VOV4.K’ho - Ngai 29 nhai 9 pa do, dơ\ sơnrờp Mpồl đơng lam Tây Nguyên bơyai  lơh jờng 200 na\ cau kuang [òn pơnrơ ngan. Do la ala\  cau geh ta\ pơ gồp kuơ màng ngan tàm broa\ gar niam ngap lơngai  gùng dra\ bal tàm [òn,  cau  sa\ tờm ngan  mut ngui ala\ gùng dà broa\ lơh bơh Đảng, mờ Dà lơgar tus mờ làng bol tàm Tây Nguyên. Tàm hơ\ geh ồng Y Than Adrơng atbồ [òn Kroa B, ntum Cuôr Dăng, kơnhoàl Cư\ Mgar, càr Daklak la dùl mpờl go\ ngan.

            Hìu nha\ mò H’Nhinh Êban kis tàm [òn Kroa B pa lơh yàng mut hìu pa,  geh  dờp la geh lik klàs rbah ai git: gơs bè tu\ do bơh hìu nha\ dê la geh bơta dong kờl bơh ồng Y Than Adrơng cau atbồ [òn. Geh bơta pơlam, dong kờl jơh nùs ngan bơh cau atbồ [òn mờ ala\ mpồl bơtìan, hìu nha\ mò mờ ua\ hìu nha\ ndai tàm [òn neh geh càn pria\ mờ anih pria\ jền kờ` bơcri lơh ròng phan, sơng ka sền gàr kơphe mờ tiêu geh cồng nha ua\, brồ guh lơh pas. Den tàng, rùp sa\ bè dùl na\ cau atbồ [òn jơh nus mờ làng bol tàm [òn sùm geh làng bol tàm [òn Kroa B cih dờp. Mò H’Nhinh Êban đơs:“Ồng atbồ [òn la  cau jơh nùs ngan mờ  làng bol, ồng dong làng bol ua\ ngan. Bè hìu a` do,  lài do la hìu rbah, geh  cau atbồ [òn pơlam lơh sra\ nàng càn pria\ Dà lơgar,  hơ\ sồng cau kuang tàm [òn geh pơlam ròng sur, ròng be, tam kơphe, tiêu lơh  sa geh cồng nha  ua\”.

{òn Kroa B

            La  cau bơh tàm [òn Kroa B, bơh tơnơ\ ngai đah jum geh tơng klàs jơh, dà lơgar trơ gùm dùl, ồng Y Than Adrơng neh la  cau lam lài lơh is lòt  bơto git sra\ ai tus làng bol tàm [òn. Ồng gam la cau  lam lài ngan tàm ala\ srơh bơh mpồl bơtìan lam lơh. Lài do la cau atbồ mpồl lơh broa\ sa  [òn Kroa B, ồng la cau neh bơto pơlam ala\ bơta jak  chài pa tàm broa\ lơh,  jơh nus ngan pơlam làng bol tàm broa\ tam kơphe, tiêu, ròng phan geh cồng nha. Tàm dùl  dơ\ tus bal lơh Hìu chài rgơi [òn,  ờ bơtuah ồng gơbàn  pa\ jơng. Bulah ờ gam pràn bè lài tai, lòt rê kal ke, mơya mờ broa\ lơh jơh nùs mờ broa\, ồng gam tus tơl hìu nha\ tàm [òn. Tơl broa\ lơh [òn dê drờm geh pơrjum cri bơyai ring bal bơh mpồl  atbồ Đảng [òn, atbồ [òn, gah lơh broa\ tề lam gùng dra\ bal mờ ala\ mpồl bơtìan. Ồng Y Roh Niê atbồ gah lơh broa\ tề  lam gùng dra\ bal [òn Kroa B đơs:“Broa\ lơh [ơh atbồ [òn la kal ke bè lơi kung  lơh ngan jơh, ờ bòl glar, sang broa\ hìu nha\ geh lơh broa\ [òn lơgar pal gơs, bòl glar ngan. Cau atbồ [òn la cau lam lài,  geh mblàng  bơto bơtê nàng làng bol geh wa\ gùng dà broa\ lơh bơh Đảng mờ Dà lơgar. Bol a` sùm geh bơta tam klac,  sền wơl jơh ala\ hìu lơi ngan ngồn la hìu rbah den geh ai tơlik nàng geh pơlam,  pơlam nền nòn kờ` làng bol geh càn pria\ lơh sa di pơlam”.

Ồng Y Than Adrơng atbồ [òn Kroa B gam boh bơr mờ làng bol

            {òn Kroa B geh rlau 400 hìu nha\, mờ rlau 2 rbô na\ cau, ua\ ngan la làng bol kòn cau Rơđê. Bơh dùl  [òn geh bơta ờ  suk gùng dra\ bal, ua\ ngan  làng bol tàm [òn la rbah, jơgloh, mơya tu\ do [òn Kroa B neh geh tam gơl  u\a ngan. Cồng nha do la geh bơta ta\ pơ gồp ua\ ngan dà kơlhề bơh cau atbồ [òn la ồng Y Than. Broa\ lơh niam ngan rlau  jơh pa do  ồng dê la neh trơ gùm jơh  làng bol tàm [òn ta\ pơ gồp geh 40 tơlak pria\,  tus bal  ngai lơh broa\ nàng lơh rbàng lòt gan dà croh Kroa, kờ`  geh niam gùng lòt rê mờ pơndiang phan lơh geh bươn boài ngan. tàm  srơh broa\ lơh bơt bơtàu [òn lơgar pa, làng bol tàm [òn Kroa B  kung geh tus ua\ ngan ngai lơh broa\,  pria\ jền  kờ` lơh gùng tàm dơlam [òn, lơh ồs đèng tus jơh tơl hìu. Ồng Hoàng Viết Cát kuang atbồ anih duh broa\ làng bol ntum Cuôr Dăng, kơnhoàl Cư\ Mgar ai git:“Bi Y Than Adrơng cau atbồ [òn Kroa B, geh ta\ pơ gồp dà kơlhề bi dê la ua\ ngan tus ala\ broa\ lơh tàm [òn đơs bal mờ tus mờ [òn  do đơs is.  Bol a` geh đơs jơnhua ngan,  lơh broa\ geh kơnòl ngan, ngan la bulah ờ  di la cau  geh Đảng mơya bơh broa\ lơh lam lài tơl mờ ala\ broa\. Pah tu\ [òn lơgar mut lơh broa\ lơi den bi la cau lam lài, lơh broa\ jơh nùs nhơm. Tơngai do, mut lơh broa\ lơh bơt bơtàu [òn lơgar pa den bơnga\ bơh cau atbồ [òn do geh kuơ màng ngan tàm broa\ trơ gùm làng bol tus bal”.

Rài kis bơh làng bol tàm [òn Kroa B slơ ngai slơ tam gơl  hờm  ram

            Mờr 7 nam geh làng bol pin dờ` pồ lơh  cau atbồ [òn, ồng Y Than Adrơng gơ lơh pơnỳơ sa\ ngan, tài  bơh bơta tam gơl bơh [òn dê. Bồ nhai 9 do òr,  [òn Kroa B geh anih duh broa\ làng bol càr Daklak dờp la  “[òn ngac ngar jak chài pơnrơ ngan” tàm  srơh “Gùt làng bol tam klac bơt bơtàu rài kis ngar ngar jak chài” Sa\ tờm ồng Y Than  Adrơng geh jàu bằng khen, di tàm tu\ do ồng geh  mpồl đơng lam Tây Nguyên jờng:“Mờ kơnòl lơh broa\ he dê, a` pal lơh ngan jơh,  geh tu\ pal lòt trồ mang. Kơnòl he dê mờ kơna\ đang jàu, he pal lơh ngan. Sơnrờp la tàm hìu nha\ he pal bơto bơtê oh kòn geh lòt bơsram,  hơ\ sồng geh mut lơh tàm [òn, làng bol mut lơh  gù\ng  dà broa\  lơh bơh đảng,  adat boh lam  Dà lơgar dê,  gàr niam  sơnơng git wa\, broa\ lơh broa\ sa, bơtàu tơngguh lơh sa hìu nha\, ba` lơh jat, iat bol ờ niam lơh aniai, bơchul”.

            Bơta lơh ngan nàng pơ gồp pràn geh bal mờ [òn lơgar tam gơl pa,  hơ\ la broa\ kờ` ngan bơh dùl na\ cau atbồ [òn jơh nùs mờ broa\ lơh he dê.

                                      Cau cih mờ yal tơnggit K’ Brọp