Lơh jat broa\ lơh bơt bơtàu [òn lơgar pa, tàm tơngai lài, làng bol tàm xã C\ư\ Ni, kơnhòal Ea Kar, càr Daklak neh lơh ngan is broa\ ai pà is ù mờ ua\ ngan phan bơna ndai kờ` lơh gùng lòt. Mờ bơta ta\ pơ gồp kuơ màng do, lồi nam do xã Cư\ Ni, kơnhòal Ea Kar geh tơl pràn  lơh gơs broa\ bơt bơtàu [òn lơgar pa.

            Gùng lòt tơrbo\ bơh [òn K’ Nốp mờ [òn 4 xã Cư\ Ni, kơnhòal Ea Kar, càr Daklak jòng 350 thơt neh geh lơh mờ bê tong ring drik niam, ơnàng mờr 3 thơt, 3 gah gùng kung geh lơh kloh niam. Bal mờ hơ\ la đèng pờ àng gùng kung pa lơh gơs.

            Pah ngai lòt tàm gùng do, ồng Phạm Duy Nghĩa kis tàm [òn 4, xã Cư\ Ni geh đơs bơta chờ hờp, tài broa\ lơh gùng do gơs neh lơh tam gơl muh mat [òn lơgar. Bal mờ dùl bơnah pria\ jề geh bơcri bơh dà lơgar, 28 hìu nha\ tàm [òn geh kơl is chi, ntrờn pong gàr nàng ai ù, ta\ tơl hìu la 2 tơlak 500 rbô pria\ mờ geh tus bal rlau 300 ngai lơh lơh gơs gùng lòt do. Ồng Phạm Duy Nghĩa ai git:

            Lài do, gùng do la gùng ù lòt rê kal ke ngan tài pah dơ\ mìu den lơh gùng mbè, ù lo\ dà sòr cò jơh lơh gùng mbè ngan. Làng bol neh pơrjum wơl ta\ pơ gồp lơh gùng bê tong jat khà [òn lơgar pa, xã neh ai 10 tấn sơmang, gam wơl ala\ hìu tàm [òn ta\ pria\  2 tơlak 500 rbô dùl hìu, mìng is hìu a` deh geh dong tai  5 tấn sơmang. Trơ gùm   làng bol lơh, sền is nàng lơh mbè lơi gùng gơ kơljap, tus tu\ do gùng lơh gơs làng bol lòt rê buơn bòai rlau.

            Lơh jat srơh ai ù lơh gùng lòt tàm [òn, hìu nha\ bi Hòang Văn Long kis tàm [òn 5,xã Cư\ Ni, bulah la hìu rbah, mơya kung neh ai is dùl sào ù. Bi Long đơs la, broa\ ai ù la kơnòl mờ broa\ lơh  la cau làng dê, sang lời dùl bơnah phan bơna is tài bơta kuơ bal mpồl bơtìan [òn lơgar.

Tàm dơlam gùng ù bơ\ mbè tàm nhai mìu, kơnòm dềt lòt bơsram la ờ gơtùi lòt. Hìu nha\ a` neh ai [òn in rlau 1 sào ù  mờ bơta jòng 40 thơt mat gùng, kơl rlau 30 tờm điều, 40 tờm kơphe, hìu nha\ ai is ờ go\ di dờp pria\ tài do la broa\ lơh bơt bơtàu [òn lơgar pa, ai ù lơh geh gùng kờ` làng bol lòt rê.

            Ồng Phạm Duy Hùng, Chủ tịch UBND xã Cư\ Ni, kơnhòal Ea Kara i git: mut lơh broa\ lơh bơt bơtàu [òn lơgar pa bơh nam 2011 tus tu\ do,  xã neh trơ gùm ua\ ngan  bơta pràn nàng lơh gơs phan bơna. Bal mờ pria\ dà lơgar dong kờl, làng bol  neh ai is rlau 100 rbô thơt kơre ù mờ ta\ pơ gồp geh rlau 3 tơmàn pria\ nàng pờ ơnàng, lơh mờr 30 kơi sồ gùng lòt, crap  rlau 3 kơi sồ đèng pơ àng gùg lòt tàm [òn làng bol ơm kis, lơh geh ua\ hìu [òn…Tus tu\ do, xã neh lơh geh 15 tàm 19 broa\ lơh bơt bơtàu [òn lơgar pa mờ geh lơh ngan geh lơh gơs tàm lồi nam do. Ồng Phạm Duy Hùng, Chủ tịch UBND xã Cư\ Ni, kơnhòal Ea Kar đơs tờm:

            Trơ gùm pràn tàm làng bol mơya bol a` lời nàng làng bol kờp u\ is, pria\ jền, atbồ is mut lơh broa\ lơh bơt bơtàu. Bơh tơngai nam 2011-2016, làng bol tàm xã neh ta\ pơ gồp geh rlau 8 tơmàn pria\, lơh rlau 40 kơi sồ gùng mờ bê tôg tàm ala\ [òn, tuh bê tông tàm ờ ua\ gùng tàm dơlam [òn. Khà pria\ ta\ den êt ngan la  bơh 1 tơlak mơ gùl tus 2 tơlak pria\, gam wơl la ua\ ngan la  geh hìu ta\ tus 16 tơlak pria\, bal mờ bơta ta\ pơ gồp den geh hìu  gam pà 5 tấn hala 7 tấn sơmang nàng dong [òn lơh gơs gùng bê tông.

            Mờ bơta ta\ pơ gồp nhap nhar bơh làng bol, jơh bal mờ ù tiah, phan bơna, pria\ jền mờ ngai lơh broa\, làng bol tàm xã Cư\ Ni, kơnhòal Ea Kar, càr Daklak neh ai go\ bơnga\ la  cau tờm he dê tàm  broa\ lơh dà lơgar bơt bơtàu [òn lơgar pa.

                                                Cau cih mờ yal tơnggit K’ Brọp