VOV4.K’ho-Lơh jat Broă lơh jơnau kờn dà lơgar bơ\t bơtàu [òn lơgar pa tàm ală nam do, càr Daklak neh lơh geh cồng nha bơh sơn rờp, tàm hơ\ geh bơta tă pơgồp uă ngan bơh đoàn viên- ơruh pơnu dê. Cau ai tơngi\t jơnau do geh jơnau cih đơs bè bơta do:

Tơnơ\ dùl ngai lơh broă bòl glar kal ke, đoàn viên- ơruh pơnu [òn Quảng An, xã Ea Hồ, kơnhoàl Krông Năng, càr Daklak dê tơrgùm să tai tus tàm Hìu pơrjum [òn nàng tìp mat nhơl bơlai, mờ bơta lòt tàp tê uă ngan mờ jơh nùs bơh gal ngan làng bol sền dê. Bi H’Méc Mlô- Bí thư Mpồl ơruh pơnu xã Ea Hồ pà gi\t, do là dùl tàm 5 [làng nhơl bơlai neh geh lơh mờ bê tông, bơh đoàn viên, ơruh pơnu lơh tàm 2 nam do. Bàr pe gơl gùng lòt tàm ală [òn kung bơh ơruh pơnu tă pơgồp priă jền mờ lơh, den tàng broă lòt rê neh niam ngan. Rài kis tàm [òn lơgar do neh gơ gơs chờ hờp hô hơng ngan, kuơmàng là tàm ală dơ\ bơyai lơh pơrlòng đơs crih tam ya- tàp pràn să jan. Bi H’Méc Mlô, Bí thư Mpồl ơruh pơnu xã Ea Hồ, kơnhoàl Krông Năng, pà gi\t:

“Tàm dơ\ pơrjum ơruh pơnu tàm hìu chài rơgơi [òn kung đơs ai đoàn viên, ơruh pơnu in gi\t là lơh bè lơi lam sồr hìu bơnhă he dê lơh bal tàm broă lơh bơ\t bơtàu [òn lơgar pa bal mờ xã. Tàm nam 2015, 2016, Mpồl ơruh pơnu xã lơh geh 5 [làng nhơl bơlai mờ bê tông, kuơmàng là ală gơl gùng ơruh pơnu tă pơgồp is priă jền nàng lơh. Xã Ea Hồ là dùl tiah tờm bơh bơta chài rơgơi tàp pràn să jan dê, pah dơ\ kơnhoàl bơyai lơh, xã bơyai lơh, đơs crih tam ya duh hồl ngan rlau jơh là cing mồng, tơngo\ geh rài kis chài rơgơi is kòn cau dê, bơh hơ\ lơh geh nùs nhơm duh hồl, bơta tam klac bal”.

Ală nam do, đoàn viên, ơruh pơnu kơnhoàl Krông Năng sùm tơngo\ nùs nhơm lam lài, lơh broă dong kờl is tàm srơh bơ\t bơtàu [òn lơgar pa. Tàm hơ\ neh lơh 76 broă, bơnah broă ơruh pơnu; lơh pa mờ lơh niam wơl 88 kơi sồ gùng lòt tàm [òn; lam lơh ală broă lơh “Ngai dơ\ poh lơh broă dong kờl is”, “Ngai rlô tơlir” ai ơruh pơnu lòt pơs wàs lơh kloh niam tiah ơm kis, tam mờ sơngka sền gàr mờr 8 rbô tờm chi; lơh 20 [làng coh plai, lơh mờ bê tông 17 [làng nhơl bơlai, lơh pa mờ lơh niam wơl 10 nơm Hìu kờn gơboh kòn bơnus…mờ kờp jơh priă tă lơh là rlau 800 tơlak priă.

Tàm xã Hoà Hiệp, kơnhoàl Cư Kui`, rùp să [òn lơgar pa mpờl go\ loh làng ngan tàm tơl [òn, gùng lòt tàm [òn. Bi Vũ Thị Sim- Bí thư Mpồl ơruh pơnu xã Hoà Hiệp, pà gi\t: mờ bơta krơi is là xã geh gal làng bol jat yàng mờ làng bol kòn cau, broă hòi jà đoàn viên, ơruh pơnu tàm sơm băt tê bal bơ\t bơtàu [òn lơgar pa kung geh bơta krơi is sơl. Kơnờm bè hơ\ mờ tus tu\ do, xã Hoà Hiệp neh jơh lơh ală broă lơh [òn lơgar pa. Bi Vũ Thị Sim, pà gi\t:

“Tàm broă lơh jơnau kờn dà lơgar bè bơ\t bơtàu [òn lơgar pa, đoàn viên, ơruh pơnu kung rơcang lài dong kờl ală priă jền, ală cau dong kờl priă jền, pơnrơ ngan tàm nam pa do, pơgồp bal mờ dùl hìu bơsram cao đẳng broă lơh dong kờl priă jền lơh gùng lòt tàm [òn, lơh [làng nhơl bơlai…tu\ lơh den ơruh pơnu să tờm lam lòt lơh lài. Gơnoar broă Mpồl ơruh pơnu dê là kuơmàng ngan tàm broă bơ\t bơtàu ală anih lơh broă gùng dră bal pràn kơldang kơ\ kơl jăp. Xã Hoà Hiệp là dùl xã krơi is bè tiah jat yàng mờ tiah kòn cau. Sùm geh bơta pơgồp bal mờ ală cau duh broă yàng, ală mpồl lơh broă bè bơta jat yàng nàng pơgồp bal mờ Mpồl ơruh pơnu xã tàm broă lam sồr tam klac bal ơruh pơnu. Pa do pơrjum sền sơ wì sac rwah lồi nam den Mpồl ơruh pơnu geh săp khà là lơh jơh jak ngan kơnòl broă geh jàu”.

Là dùl tàm ală kơnhoàl r[ah ngan càr Daklak dê, tơnơ\ 5 nam lơh Broă lơh jơnau kờn dà lơgar bè bơ\t bơtàu [òn lơgar pa, kơnhoàl Krông Bông neh lơh geh cồng nha bơh sơn rờp, tàm hơ\ geh bơta tă pơgồp uă ngan bơh đoàn viên, ơruh pơnu dê. Jơh gùt kơnhoàl neh hòi jà tă pơgồp geh pơgăp 55 tơmàn priă nàng bơcri lơh tơn tàm broă lơh do. Kơnhoàl neh lơh mờ bê tông 34 kơi sồ gùng lòt tàm [òn, lơh niam wơl mờ lơh kơ\ kơl jăl rlau 120 kơi sồ rbòng dà tàm dơlam tiah do mờ tàm sươn sre, lơh pa, lơh niam wơl mờ lơh tam gơl pa 15 nơm bơtơ\t dơng dà, lơh kơ\ kơl jăp 77 kơi sồ rbòng dà. Đơs bè ală broă lơh bơh ơruh pơnu dê tus bal bơ\t bơtàu [òn lơgar pa, bi Y Mân Niê- Pho\ Kuang atbồ Mpồl ơruh pơnu kơnhoàl Krông Bông, pà gi\t:

“Mpồl duh broă sùm Mpồl ơruh pơnu kơnhoàl neh sồr ală mpồl ơruh pơnu xã, mờ thị trấn lam bơtòm tơrgùm, tam klac bal ơruh pơnu bơh ală broă lơh bơ\t bơtàu lơh sa halà bơh ală mpồl tơrgùm rê tus ală [òn. Bơyai lơh pơrjum mpồl ơruh pơnu tàm [òn. Bè bơta priă jền là dùl bơta kal ke ngan gơ wèt mờ kơnhoàl r[ah bè Krông Bông. Bol a` hòi jà ală cau geh nùs nhơm niam, ală mpồl lơh sa kă bro tàm dơlam mờ bơdìh kơnhoàl nàng bơ\t bơtàu ală broă lơh, lơh ală hìu khăn quàng đỏ, [làng nhơl bơlai, gùng lòt tàm [òn, lam ơruh pơnu lòt toah wàs rbòng dà, khòm tơrgùm jơh sồ siă kung bè lơh ală broă ndai”.

Mu\t lơh broă lơh broă “Rơnàng kơnòm să Daklak tàm sơm băt tê bal bơ\t bơtàu [òn lơgar pa” tus tu\ do, rơnàng kơnòm să jơh gùt càr neh lơh geh pơgăp 5 rbô broă ơruh pơnu ală kơnă, mờ bơta lơh bal bơh rlau 300 rbô nă đoàn viên, ơruh pơnu dê, lơh geh priă jền geh kuơ rlau 30 tơmàn priă; lam lòt toah wàs rbòng dà mờ 1000 kơi sồ rbòng dà; lơh niam wơl rlau 700 kơi sồ gùng lòt tàm [òn, tàm xã…pơgồp bơnah kuơmàng lơh tam gơl muh mat [òn lơgar tàm tiah he dê!

Bơh tu\ mut lơh broa\ lơh dà lơgar bè bơt bơtàu [òn lơgar pa, Ban thường vụ mpồl ơruh pơnu càr Daklak neh lam sồr ala\ mpồl ơruh pơnu lơh pràn srơh pơr lòng, trơ gùm bơta pràn kơnòm sa\ lam lài lơh broa\ dong kờl is tus bal tơl ala\ broa\ lơh bơtàu tơngguh rài kis, bơt bơtàu ala\ broa\ lơh, ala\  bơta broa\ lơh ơruh pơnu mờ neh lơh geh ala\ cồng nha bơh sơnrờp. Cau ai tơnggit jơnau đơs neh geh jơnau lùp bi Y Nhuân Bya\, kuang geh jơng tàm Thường vụ mpồl ơruh pơnu CSHCM dà lơgar, bí thư tỉnh đoàn càr Daklak bè tơnguh me do:

            -Ơ bi Y Nhuân Bya\,  tơngai lài ơruh pơnu tàm càr neh geh ala\ broa\ lơh lơi, attê bal bơt bơtàu [òn lơgar pa?

            Bi Y Nhuân Bya\: 5 nam do, ala\ kơna\ mpồl ơruh  pơnu tàm càr neh lơh geh ua\ ngan bơta kuơ màng,  dờp ala\ broa\ lơh nàng geh tus bal bơt bơtàu [òn lơgar pa. Khà càr  neh lơh lam lài ai tus mpồl khà kơnhoàl mut lơh 2 broa\ lơh nàng mut lơh  broa\  go\ ngan tàm  xã Ea Tul, kơnhoàl Cư\ Mgar la 1 kơi sồ  mơ gùl gùng lòt tàm [òn lơgar  mờ tàm xã Ea Ba, kơnhoàl Buôn Đôn la 2  kơi sồ 2 gùng mờ bê tông, mờ trơ gùm geh git nđờ rbô ngai lơh broa\ bơh ơruh pơnu tus bal. Dơ\ 2 la bè broa\ lơh pờ àng ồs tàm  gùng [òn la dùl tàm broa\ lơh mờ ơruh pơnu geh  tơlik lơh  2 broa\ lơh geh mut lơh ngan ngồn tàm kơnhoàl Ea H’ Leo, Krông Pach mờ khà pria\ geh lam sồr geh rlau 200 tơlak pria\. Bal mờ hơ\,  mpồl ơruh pơnu dà lơgar neh sền gròi mờ lơh geh tus Daklak 12 nơm rbàng [òn lơgar pa kờp pria\ lơh tơl  rbàng la 30 tus 400 tơlak pria\. Gah thường vụ mpồl ơruh pơnu càr neh  ai git broa\ lơh mờ bê tông mờ geh lơh ala\  anih nhơl nho\ chờ hờp lời tus ơruh pơnu, kơnòm pa tàu  tềng đap  ala\ hìu [òn bơh làng bol kòn cau, nam pa do kung neh lơh geh ua\ ngan broa\ lơh.  Tàm  broa\ lơh  bơta  kuơ niam mpồl bơtìan,  tu\ do neh jàu geh 115 nơm hìu dong kờl mờ hìu khăn quàng đỏ kung pơ gồp tàm broa\ lơh mut lơh ala\ broa\ lơh bơt bơtàu [òn lơgar pa.

            -Broa\ lơh dà lơgar bơt bơtàu [òn lơgar pa tàm càr neh mut lơh broa\ tơngai dơ\ 2 mờ ua\ ngan bơta pa. Mpồl ơruh pơnu càr Daklak kung neh tơnjơh  ơdu\ bơto bơsram cau lơh kuang  mpồl ơruh pơnu bè tơnggu me broa\ do. Den broa\  pal lơh tus mờ cau kơnòm sa\ in bè  bơt bơtàu [òn lơgar pa tàm tơngai tus geh ala\ tam gơl pa lơi?

            Bi Y Nhuân Bya\: Lài jơh la pơnjat tai geh lơh pràn mblàng pơlam bè broa\ bơt bơtàu [òn lơgar pa bơh cau kơnòm sa\, ngan la tàm ala\ xã lơh lài bè bơt bơtàu [òn lơgar pa càr dê, kơnhoàl dê, mờ sền  kuơ ngan tus tàm tiah sar lơgar ngài. Dơ\ 2 la geh  lơh lài broa\ lơh mờ geh lơh bal mờ ala\ gah, sơnah lơh broa\, mpồl bơtìan, ala\  mpồl lơh sa ka\ bro tàm [òn lơgar kờ` trơ gùm jơh ala\ bơta pràn lơh geh ala\ broa\ lơh bơt bơtàu [òn lơgar pa. Dơ\ 3, la chồl guh broa\ lơh lam lài bơh cau kơnòm sa\ geh lơh pràn rlau tai dờp ala\ broa\ lơh bơh ơruh pơnu.

            -Tàm dơ\ geh ai lòt bơsram bơsir pa do den mpồl ơruh pơnu càr kung neh ơn bơnga\ bơh mpồl ơruh pơnu tàm broa\ crơng gơs mpồl lơh sa bal. Dan bi pà git nền nòn rlau tai bè broa\ lơh  do tàm tơngai tus?

            Bi Y Nhuân Bya\:  Mpồl ơruh pơnu neh crơng gơs geh mpồl lơh sa suơn sre ơruh pơnu tàm xã Ea Tân, kơnhoàl Krông Năng mờ bơta tus bal bơh 30 na\ ơruh pơnu. Gah thường vụ mpồl ơruh pơnu car kung neh lam sôr ala\ kơnhoàl geh lơh ngan  pơnjờng crơng gơs ala\ mpòl bơto pơlam broa\ lơh sa tàm ala\ tiah,  rhời  bơtàu tơngguh gơs mpồl lơh sa bal ơruh pơnu. Bơh  mpồl lơh sa  bal do geh dong ơruh pơnu bơtàu tơngguh lơh sa  mờ ai bơh mpồl lơh sa bal do den ala\ kơna\  kuang  ơruh pơnu pal pơnjat tai geh  tơlik lơh ala\ broa\, geh pria\ nàng  dong kờl tai ơruh pơnu tàm bơtàu tơngguh lơh sa. Bơh tu\ do  tus lồi nam geh pơnjat tai crơng gơs bơh  dùl tus 2 mpồl lơh sa bal ơruh pơnu.

            -Broa\ lơh tờm ngan làm jơh bơh mpồl ơruh pơnu tàm broa\ bơt bơtàu [òn lơgar pa den pal lơh gơs broa\ lơh jat khà sồ 18 la lơh geh ròt chinh trị mpồl bơtìan kơljap.  Den bè hơ\,  broa\ pal lơh bơh mpồl ơttuh pơnu càr Daklak bè broa\ do tàm tơngai tus la mbè lơi?

            Bi Y Nhuân Bya\: Dilah bol he geh mut lơh ua\ bơnah broa\ lơh  tai mờ broa\ bơt bơtàu chính trị, mờ tờm hơ\ la lơh geh mpồl ơruh  pơnu  tàm [òn, mpồl lơi ờ pràn den broa\ mut lơh ala\ broa\ lơh do kung geh gơbàn aniai tus broa\ bơt bơtàu [òn lơgar pa, bal mờ broa\ lơh do den tàm nam  do, gah thường vụ mpồl ơruh pơnu neh lam sồr mờ tàm  tơngai tus geh rcang tus dơ\ đại hội den tàng pal sền ngan tus broa\ lơh do nàng lơh mbè lơi lơh geh mpồl ơruh pơnu Cộng Sản Hồ Chí Minh ala\ kơna\ sùm geh gàr la mpồl pràn kơljap. Nền nòn la lơh geh mpồl ơruh pơnu cau pơnjat tai di pal bơta kờ`, broa\ lơh. Dơ\ 2 la geh lơh niam bơh ala\ mpồl ơruh pơnu,  ala\ mpồl ơruh pơnu ờ pràn, di mơ. Dơ\ 3  la tơngguh cồng nha niam bơh mpồl ơruh ơnu,  tơngguh broa\ lơh ai bơsram nàng tơmut cau tàm mpồl, yal ala\ cau tàm mpồl jak Đảng in  nàng tơmut Đảng.

            -Ơi,  dan ưn ngài Bi Y Nhuân Bya\ ua\ ngan!

Cau cih mờ yal tơngi\t- Lơ Mu K’ Yến - K’Brọp mờ K’ Duẩn