VOV4.K’ho - Bơh jo\ do,  cau lơh sa tàm ntum Lạc Xuân, kơnhoàl Đơn Dương, càr Lâm Đồng  sùm mìng tam dùl bơta biap bơhìan tàm [òn den tàng neh pal kong mờ bơta “Tơnhàu geh, tac ờ yòm, tac yòm mơya ờ geh biap”. Ua\ hìu nha\ làng bol tu\ do neh khin cha ngui lơh broa\ sa jat gùng lơh broa\ sa jat công nghệ cao, tam gơl rơndap chi tam nàng ờ gam mìng tam dùl bơta chi tam tàm broa\ lơh sa suơn sre.

            Lài do, tơl kàl lơh sa, tàm suơn bơh hìu nha\ bi Nguyễn Quốc Thanh kis tàm [òn Giãn Dân, mìng geh tam dùl bơta chi tam mờng ngan bè blơn sut, hala khoah, bắp sú…Den tàng ngan,  geh ala\ kàl bơh gơbàn tu sa aniai, trồ tiah  nisơna, lơh sa ờ geh tơnhàu den hìu nha\ gơlik mpàng tê soh, ala\ kàl tơnhàu geh den gơbàn cau ka\ bro bơklơn blơi den tàng kung ờ geh nđờ. Bơh hơ\, bi neh lòt jòi bơsram ua\ tiah nàng bơcri lơh hìu jàl, hìu krơh mờ lam lài tàm broa\ lơh sa công nghệ cao rê geh ngui tàm [òn lơgar. Bơh sơnrờp, bơh ờ tơl pria\, ờ hềt mờng den tàng bi mìng geh khin lơh di 2 sào ù hìu jàl, hìu krơh tam biap, bơkàu jat gùng công nghệ cao. Rhời go\ geh cồng nha  bơh broa\ lơh sa công nghệ cao cèng wơl, bi Nguyễn Quốc Thanh neh sùm pờ ơnàng ba\ lơh hìu jàl,  hìu krơh nàng lơh sa. Tus tu\ do,  jơh rlau 1 lồ ù tam phan  bơh hìu nha\ bi Thanh neh lơh hìu jàl, hìu krơh mờ ròt phan tuh dà gơ hòr is mờ tàm  broa\ lơh sa bơh sơnrờp neh geh ngui ma\y mok den tàng tơmù geh ngai lơh broa\ mờ cồng nha lơh sa geh gơguh jơnhua.

            Tu\ do,  tàm ala\ tiah hìu jàl, hìu krơh bơh hìu nha\ bi Nguyễn Quốc Thanh pa kàl sùm geh ua\ bơta biap, bơkàu geh tam bal. Tu\ do,  geh 5 bơta chi tam gam hòn gơs niam tàm suơn la bơkàu đồng tiền, bơkàu cẩm chướng, bơkàu hồng, mre\ lơ ngồt, blơn sut. Bi Nguyễn QuốcThanh ai git “Kơnờm bơtàu tơngguh lơh broa\ sa jat gùng công nghệ cao den tàng hìu nha\ bi neh tam geh ua\ ngan chi tam krơi is. Tàm tàm hìu  jàl, hìu krơh he ờ sơnđìng ua\ tàm bơta trồ tiah, kàl lơh sa bè sơnđìng mờ trồ tiah lài do. Geh ua\ sơntìl chi tam lài do he tam ờ gơtùi  mơya bơh kơnờm bơh hìu jàl, hìu krơh he gam gơtùi tam geh mờ geh cồng nha jơnhua. Lài do,  mìng tam dùl bơta chi tam den gơbàn ờ geh tơnhàu hala tac ờ ỳom den drờm ờ geh pria\ jền, ai tu\ do,  ua\ chi tam den  roh chi do den gam chi ndai, he ờ ngòt. Bal mờ hơ\ tai,  tam ua\ chi tam geh dong lơh niam ù, kơryan tu sa aniai, kòp bơtờp”.

            Tus tu\ do,  tơnơ\ 4 nam tam gơl rơndap chi tam,  ngui lơh broa\ sa jat gùng công nghệ cao,  hìu nha\ bi Nguyễn Quốc Thanh ờ mìng geh tơnhàu niam mờ gam geh phan jơng kah jơng ka`. Mờ rlau 1 lồ ba\ ù lơh hìu jàl, hìu krơh, pah nam cèng geh hìu nha\ in geh rlau 1 tơmàn pria\ dùl nam mờ ai geh broa\ lơh rlau 10 na\ cau in tàm  [òn. Mờ broa\ lơh sa suơn sre jat công nghệ cao bơh hìu nha\ bi Nguyễn Quốc Thanh neh gơ gơs la anih tus lòt sền bơsram bơh ua\ ngan hìu nh tàm [òn lơgar tơngai lài. Mờ bơta mờng he dê, bi Nguyễn Quốc Thanh neh tam pà bal, dong kờl ua\ hìu nha\ làng bol tàm [òn nàng khi geh tam gơl chi tam mờ geh ngui bơta chài jat gùng công nghệ cao nàng ba` tam dùl bơta chi tam tai tàm broa\ lơh sa suơn sre mờ bơtàu tơngguh pria\ geh tàm dùl ba\ ù lơh broa\ sa.

            Ồng Nguyễn Tấn Hùng kuang jat jơng atbồ anih duh broa\ làng bol ntum Lạc Xuân, kơnhoàl Đơn Dương, càr Lâm Đồng ai git, kơnờm geh ngui lơh sa  suơn sre jat công nghệ cao,  mờ ua\ chi tam pa neh geh ngui tam  geh cồng nha niam mờ cèng wơl cồng nha lơh broa\ sa jơnhua tus làng bol [òn lơgar. Tàm tơngai tus, bol a` geh sền rơndap broa\ geh pơlam dong kờl làng bol [òn lơgar nàng khi geh bơtàu tơngguh lơh broa\ sa jat công nghệ cao kơljap,  geh cồng nha jơnhua.

                       Jat Bao\ Lâm Đồng, cau cih mờ yal tơnggit K’ Brọp.