VOV4.K’ho - Ntum Đinh Trang Thượng, kơnhoàl Di Linh, càr Lâm Đồng tàm rài tam lơh sơndra\ mờ bol sò tơm Mỹ, dong klas dà lơgar gơbàn tơrlah tơrling ua\ ngan, tu\ do neh geh ala\ hìu đam niam hàng geh lơh, ala\  dor kơphe tơlir gơs neh lơh gơs dùl muh mat pa bơh tiah kac màng. Kơnờm geh git kờp du\ broa\ lơh sa dn tàng rài kis làng bol tàm tiah do slơ ngai slơ tơl ngui tơl sa rlau,  pas rlau. Tơnơ\ do la jơnau yal bè ala\ tam gơl tàm ntum Đinh Trang Thượng, kơnhoàl Di Linh, càr Lâm Đồng.

            Ntum Đinh Trang Thượng gam rhời geh lơh niam wơl bơh ala\ kal ke, geh ngui tơl ala\ bơta pràn geh bơh [òn lơgar, nàng brồ guh bơtàu tơngguh lơh sa phan bơna, sang sơbì jơgloh tơmù rbah. Hơ\ la bơta mờ ồng K’ Wệ kuang jat jơng atbồ Đảng ntum Đinh Trang Thượng geh đơs ua\ mờ bol a`:“Ntum Đinh Trang Thượng neh lơh broa\ mờ cơldu\ lơh broa\ sa kơnhoàl dê nàng rcang geh tam jàu bơta jak chài pa tàm broa\ lơh sa, ai ngui bơta jak chài pa tàm broa\ lơh kờ` làng  bol geh tam gơl ờ ua\ ba\ ù lài do lơh sa tơnhàu geh êt, ngan la tu\ do geh ai sơntìl pa ala  sơntìl lài. Tu\ do,  ờ ua\ ba\ ù tàm ntum Đinh Trang Thượng neg geh tam gơl geh cồng nha, ai tơngguh geh bơh 2 tấn dùl lồ tus 2 tấn mơ gùl dùl lồ  nàng bơtàu tơngguh rài kis làng bol dê”.

            Pah nam gơnoar atbồ [òn lơgar drờm geh sền wơl ala\ hìu ha\ rbah nàng geh gùng dong kờl nền nòn, kơnờm bơh hơ\ mờ làng bol tàm do drờm pơr lòng lơh broa\ sa nàng tơngguh cồng nha lơh geh bơh chi tam, phan ròng lik klàs rbah kơljap. Hìu nha\ bi K’ Clok kis tàm [òn 4,  ntum Đinh Trang Thượng lài do la hìu nha\ rbah ngan, mơya kơnờm bơh geh bơta dong kờl pơlam gùng bơh gơnoar atbồ [òn lơgar, bi neh geh lơh niam wơl ù tiah nàng tam pa wơl kơphe. Kơnờm bơh hơ\,  cồng  nha lơh geh bơh chi tam slơ ngai slơ gơguh jơnhua. Bơh nam 2013, hìu nha\ bi neh lik klàs rbah mờ tus tu\ do neh lơh geh hìu niam, Bi K’ Clok đơs:“Càn pria\ mờ anih pria\ jền a` blơi phơng mờ sơntìl. Đah kơnhoàl kung neh tus 3 dơ\ nàng geh bơto pơlam mờ nam lơi kung geh bơto pơlam  broa\ koh ntê kơphe, tuh phơng, bồm sơnơm geh làng bol geh ngui. Hìu  nha\ a` kung geh lơh ngan lơh tai nàng lik klàs rbah, nam do a` di gơlan geh tam tai kơphe nàng lơh sa hìu nha\ gơguh rlau”.

            Kung kơnờm bơh geh càn pria\ mờ anih pria\ jền dong kờl cau rbah mờ hìu nha\ bi Tạ Văn Vân kis tàm [òn 5 ntum Đinh Trang Thượng neh geh tai bơta nàng pờ  ơnàng tai ba\ ù tam kơphe. Tus tu\ do,  hìu nha\ bi neh geh git nđờ rhiang tơlak pria\ bơh pria\ tac kơphe. Bi Tạ Văn Vân ai git:“Lài do a` geh tam nđờ sào kơphe, tơnơ\ hơ\ a` rhời tam pa mờ pờ ơnàng ba\ ù tam,  a` go\ kơphe nam lơi pria\ tac kung ờ lơyah ngan,  ờ  di bè kòi. Ù tiah tàm do kung di pal 1 lồ kơphe kung geh bơh 2 tấn 8 tus 3 tấn”.

            Tu\ do,  ua\ hìu nha\ tàm Đinh Trang Thượng neh git ngui bơta pràn  bơh [òn lơgar nàng sang sơbì jơgloh tơmù rbah. Ngan la tus mờ broa\ ai ngui ala\ sơntìl kơphe  plai ua\  mờ  kơnjơ\ mut tam, tu\ do geh ua\ ngan hìu nha\ neh lik klas rbah jơgloh mờ lơh geh hìu  sơmang dờng. Lo\ K’ Hường kis tàm [òn 4 ntum Đinh Trang Thượng ai git: Rài kis bơh làng bol tu\ do neh tơl ngui tơl sa, hờm ram  ua\ rlau ngan mờ  lài:“{òn lơgar he dê neh geh ua\ ngan tam gơl,  lài do ờ hềt geh gùng, ờ hềt geh hìu bơsram, hìu sơnơm ntum,  a` den bòl glar ngan, lòt lơh mìr den gơbàn kal ke ngan, dùl nam den hơ\ sồng tơnhàu geh kòi, di lah geh den kung di rlau 10 bào,  ờ geh den ờ tơl kòi lời  sa. Bơh  tu\ git tam kơphe a` go\ [òn lơgar geh bơta tam gơl mờ bơtàu tơngguh loh làng ngan, gùng lòt, ồs đèng, hìu bơsram, hìu sơnơm  drờm geh jơh. Lài do he mìng kờ` geh sa  hờm lơm, tu\ do ua\ hìu cau geh den pal sa bơkah, soh niam”.

            Gơtùi đơs Đinh Trang Thượng tu\ do neh geh tam gơl bè tơl bơta, gùng lòt [òn lơgar neh geh lơh mờ bêtông jơh,  ồs đèng, hìu bơsram gùng lòt hìu sơnơm drờm geh lơh niam  rlau jơh mờ lài. Sền go\ ngan bè bơta tam gơl bơh [òn lơgar,  ồng K’ Bril kis tàm [òn 4, ntum Đinh Trang Thượng ờ pồ bơta chờ hờp đơs:“Lài do bòl glar, jơgloh lơ ời ngan, ờ geh gùng lòt bè do ờ, làng bol gam pal kis ntrờn tai, hìu den lơh mờ  pơ nìr,  ja. Ai tu\ do hìu lơi kung neh geh rơndeh ma\y, geh hìu blơi geh  rơndeh dờng, geh bal rơndeh pơndiang  nac. A` chờ ngan, oh kòn den geh lòt bơsram tơl, gùng lòt buơn boài”.

            Tu\ do,  khà hìu nha\ rbah bơh ntum Đinh Trang Thượng mìng gam rlau 3%, rài kis  geh bơtàu tơngguh jơnhua den tàng làng bol kung geh bơta rlau tàm broa\ drơng ai oh kòn in geh lòt bơsram. Ồng K’ Wệ kuang jat jơng atbồ đơng lam Đảng ntum Đinh Trang Thượng ai git: “Tàm do mìng is kơnòm bơsram kai I pah nam den guh kai II la 100%. Tơngai lài, kơnờm geh bơta sền gròi ngan bơh Đảng  mờ Dà lơgar ntum Đinh Trang Thượng neh bơto bơsir bơsram tai, ờ gam kơnòm bơsram sang bơsram mờ ờ ua\ kơnòm bơsram jơh ơdu\ 12 neh lòt bơsram tàm ala\ hìu bơsram cao đẳng,  cao đẳng nghê, ờ ua\ hìu bơsram dờng bè hìu bơsram dờng Dà Làc, hìu bơsram dờng [òn dờng Hồ Chí Minh”.

            Làng bol  kòn cau tàm Đinh Trang Thượng neh mờ gam lơh ngan lơh gơs  [òn lơgar slơ ngai slơ tam gơl pa bơtàu tơngguh pas gơs mờ di pal la ntum khin cha jak chài.

                             Cau cih mờ yal tơnggit K’ Brọp