VOV4.K’ho- Bộ Nông nghiệp mờ Phát triển Nông thôn pa geh sră nggal pơyua Ủy ban Nhân dân ală càr, ƀòn dờng gơwèt dà lơgar bè sơlơ đơng lam bơtàu tơnguh lơh gơlik phan tàm dà, ròng phan ală nhai lồi nam 2021. 6 nhai bồ nam 2021, kờp jơh khà phan tàm dà geh 4 tơlak 100 rbô tấn, gơguh 3% pơndrờm mờ bal dùl tŭ nam lài; priă lơh geh bơh tac hờ lơgar ndai phan tàm dà geh 4 tơmàn 100 tơlak dolar Mỹ, gơguh 13,6% pơndrờm mờ bal dùl tŭ nam lài.

Ală nhai lồi nam do, lơh gơlik phan tàm dà, ròng phan pơn jat tai kong mờ uă kal ke, bơta lòng: sơn đờm mut tàm kàl mìu càl rbut, trồ tiah gơlik geh ờ niam, jơnau pơhìn gơlik geh kòp bơtờp; ngan là broă gơlik geh kal ke mờ ngòt rơngơt ngan bơh kòp Covid-19 dê lơh gơguh uă jơnau pơhìn ờ gơtùi lơh broă dùl ròt ală mpồl lơh gơlik mờ tac phan bơna ròng phan, phan tàm dà.

Bộ Nông nghiệp mờ Phát triển Nông thôn sồr Ủy ban Nhân dân ală càr, ƀòn dờng gơwèt dà lơgar tơrgùm sền gròi broă lơh gơlik, bơta niam sơntìl, phan siam, phan lơh niam tiah kis; ală bơta phan bơna ròng phan, ròng tam phan tàm dà nàng bơtàu tơnguh di jơnau kờñ ai tơlik.

Cau mblàng K’Duẩn