VOV4.K’ho- Drim ngai 20/12, tàm Hà Nội, Ƀộ Nông nghiệp mờ Phát triển Nông thôn bơyai lơh pơrjum pờ tơlik tơn tàm internet sền sơ wì cồng nha lam lơh mờ tơnguh lam lơh uă broă lơh lơh sa suơn sre ngac ngar sơndră mờ tam gơl trồ tiah gơ wèt rơndap broă tam gơl lơh sa suơn sre geh ƀồm dà. Tơnơ̆ 6 nam lam lơh, rơndap broă neh pơgồp bơnah tam gơl niam broă drơng ala ƀồm dà ai rlau 93 rbô lồ ù tam phan gơ wèt 7 càr, ƀòn dờng tàm gùt lơgar in.

Rơndap broă neh dong kờl bơt bơtàu 49 broă lơh lam lơh ngan ngồn lơh sa suơn sre ngac ngar gơ dờp mờ tam gơl trồ tiah gơ wèt tus mờ ală bơta chi tam bè: kòi, ală bơta biap, chi tam lơyah ngai, chi sa plai mờ chi tam jŏ nam. Jat Thứ trưởng Ƀộ Nông nghiệp mờ Phát triển Nông thôn ồng Lê Quốc Doanh đơs, ală cồng nha lơh geh bơh rơndap broă dê neh pơgồp bơnah kuơmàng tàm broă lam lơh geh cồng nha rơndap broă rơndap sap sèng wơl gah lơh sa suơn sre kung bè broă rơndap lơh bơtàu tơnguh bơ tơt rbòng dà tus nam 2030 mờ broă wèt sền tus nam 2050.

Cau mblàng K’Duẩn