VOV4.K’ho - Mho òr (08/06), tàm ƀlàng rơndeh par dunia Nội Bài, Công ty Cổ phần Pacific Foods neh mùl màl tăc khà plai gơ-àl thiều Thanh Hà, càr Hải Dương sơnrờp ngan tus châu Âu jăt hiệp định kă bro khăt gơboh đah lơgar Việt Nam mờ mpồl tam klăc châu Âu (EU) (EVFTA).

Tàm poh tus geh là khà plai gơ-àl thiều Lục Ngạn, càr Bắc Giang kung geh lòt gùng nàng tăc tus tàm 27 lơgar kal ke do sơl. Tàm dơ̆ pơrjum, ồng Vũ Bá Phú, kuang atbồ đah hòi jà kă bro gơwèt Bộ Công thương pà gĭt: bŭ lah gơtìp gơrềng bơh kòp Covid-19, mơya bộ do neh pơgồp bal mờ Bộ NN mờ PTNT lơh uă broă ndrờm bal bơh tàm kàl lơh sa 2021 nàng jòi geh drà kă bro tàm lơgar mờ tàm hơ̆ kuơ màng ngan là tăc mờ lơgar bơdìh.

Tŭ do, gĭt nđờ jơ̆t tấn plai gơ-àl thiều bơh 2 càr Hải Dương mờ Bắc Giang neh geh tus tàm drà kă bro ală lơgar Nhờk, Singapore. Mờ 2, 3 ngai tus geh ală lơgar tàm mpồl EU tai-do là drà kă bro geh di pơgăp 430 tơlăk nă làng bol. Cồng nha do tus bơh ală broă pơbồp bal, hòi jà kă bro tàm kàl plai gơ-àl nam 2021.

Cau mblàng Ndong Brawl