VOV4.K’ho – Bal mờ làng bol gùt lơgar, làng bol tàm ală [òn Tây Nguyên kung gam wă rò dùl sơnam pa ram mhu\, chờ hờp. Gơwèt mờ [òn Brang, xã Đak Pling, kơnhoàl Kông Chro, càr Gia Lai, sơnam pa do sơlơ geh kuơ rlau tu\ geh tiah ơm pa kơ\ kơlj ap tàm [òn ơm kis pa, lơh broă sa geh cồng nha bơh kàl sơn rờp tơn:

{òn Brang, xã Đak Pling, dùl tàm ală tiah ngài mờ kal ke ngan rlau jơh bơh càr Gia Lai dê gam tàm nhai lơh chờ `ô lir bong. Nam pa do, Tây Nguyên gơtìp aniai tài bơh trồ prang dờng soat dà, mơya xã Đak Pling den trồ tiah mìu càl niam, kòi mìr hìu lơi kung kơn jơ\ sơn yùr plai. Bè hơ\ là tus nam do, chờ `ô lir bong tàm Đak Pling geh bơyai lơh tàm bơta chờ hờp uă rlau tai, ờ mìng lơh geh kòi, mờ gam geh tiah ơm kis pa. Ồng Đinh Hà, ơm tàm [òn Brang chờ hờp đơs: “Lài do, tiah ơm yau den làng bol ờ suk ngan, nam lơi kung gơtìp tơrlah bơnơm. Tu\ do den chờ hờp ngan bloh, geh dà lơgar dong kờl ntrờn tus ndo là kơ\ kơljap ngan. Geh hìu ơm pa, geh tiah ơm kis kơ\ kơljap, hìu nhă a` geh lơh ngan lơh sa nàng rài kis ngai sơlơ niam rlau.”

Làng bol kòn cau Bơnhàr [òn Brang lài do ơm kis tàm tiah sùm gơtìp tơrlah bơnơm mờ kung neh uă dơ\ gơtìp ù, lu\ dùh tàm [òn, lơh aniai uă hìu đam, phan bơna. Kờ` gàr niam ờ do ờ dă làng bol in, gơnoar atbồ kơnhoàl Kông Chro pơgồp bal mờ cau ling Quân khu 5, Bộ đơng lam ling klàng càr Gia Lai bal mờ git nđờ rhiang nă ơruh pơnu kơnhoàl dê neh tus dong làng bol ntrờn tus tiah ơm kis pa. Geh pràn să jan, geh bơta tam klac, dùl nùs bal, ờ hềt tus 10 ngai, jơh 60 nơm hìu tàm [òn Brang neh geh ntrờn tus tiah ơm kis pa. Lài hơ\, kơnhoàl Kông Chro kung neh lơh gơs gùng che đèng, dà ngui sa bal, gàr niam rài kis làng bol in geh [uơn [ùai tu\ tus tiah ơm kis pa. Wă rò sơnam pa mờ nùs nhơm gùt [òn neh ngan ngồn ờ do ờ dă. ồng Đinh Blơnh, kra [òn đơs: “Nam do làng bol tàm [òn chờ hờp ngan. Geh cau ling, gơnoar atbồ, ơruh pơnu dong kờl, làng bol geh ntrờn tus tiah ơm kis pa, ờ gam gơbàn tơrlah tai, a` chờ hờp ngan. A` geh lơh ngan bơto sồr, tơngkah làng bol tàm [òn lơh ngan lơh broă nàng bơtàu tơnguh lơh sa, gàr kơ\ kơljap rài kis.”

Tu\ do, gơl gùng lòt gan [òn Brang gam jal mhar geh mut lơh, digơlan lơh gơs tàm tơngai mờr tus nàng làng bol in mhar geh gùng lòt rê [uơn [ùai. Uă rơndap broă bơt bơtàu mờ bơtàu tơnguh lơh sa ndai kung gam geh gơnoar atbồ tàm [òn lơgar mut lơh nàng làng bol bơtàu tơnguh lơh sa tàm nam pa. Ồng Đinh Ong, Chủ tịch Ủy ban nhân dân xã Đak Pling, kơnhoàl Kông Chro pà git: “Tus tu\ do, làng bol neh kơljap tiah ơm kis mờ gàr kơ\ broă lơh sa, priă jền lơh geh. Pơnjat tai tàm nam 2017, kơnhoàl bơcri tai lơh gùng, hơ\sồng mut lơh hìu bơsram mầm non [òn Brang in mờ pơnjat tai tam ală bơta chi tam bè tơngời sơntìl pa, bùm blàng, kòi nàng tơnguh priă lơh geh, lik klàs r[ah.”

Kơp kơnờm kơ\ kơljap tiah ơm kis mờ broă lơh sa neh gơ gơs ngan ngồn mờ làng bol [òn Brang tàm nam pa 2017. Làng bol neh wă rò nam pa Đinh Dậu tàm bơta chờ hờp mờ kơ\ nùs pin dờn. Bơta chờ hờp hơ\ ndrờm bè geh ai go\ bơh sap ntas dròng cing mồng gờm chờ `ô lir bong, gờm chờ sơnam pa bơh làng bol tiah do dê.

                                                                       Cau cih mờ yal tơnggit K’Duẩn