VOV4.K’ho - Rềp mềr, lơh niam broa\ lơh cah r`a tàm [òn mờ tam pà bơta mờng ala\ broa\ lơh sa neh bal mờ làng bol tàm [òn-do la ala\  bơta mờ ồng K’Rốt neh lơh tàm tơngai lài. Ngai do geh yal bè ồng K’ Rốt, cau K’ho kis tàm Klong, kơnhoàl Đức Trọng, càr Lâm Đồng.

            Mờr 20 nam lơh broa\ gah tề lam gùng dra\ bal [òn, ồng K’Rốt kis tàm [òn Klong, ntum Hiệp An, kơnhoàl Đức Trọng, càr Lâm Đồng wa\ ngan la nàng  lơh geh làng bol kờ` gơboh den pal sền khi bè cau  tờm hìu nha\. Bơh sùm bè hơ\, neh nđờ dơ\ cah r`a bơsong, bơsong  tam phà ù tiah neh geh ồng K’ Rốt bơsong niam ngan. Ua\ hìu nha\ neh geh wơl ua\ ngan bơta chờ tơnơ\ ua\  ngan gơbàn ờ niam.

            Ồng  K’ Rốt đơs, lơh broa\ gah tề lam  gùng dra\ bal kung  kal ek ngan,  ua\ tu\ làng bol ờ iat jat, ngan la tàm  ala\ dơ\ lam sồr ai ù, bơt bơtàu [òn lơgar pa. Kơnờm bơh broa\ lơh nuềr ngan bal mờ bơta lam sồr, mblàng pơlam, bơsong di pal di bơta kơp kờ`, rhời làng bol geh git wa\:“Pơnyơu bè kes pria\ tài cau rbah, he lam sồr ta\ pơ gồp tài cau rbah, kes pria\ sền gàr ngap lơngai dà lơgar, tu\ sơnrờp khi đơs ngan, khi đơs a` kung la hìu rbah nđah lah lam sồr a` ta\ ai cau rbah in. He pal mblàng làng bol in git a` ờ tu\ lơi bơklơn, do la  broa\ lơh, dilah geh git, he bè do he rbah  gơya gam geh cau rbah rlau mờ he, den tàng nha ngan geh glòm nha sèt, he kung la nha sèt, gơya sèt êt rlau, khi bươn wa\ rlau”.

            Ồng K’ Rốt la dùl na\ cau kra [òn pơnrơ ngan tàm broa\ lơh sa tàm [òn lơgar. Ồng K’ Rốt yal lài do rbah ngan, rài kis làng bol tàm [òn Klong do mìng kơp tàm  kòi lơh dùl kàl, den tàng sùm jơgloh gùt nam. Dùl sào sre, dùl nam mìng tơnhàu geh rlau 1 tà kòi, geh tơl sa la neh niam rlau, ờ hềt đơs tus broa\ blơi phan ngui tàm hìu mờ drơng oh kòn in geh lòt bơsram. Ù den geh, mơya ờ git lơh sa lơi, làng  bol sùm ai cau Yuan ơpah tam biap.

            Go\ tam biap mờ bơkàu gơ cèng geh cồng nha jơnhua, ồng K’ Rốt sơnơng “Cau Yuan lơh gơ tùi lah he ờ gơtùi lơh?” Bè hơ\ la ồng geh bơsram is broa\ tam biap, tam bơkàu mờ bơsram broa\ sơng ka sền gar gơ. Bơh tu\ hơ\ tus tu\ do,  mờ rlau  5 sào ù tam biap mờ bkàu, pah nam ồng  tac geh pria\ rlau 100 tơlak pria\. Go\ pria\ geh gàr niam, ồng neh pơlam  làng bol in tàm [òn lơh jat bal. Tus tu\ do,  rlau 500 hìu nha\ tus bal tam biap mờ bơkàu. Rài kis bơh làng bol tàm [òn neh tam gơl go\ loh ngan. Ồng K’ Rốt yal:“Lài do, làng bol he  mìng lơh kòi 2 kàl, dùl sào den he tơnhàu geh 6 tạ kòi. Kờp du\ den kòi geh sa jơngkah, hơ\ la  sa hờm,  ai bơta niam den ờ geh,  bơta ram den ờ geh, blơi ngui ala\ phan bơna ma\y mok, tivi, rơndeh ma\y ờ lơh di bơta kờ` geh, den pal lơh broa\ ndai la pal tam biap,  pal tam bơkàu. Tam biap, tam bơkàu, gàr niam  kung gơguh  bal sơl. A` geh pơlam  làng bol tam geh ala\ bơkàu, ala\ bơta biap pa ngan bè sơlách, han, blơn sut, su hào”.

            Lơh broa\ tề lam gùng dra\ bal [òn, ồng K’ Rốt git loh ngan tơl hìu làng bol,  wa\ ngan rài kis bơh tơl hìu, tơl na\ cau. Ờ mìng lam sồr làng bol gàr ù nàng lơh pas bơh ù, ồng K’ Rốt gam nhap nhar lam sồr làng bol kòn cau tam klac,  lơh jat niam gùng dà broa\ lơh bơh dà lơgar, adat boh lam dà lơgar tus bal ta\ pơgồp bơt bơtàu [òn lơgar pa, gàr niam ngap lơngai ờ do ờ da\ [òn lơgar, bơt bơtàu rài kis ngac ngar jak chài [òn lơgar dê.

            Ồng K’ Rốt yal,  nàng gơ gơs la cau geh bơnga\ pin dờ`, den pal git gar bơta pin la broa\ lơh kuơ màng ngan rlau jơh, tài bơh pin,  làng bol ờ sồng pin. Mờ nàng geh bơta pin dờ` kơljap hơ\ den he pal la cau lam lài. Geh bè hơ\,  den broa\ mblàng pơlam, lam sồr hơ\ sồng geh cồng nha ngan ngồn:“He geh lơh broa\ jơh nùs lah ờ, lơh broa\ tề lam gùng dra\ bal pal mùl màl rềp mềr, jơh nùs, pal lơh jơh pràn he dê. He  rềp mềr mờ làng bol , tu\ làng  bol gơtìp broa\ lơh hơ\, he pal la cau sa\ tờm tus bal mờ khi, bơta hơ\ la kuơ màng ngan, bơta kờ` bơh cau kuang mờ làng bol. Bè geh broa\ lơh tam phà ù tiah, la dùl na\ cau lơh broa\ gah tề lam, lơh broa\ tàm mpồl cah r`a, den tàng he pal rềp mềr mờ khi,  tu\  he đơs khi iat, nàng khi iat, he pal lơh mùl màl, di broa\ khi hơ\ sồng iat he”.

                   Cau cih mờ yal tơnggit K’ Brọp