đăk Hà lơh bal tam jăt tơl jơnau sồr hữu cơ VietGap, lơh jăt tuh dà [ồm bè dà mìu măy mok [ồm is, giá blơi jơnhoa rlau mờ giá kờp bal bơh drà kă bro dê. Ală mpồl lơh sa kă bro, hợp tác xã kă bro lơh bal mờ ală mpồl hìu, hợp tác xã lam tam, tơnhàu, prăp gàr, lơh gơlik phan bơna jăt di broă lơh hữu cơ. Kơnờm bè hơ\, phan bơna mờ ală hợp tác xã, mpồl lơh sa kă bro lơh gơlik mờ tăc tàm drà ndrờm lơh geh tơl bơta niam, geh cau ngui sa kờ` mờ cèng wơl priă cồng uă ai jơh bal cau tam mờ cau lơh broă sa sươn sre in.

Ală anih lơh bal tam kơphê sồ bàr jăt tơl jơnau sồr hữu cơ bơh kơnhoàl Đăk Hà dê

Bal mờ kơphê, ală nam rềp ndo, ală anih lơh bal tam mờ kă bro tàu nrang đah Công ty Cổ phần Sơdàng Kon Tum mờ bàr pe hợp tác xã tàm ù tiah [òn dờng Kon Tum, kơnhoàl Đăk Tô dê gam geh đơs niam ngan. Jăt mờ hơ\, cau lơh broă sa bơh ală hợp tác xã dê geh Công ty dong kờl ngai lơh ù, pơlam bơta chài, pà chi sơntìl, phơng sih sơnơm sền gàr phan tam mờ blơi jơh phan bơna jăt giá sền gàr rềs àr là 830 đong dùl ki\. Bơta do, dong làng bol iang nùs lơh sa, pleh jơnau geh tơnhàu mơya tăc ờ geh giá, cèng wơl priă lơh geh sùm ai cau tam in, mpồl lơh sa kă bro ờ duh pal bòl glar bè tiah tam tàu.

Ồng Lê Văn Bắc, Kuang ătbồ Hợp tác xã Lơh broă sa sươn sre- drơng broă ala Ngọc Tụ, pà gi\t: Hợp tác xã geh 170 lồ tus bal tam tàu lơh bal bơh nam 2018 tus tu\ do. Lài do, bă ù do mìng tam bùm blàng lơm, pah nam lơh geh priă jền bơh 25 tus 30 tơlak đong dùl lồ, mơya bơh tu\ tam gơl tam tàu lơh geh priă jền gơguh tus bơh 40 tus 45 tơlak đong dùl lồ. Bơta ndai, bơh broă lơh bal, làng bol gam geh gi\t mờ gùng dà lơh sa pa mờ broă lơh sa bal, mpồl bơtiàn geh kơnòl mờ tam pà bal bơta kuơ.

Bơta pơnrơ tàm broă crơng gơs mờ bơtàu tơnguh ală anih lơh bal tàm broă lơh sa, kă bro tàm tơngai lài tàm ù tiah càr Kon Tum dê, là: bal mờ broă lơh pràn bơtàu tơnguh tờm chi jo\ nam pràn kơphê, tàu, ală tiah gam sền dờng màng tus ală bơta chi tam pơnrơ is, phan bơna pơnrơ is. Bơta do ờ mìng dong li la phan bơna kă bro lơh geh bơh sươn sre mờ gam pơgồp bơnah gơmù ală rềs àr, hoàc hươr, tam gơl nisơna bơh drà kă bro dê mờ tơnguh priă lơh geh bơta lơh sa sươn sre dê.

Nàng lơh pràn broă bơtàu tơnguh ală anih lơh bal tơnguh priă lơh geh tàm broă lơh sa sươn sre, tu\ do, càr Kon Tum gam jơh nùs gơhòi gơ jà bơcri priă tàm gah lơh broă sa sươn sre, ngan là lơh broă sa sươn sre sàng goh, lơh broă sa sươn sre công nghệ cao; lơh pràn đòm jăt bơta gơguh jak tàm broă lơh sa, tơnguh uă bơta niam phan bơna gơ jăt bal mờ bơ\t bơtàu măt kă bro phan bơna pơgồp bơnah tơnguh bơta pràn tàm pơrlòng tàm drà kă bro; hòi jà bơtàu tơnguh ròng phan jăt gùng dà tơrgùm bal, lơh sa mờ măy mok sàng goh; rơndăp tăp sèng wơl ală hợp tác xã, mpồl lơh broă bal nàng lơh anih tờm tàm tơrbo\ bal mờ ală mpồl lơh sa kă bro crơng gơs ală anih lơh bal lơh sa, tus tàm drà mờ kă bro phan bơna.

Gơtùi đơs, ală cồng nha lơh geh tàm broă bơ\t bơtàu mờ bơtàu tơnguh lơh bal tàm broă tam mờ kă bro phan lơh geh bơh sươn sre tàm tơngai lài là bơnàng jă, bơta gơn kơnờm nàng gah lơh broă sa sươn sre mờ ală tiah tàm ù tiah càr Kon Tum dê pơn jăt tai rề ơnàng lơh bal ală anih nàng kờ` lơh gơlik ală anih lơh gơlik phan sa niam ờdo ờdă, wèt tus rài lơh sa kă bro pa, cèng wơl priă jền gơguh uă tai.

Jăt Sră báo Kon Tum- Cau mblàng Lơ Mu K’Yến