VOV4.K'ho - Ia Hlốp, kơnhòal Cư\ Sê, càr Gia Lai la xã geh gal ngan làng bol cau Jarai ơm kis, lơh broa\ sa gam sơnđìng ngan tàm broa\ lơh sa suơn sre. Nam 2016 bulah lơh sa suơn sre pal kong ua\ ngan bơh gơbàn aniai trồ prang, mơya, gơnoar atbồ mờ làng bol xã Ia Hlốp neh dùl nùs, mut lơh geh cồng nha ala\ broa\ lơh bơt bơtàu [òn lơgar pa. Pa do, xã Ia Hlốp neh geh Ủy ban nhân dân càr Gia Lai dờp lơh gơs 19 broa\ bơt bơtàu [òn lơgar pa, gơs la dùl tàm 9 xã [òn lơgar pa càr dê.

            Wa\ sa tềp tàm hìu pa geh lơh niam ngan, bi Kpuih Or kis tàm [òn Gran, xã Ia Hlốp, kơnhòal Cư\ Sê chờ hờp: Chờ ngan, hờp ngan. Kơnờm bơh ala\ ơdu\ geh lòt bơsram, pơlam bơh dà lơgar,hìu nha\ bi neh git broa\ lơh kơphe, lơh kòi sre 2 kàl cồng nha tơnhàu ua\, tu\ do ờ mìng lik klas rbah mờ pah nam gam lời prap geh 2, 3 jơt tơlak pria\. Bi Kpuih Or boh bơr, pơgap mờ do 5 nam, hìu nha\ bi la dùl tàm hìu rbah ngan rlau jơh tàm [òn. Tài bơh ờ git broa\ lơh sa, den tàng bulah geh 1 lồ ù kơphe mờ 3 sào ù lơh sre, mơya nam lơi kung sa ờ tơl. Tu\ do, ờ ngòt jơgloh tai, bi Kpuih Or gam kờp du\ lơh sa lơh mbè lơi nàng gơ pas rlau:“Lài do, hìu nha\ kal ke ngan, lơh kòi sre mìng dùl kàl. Tơnơ\ do, bơh ala\ ơdu\ bơto pơlam broa\ lơh sa den a` bơsram geh ua\ bơta ngan bè song ka sền gar kơphe, tiêu, lơh kòi sre 2 kàl…Tu\ do, hìu nha\ a` tơl sa mờ neh blơi geh rơndeh Honda, tivi, rơndeh lơ òr, may ma\y kơphe…Tàm tơngai tus, a` geh tam pa wơl kơphe, tam tai tiêu nàng geh tai ua\ pria\ jền”.

            Lam bol a` lòt jat gùng mờ bêtông ring ngan, bi Siu Lun kis tàm [òn Á, xã Ia Hlốp chờ hờp: Tu\ do gùng lòt den neh niam, lòt hờ xã, hờ kơnhòal, lòt nhơl lòt jồ mờ làng bol rềp ngài, jơh ala\ drờm kloh niam, rơndeh dờng, rơndeh dềt drờm ntoat niam ngan.Geh gùng lòt tus hờ mir, gùng lòt tàm sre kung geh lơh cấp phối. Bơta gơbàn mbè bơ\, bo\ bil, ntiar nhai mìu, gơ thul kơmbuh nhai prang neh ờ gam tai. Lòt rê bươn bòai, làng bol neh git bơsram mờ ngui ala\  bơta jak chài pa tàm broa\ lơh sa, mờ pria\ geh làng bol dê neh gơguh jơnhua ua\ ngan. Bè [òn Á bi dê, ờ gam hìu lơi ờ tơl sa tai tàm nhai puh pah, hìu pas slơ ngai slơ ua\. Bi Siu Lun đơs:“Lài do, tu\ ờ hềt lơh geh gùng, làng bol bol a` lòt rê kal ke ngan. Tu\ do lơh geh gùng, làng bol lòt lơh sre, lơh suơn bươn bòai ngan, lơh sa den  bơtàu tơngguh rlau. Bơh tu\ geh gùng niam do, làng bol bol a` ờ gam kal ke tai, neh geh rài kis hờm ram, niam bơne\ rlau gơ bloh”.

            Ia Hlốp la 1 tàm 2 xã lơh lài bè broa\ mut lơh broa\ lơh dà lơgar bơt bơtàu [òn lơgar pa dà lơgar dê bơh kơnhòal Cư\ Sê. Xã geh 8 tàm 13 [òn la làng bol kòn cau Jarai. Tàm bơt bơtàu [òn lơgar pa, gơnoar atbồ xã neh trơ gùm bơh ala\ bơta geh, dong tơl bơta ai cau rbah in geh càn pria\, pơlam bơta chài lơh sa nàng sa\ tờm brồ guh. Bal mờ bơta bơcri bơh Dà lơgar, làng  bol ala\ kòn cau tàm  xã neh dùl nùs bal ta\ pràn ngai lơh broa\, ai ù lơh gùng, lơh ngan ờ gam hìu sèt nhhat dà mìu tai, mut lơh ala\ broa\ lơh tơmù rbah… Tus jơh nam 2016, pria\ geh kờp bal bơh làng bol tàm xã Ia Hlốp neh tus 32 tơlak pria\ dùl na\ cau, jơh ala\ gùng tàm xã neh geh lơh mờ bê tong, mờr 80% gùng tàm sre neh geh lơh kơljap, jơh ala\ bơtơt  rbòng dà neh geh lơh niam wơl, ala\ broa\ lơh ồs đèng, hìu bơsram, hìu sơnơm xã geh lơh dờng rlau di pal bơta kờ` bơtàu tơngguh lơh sa mpồl bơtìan bơh làng bol. Bè ala\ tam gơl bơh [òn lơgar, ồng Siu Thi, Phó chủ tịch Ủy ban nhân dân xã Ia Hlốp, ai git:“Lài do Ia Hlốp la dùl xã tiah 3, hơ\ sồng guh tiah 2, tu\ do neh guh tus tiah 1. Làng bol neh git ngui bơta jak chài pa tàm broa\ tam kơphe, tiêu, git lơh kòi sre 2 kàl… Mut lơh broa\ lơh [òn lơgar pa, xã Ia Hlốp neh pơrjum ala\ [òn, ring bal gùng dà broa\ lơh: Dà lơgar mờ làng bol lơh bal ala\ gùng lòt tàm [òn nàng gùng lòt xã dê geh bơtàu tơngguh, ka\ bro lơh sa buơn bòai rlau, lơh sa gơguh rlau”.

            Tus tàm nam pa 2017, xã Ia Hlốp neh dờp geh la lơh gơs 19 broa\ lơh dà lơgar bơt bơtàu [òn lơgar pa. Do la dùl bơta pràn nàng làng bol ala\ kòn cau tàm [òn lơgar slơ lơh ngan pơr long lơh sa mpồl bơtìan, bơt bơtàu [òn lơgar slơ ngai slơ pas pràn rlau.

                                           Cau cih mờ yal  tơnggit K’ Brọp